Dadunu 19
19
Limau-limau di'a sanga salamata
(Nyo. 35:9-28; Yos. 20:1-9)
1'A Musa 'o kanau moju toma ngowa'a Israel rema betongo so'o ne: <<Wakutu Ma JOU, Ma Jou'ongu Madutu ga'a ngini ni silamo'o re siḏubuso, togumu i'a Unanga gena-ge 'O singi-ngiranga bangsa-bangsa gena-ge, re ḏuanga i'a ananga manga daeraha Unanga 'A sipula'a ra ngini singadolo ngini na ḏegoro, re ni tegoro tamanga limau-limau re ananga manga wala-wala 'age, 2ngini balasu ni siwola i'a limau ro'ange di'a ngini ninga diri toma daeraha gena-ge ga'a Ma JOU ḏuanga i'a 'A sipula'a di'a ngini na ḏegoro, Unanga gena-ge Ma Jou'ongu Madutu ga'a ngini ni silamo'o re siḏubuso. 3Ḏi'i, ngini balasu ni sibalangu daeraha gena-ge, la 'i dadi balangu ro'ange, re toma balangu rimoi ma limau salamata rimoi. Daeraha gena-ge ga'a Ma JOU 'A sipula'a di'a ngini sa'olo ninga warisi, Unanga gena-ge Ma Jou'ongu Madutu ga'a ngini ni silamo'o re siḏubuso. Re ngini balasu ni 'a'a ngo'omo rousu toma limau ro'ange gena-ge, la ngowa'a ga'a 'o sisengene ngowa'a, unanga gena-ge nyengara 'o wiḏi capati toma limau gena-ge di'a sanga salamata. 4Gena-ge 'atoranga di'a matengo i'a ga'a 'o sangaja ua ro sisengene ngowa'a lelegu ga'a unanga kai emono ua, unanga nyengara 'o wiḏi toma limau rimoi i'a gena-ge re nyengara 'o sisalamata 'ai diri 'age. 5Si'ade-'ade ngowa'a matengo i'a reo ḏagilomu, ananga ngamu ḏiḏi 'aḏi osama bangana di'a tawele ate. Ḏua matengo 'o tawele ate ma lese, 'ai tama'ono ma doto 'i sa'ala toma wuolo re 'i nga'unu 'ai ḏagilomu singadolo unanga 'o sengene. Dadi unanga ga'a sisengene ngowa'a kai sangaja ua gena-ge, 'ai sala cua re nyengara 'o wiḏi toma limau salamata ma rimoi gena-ge toma limau ro'ange, la 'o sisalamata 'ai diri. 6Na'o pa'i limau rimoi ḇato di'a sanga salamata, ḏa limau rimoi gena-ge 'i kiḏanga woḏi di'a ngowa'a ga'a sisengene ngowa'a unanga 'a wiḏi di'a sanga salamata, singadolo ngowa'a matengo tai rera moi ga'a balasu sihukumu singadolo sengene di'a ngowa'a sengene gena-ge, unanga 'o ruta lai siḏi re nyengara 'o kunu'i re cako'o unanga singadolo 'o sisengene ngowa'a ga'a sisengene ngowa'a gena-ge. Ḏua kalaha unanga gena-ge kama sala ua sababu kai emono ua toma ngowa'a sengene, unanga ḏi'i mai sanga sengene. 7Sababu gena-ge, ngoi to parenta ngini balasu ni siwola i'a limau salamata ro'ange.
8Na'o Ma JOU Ma Jou'ongu Madutu ga'a ngini silamo'o re siḏubuso, Unanga gena-ge ro silamo'o ninga daeraha mete'e 'Ai jaji ga'a Ra 'a'a rema sasi pasala ḏua taninga ngimo-ngimono, re daeraha gena-ge mo-moini Unanga 'A sipula'a ḏua ra ngini mete'e 'Ai jaji ga'a Unanga 'o 'a'a taninga ngimo-ngimono. 9Ma JOU ḏuanga i'a 'o 'a'a so'o gena-ge na'o ngini siḏagi mo-moini toma hukumu rimoi ma dara ga'a ngoi, Musa ta parenta ra ngini wangere nange-ne: gena-ge ngini balasu ni dadalara Ma JOU Ma Jou'ongu Madutu ga'a ngini silamo'o re siḏubuso re ninga 'ahu 'i mete'e 'Ai do-doto'o.#Dad. 11:22 re ngini balasu ni dogo limau salamata ro'ange ma lelegu sababu daeraha gena-ge 'i sidogo lamo'o. 10Na'o si'a'a so'o gena-ge ngini ḏuanga i'a ni baraḏosa ua sababu ananga sanga ua hukumu sengene ga'a 'aḏi sisengene ngowa'a mada'a kamanga sala ua toma daeraha ga'a Ma JOU ḏuanga i'a 'A pula'a ra ngini sa'olo ninga warisi, Unanga gena-ge Ma Jou'ongu Madutu ga'a ngini ni silamo'o re siḏubuso.>>
11<<Mada'a na'o matengo 'o emono ngowa'a Israel lelegu re 'o magogono totoma unanga di'a 'o ca'olo singadolo ngowa'a Israel 'o sengene, kara matengo i'a gena-ge 'o wiḏi toma limau salamata rimoi ma dara. 12Dadi ngowa'a sisengene 'ai limau ma bi-biri'i balasu 'aḏi 'aro'o ngowa'a ḏuanga i'a 'aḏi sipula'a unanga toma ngowa'a sengene 'ai rera moi ga'a balasu 'o siḏagi hukumu sengene , la ngowa'a ga'a 'aḏi sisengene ngowa'a Israel lelegu gena-ge sanga sengene ḏi'i. 13Awa ni basono dadalara di'a unanga. Sigofi tana'a Israel toma ngowa'a kama sala ua 'ai ngaunu 'i sipa'ala, la ngini ni 'ahu la-la re tegoro ti'ara toma tana'a gena-ge.>>
Awa ni sidodu tana'a ma bati
14Na'o ngini reni ngadolo toma daeraha ga'a Ma JOU Ma Jou'ongu Madutu ga'a ngini silamo'o re siḏubuso, Unanga gena-ge ro pula'a ra ngini sa'olo ninga warisi di'a ni ḏegoro, awa ni sidodu wala sebanga manga tana'a ma bati ga'a da'a re sino moju.
'Atoranga mangale sakisi
15<<Sakisi pa'i matengo 'i yoḏu'u di'a sitarangi mangale ngowa'a matengo 'ai ga'a ma rapu 'oru ḇato, sala 'oru ḇato bolo ḏosa 'oru ḇato ga'a unanga 'a siḏagi. Paralu sakisi nga muḏiḏi bolo nga ḏu'ange di'a sanga putusanga ga'a banari mangale hali gena-ge. 16Na'o matengo sakisi ma jira, unanga gena-ge 'o sikalaki ngowa'a Israel lelegu mangale unanga 'o 'a'a ga'a ma lawana ra Ma Jou'ongu Madutu, 17ḏua ngowa'a Israel nga muḏiḏi gena-ge balasu 'aḏi tagi talaḏi ra Ma JOU re 'imam-'imam re juruhakimi-juruhakimi, ananga gena-ge ga'a 'aḏi siḏagi munara toma 'orasa gena-ge. 18Juruhakimi mo-moini balasu 'aḏi disa waro mode-mode'e mangale hali gena-ge. Na'o ma nyonyata sakisi gena-ge sakisi sa-sakala re 'o sikalaki sa-sakala ngowa'a Israel lelegu, 19sakisi gena-ge ngini nu sihukumu ma tero sa'olo unanga mau sihukumu ngowa'a Israel lelegu. Rema duhu so'o gena-ge ngini ḏuanga i'a ni singi-ngiranga kajahatana gena-ge taninga sigolona. 20Dadi, ngowa'a mo-moini ya 'isene hali gena-ge, ananga 'aḏi dadi mojongo singadolo matengo i'a mai riwara 'o 'a'a kajahatana so'o gena-ge. 21Awa ngini ni basono dadalara mangale hali-hali ma duhu so'o gena-ge. Ma hukumana ma duhu so'o ne: Nyawa singali nyawa, la'o singali la'o, ngiḏi singali ngiḏi, giama singali giama, re rou singali rou.>>
Currently Selected:
Dadunu 19: SAJ
Highlight
Copy
Compare
Share
Want to have your highlights saved across all your devices? Sign up or sign in
2025 Indonesian Bible Society (LAI)
