Башталганы 8
8
1Кудай Нойды, оныла кожо керепте болгон јерлик аҥдарды ла мал-ашты эске алган. Кудай јерге салкын ийген, суулар тартылып баштаган.
2Тӱп јок суулардыҥ оозы јабылып, теҥериниҥ тежиги бӧктӧлип, јаҥмыр токтогон. 3Јердиҥ ӱстинде суу араайынаҥ тартылып, јӱс беженинчи кӱнде јабызап баштаган. 4Јетинчи айдыҥ он јетинчи кӱнинде кереп Арараттыҥ кырларында токтогон. 5Суу онынчы айга јетире араайынаҥ јабызаган. Онынчы айдыҥ баштапкы кӱнинде кырлардыҥ баштары кӧрӱнӱп келген.
Кускун ла кӱӱле
6База тӧртӧн кӱн ӧдӧрдӧ, Ной керепте јазап алган кӧзнӧгин ачып, 7кускунды чыгары божоткон. Кускун учуп чыгала, јер суудаҥ кургагалак учун, ырада учуп болбой, кайра келип, айланыжып турган.
8Оноҥ Ной, јерде суу тартылган ба деп билерге, кӱӱлени божоткон. 9Је кӱӱле отурар јер таппай, керепке бурулган: јердиҥ ӱсти ончо суу болгон. Ной колын сунуп, кӱӱлени керепке кийдирип алган.
10Ной база јети кӱн сакыйла, кӱӱлени такып божоткон. 11Кӱӱле эҥирде бурулган, чокыжында олива агаштыҥ јалбырагы болгон. Анайып, Ной јер суунаҥ топсый бергенин билип алган. 12База јети кӱн сакыйла, кӱӱлени катап божодордо, ол бурулбаган.
13Ной алты јӱс бир јажына кирген јылдыҥ баштапкы айыныҥ баштапкы кӱнинде суу јердеҥ тартылган. Ной керептиҥ јабынтызын ачып, јердиҥ ӱсти кургап калганын кӧргӧн.
14Экинчи айдыҥ јирме јетинчи кӱнинде јер кургап каларда, 15Кудай Нойго айткан:
16– Сен бойыҥ, ӱйиҥ, уулдарыҥ ла келиндериҥ керептеҥ чыгыгар. 17Бойыҥла кожо ончо тындуларды: куштарды, мал-ашты, јерде кыймырашкан курт-коҥысты чыгар. Олор јер сайын таркап, ӧссин, кӧптӧзин.
18Ной, оныҥ уулдары, ӱйи ле келиндери керептеҥ чыгып келгендер, 19ээчиде тынар-тындулар: аҥдар, оок тындулар, куштар, јерде кыймырашкан курт-коҥыстар бӱдӱм бӱдӱмиле чыккандар.
Ной Кайраканга тайылгалар экелгени
20Ной Кайраканга тагыл тургузуп, ару тындулардыҥ ла куштардыҥ ончо бӱдӱмдеринеҥ бӱткӱлӱнче ӧртӧӧр тайылга экелген. 21Тайылгалардыҥ јараш јыдын алып, Кайракан Бойында айдынган:
– Јерди улус учун Мен база качан да каргабазым. Улустыҥ кӱӱн-санаазы јаштаҥ ала јаманга тартылган да болзо, Мен бу эткеним чилеп, ончо тынар-тындуны база качан да кырбазым. 22Бу јер тургажын, аш ӱрендеш ле аш јуунадыш, соок ло изӱ, јай ла кыш, тӱш ле тӱн качан да токтобос.
Currently Selected:
Башталганы 8: АЛТ
Highlight
Share
Copy
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025
Башталганы 8
8
1Кудай Нойды, оныла кожо керепте болгон јерлик аҥдарды ла мал-ашты эске алган. Кудай јерге салкын ийген, суулар тартылып баштаган.
2Тӱп јок суулардыҥ оозы јабылып, теҥериниҥ тежиги бӧктӧлип, јаҥмыр токтогон. 3Јердиҥ ӱстинде суу араайынаҥ тартылып, јӱс беженинчи кӱнде јабызап баштаган. 4Јетинчи айдыҥ он јетинчи кӱнинде кереп Арараттыҥ кырларында токтогон. 5Суу онынчы айга јетире араайынаҥ јабызаган. Онынчы айдыҥ баштапкы кӱнинде кырлардыҥ баштары кӧрӱнӱп келген.
Кускун ла кӱӱле
6База тӧртӧн кӱн ӧдӧрдӧ, Ной керепте јазап алган кӧзнӧгин ачып, 7кускунды чыгары божоткон. Кускун учуп чыгала, јер суудаҥ кургагалак учун, ырада учуп болбой, кайра келип, айланыжып турган.
8Оноҥ Ной, јерде суу тартылган ба деп билерге, кӱӱлени божоткон. 9Је кӱӱле отурар јер таппай, керепке бурулган: јердиҥ ӱсти ончо суу болгон. Ной колын сунуп, кӱӱлени керепке кийдирип алган.
10Ной база јети кӱн сакыйла, кӱӱлени такып божоткон. 11Кӱӱле эҥирде бурулган, чокыжында олива агаштыҥ јалбырагы болгон. Анайып, Ной јер суунаҥ топсый бергенин билип алган. 12База јети кӱн сакыйла, кӱӱлени катап божодордо, ол бурулбаган.
13Ной алты јӱс бир јажына кирген јылдыҥ баштапкы айыныҥ баштапкы кӱнинде суу јердеҥ тартылган. Ной керептиҥ јабынтызын ачып, јердиҥ ӱсти кургап калганын кӧргӧн.
14Экинчи айдыҥ јирме јетинчи кӱнинде јер кургап каларда, 15Кудай Нойго айткан:
16– Сен бойыҥ, ӱйиҥ, уулдарыҥ ла келиндериҥ керептеҥ чыгыгар. 17Бойыҥла кожо ончо тындуларды: куштарды, мал-ашты, јерде кыймырашкан курт-коҥысты чыгар. Олор јер сайын таркап, ӧссин, кӧптӧзин.
18Ной, оныҥ уулдары, ӱйи ле келиндери керептеҥ чыгып келгендер, 19ээчиде тынар-тындулар: аҥдар, оок тындулар, куштар, јерде кыймырашкан курт-коҥыстар бӱдӱм бӱдӱмиле чыккандар.
Ной Кайраканга тайылгалар экелгени
20Ной Кайраканга тагыл тургузуп, ару тындулардыҥ ла куштардыҥ ончо бӱдӱмдеринеҥ бӱткӱлӱнче ӧртӧӧр тайылга экелген. 21Тайылгалардыҥ јараш јыдын алып, Кайракан Бойында айдынган:
– Јерди улус учун Мен база качан да каргабазым. Улустыҥ кӱӱн-санаазы јаштаҥ ала јаманга тартылган да болзо, Мен бу эткеним чилеп, ончо тынар-тындуны база качан да кырбазым. 22Бу јер тургажын, аш ӱрендеш ле аш јуунадыш, соок ло изӱ, јай ла кыш, тӱш ле тӱн качан да токтобос.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025