Башталганы 9
9
Кудай Нойло јӧптӧжӱ тургусканы
1Кудай Нойды ла оныҥ уулдарын алкап, айткан:
– Кӧптӧп ӧзӱп, јерди толтырыгар. 2Јердиҥ ончо аҥдары, теҥериниҥ ончо куштары, јерде јӱргендер ончозы, талайдыҥ ончо балыктары слердеҥ коркып, айап јӱрзин: олор слердиҥ колыгарга берилген. 3Баштап слерге јажыл ӧзӱмдер берген эдим, эмди онойып ла ончо тындулар слерге курсак болзын. 4Је канду этти јибегер, нениҥ учун дезе, тындуныҥ тыны оныҥ канында. 5Слердиҥ тӧгӱлген каныгар, кыйылган тыныгар учун, оны кыйган аҥ да болзын, карындажыныҥ тынына јеткен кижи де болзын, Мен оноҥ каруузын некеерим. 6Кем кижиниҥ канын тӧгӧр, оныҥ бойыныҥ каны база кижиниҥ колынаҥ тӧгӱлер: нениҥ учун дезе кижи Кудайдыҥ сӱр-кебериле јайалган. 7Слер дезе кӧптӧп ӧзӱгер, јерге таркап, ума јок кӧп болугар!
8Оноҥ Кудай Нойго ло оныҥ уулдарына айткан:
9-10– Мен слерле, слердиҥ келер калдыктарыгарла, керептеҥ чыккан ончо тынар-тындуларла: куштарла, мал-ашла, аҥдарла, јердиҥ ончо тындуларыла – јӧптӧжӱ тургузуп јадым. 11Мен слерле јӧптӧжӱ тургузарым: тынар-тындуны база чайык качан да кырбас, јерди чайык база качан да ээнзиретпес.
12Кудай айткан:
– Слерле, ончо тынар-тындула ӱргӱлјиге Мен тургузуп јаткан јӧптӧжӱниҥ темдеги мындый: 13Мен булуттарга Бойымныҥ саадагымды, солоҥыны, илип јадым. Ол Мен ле јерде бар тынар-тынду ортодо јӧптӧжӱниҥ темдеги. 14Булуттарла јердиҥ ӱстин бӱркезем, булуттарда солоҥы кӧрӱнӱп турар. 15Ол тушта Мен слерле, ончо тынар-тындула тургускан јӧптӧжӱмди эзедерим – тынар-тындуны кырар чайык база качан да чыкпас. 16Булуттарда солоҥы кӧрӱнзе, Мен оны ајарып, јерде јӱргендерле тургускан ӱргӱлји јӧптӧжӱмди эске аларым.
17Кудай Нойго айткан:
– Бу – јерде јӱргендердиҥ ончозыла Мен тургузуп јаткан јӧптӧжӱниҥ темдеги.
Нойдыҥ уулдары. Ханаанды каргаганы
18Керептеҥ чыккан Нойдыҥ уулдары: Сим, Хам ла Яфет. Хам дезе Ханаанныҥ адазы. 19Бу ӱчӱ Нойдыҥ уулдары, јер ӱстинде бастыра албатылар олордоҥ таркаган.
20Ной јер кыралап, ӱзӱм тарып ӧскӱрерин баштаган. 21Ной кызыл аракы ичеле, эзирип, бойыныҥ айлында кызыл-јылаҥаш јаткан. 22Хам (Ханаанныҥ адазы) јылаҥаш јаткан адазын кӧрӧлӧ, тышкары чыгып, эки аказына айткан. 23Мыны уккан Сим ле Яфет кийим алып, јардына арта салала, чадырга тескерлеп кирген, адазыныҥ кызыл-јылаҥаш эдин јапкандар. Олор тескерлеп кирген учун, адазыныҥ јылаҥаш болгонын кӧрбӧгӧндӧр.
24Ной серип, ойгонып келеле, кичӱ уулыныҥ кылынганын угала, 25айткан:
– Ханаан каргышка калзын! Акаларыныҥ кулдарыныҥ кулы болзын!
26База айткан:
– Кайракан, Симниҥ Кудайы, алкышту болзын! Ханаан дезе Симниҥ кулы болзын. 27Кудай Яфеттиҥ ээленген јерлерин элбетсин! Симниҥ кийис айылдарында Яфет јуртазын! Ханаан дезе Яфеттиҥ кулы болзын.
Нойдыҥ ӧлӱми
28Чайыктыҥ кийнинде Ной база ӱч јӱс бежен јыл јӱрген. 29Ной тогус јӱс бежен јаш јажап, јада калган.
Currently Selected:
Башталганы 9: АЛТ
Highlight
Share
Copy
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025
Башталганы 9
9
Кудай Нойло јӧптӧжӱ тургусканы
1Кудай Нойды ла оныҥ уулдарын алкап, айткан:
– Кӧптӧп ӧзӱп, јерди толтырыгар. 2Јердиҥ ончо аҥдары, теҥериниҥ ончо куштары, јерде јӱргендер ончозы, талайдыҥ ончо балыктары слердеҥ коркып, айап јӱрзин: олор слердиҥ колыгарга берилген. 3Баштап слерге јажыл ӧзӱмдер берген эдим, эмди онойып ла ончо тындулар слерге курсак болзын. 4Је канду этти јибегер, нениҥ учун дезе, тындуныҥ тыны оныҥ канында. 5Слердиҥ тӧгӱлген каныгар, кыйылган тыныгар учун, оны кыйган аҥ да болзын, карындажыныҥ тынына јеткен кижи де болзын, Мен оноҥ каруузын некеерим. 6Кем кижиниҥ канын тӧгӧр, оныҥ бойыныҥ каны база кижиниҥ колынаҥ тӧгӱлер: нениҥ учун дезе кижи Кудайдыҥ сӱр-кебериле јайалган. 7Слер дезе кӧптӧп ӧзӱгер, јерге таркап, ума јок кӧп болугар!
8Оноҥ Кудай Нойго ло оныҥ уулдарына айткан:
9-10– Мен слерле, слердиҥ келер калдыктарыгарла, керептеҥ чыккан ончо тынар-тындуларла: куштарла, мал-ашла, аҥдарла, јердиҥ ончо тындуларыла – јӧптӧжӱ тургузуп јадым. 11Мен слерле јӧптӧжӱ тургузарым: тынар-тындуны база чайык качан да кырбас, јерди чайык база качан да ээнзиретпес.
12Кудай айткан:
– Слерле, ончо тынар-тындула ӱргӱлјиге Мен тургузуп јаткан јӧптӧжӱниҥ темдеги мындый: 13Мен булуттарга Бойымныҥ саадагымды, солоҥыны, илип јадым. Ол Мен ле јерде бар тынар-тынду ортодо јӧптӧжӱниҥ темдеги. 14Булуттарла јердиҥ ӱстин бӱркезем, булуттарда солоҥы кӧрӱнӱп турар. 15Ол тушта Мен слерле, ончо тынар-тындула тургускан јӧптӧжӱмди эзедерим – тынар-тындуны кырар чайык база качан да чыкпас. 16Булуттарда солоҥы кӧрӱнзе, Мен оны ајарып, јерде јӱргендерле тургускан ӱргӱлји јӧптӧжӱмди эске аларым.
17Кудай Нойго айткан:
– Бу – јерде јӱргендердиҥ ончозыла Мен тургузуп јаткан јӧптӧжӱниҥ темдеги.
Нойдыҥ уулдары. Ханаанды каргаганы
18Керептеҥ чыккан Нойдыҥ уулдары: Сим, Хам ла Яфет. Хам дезе Ханаанныҥ адазы. 19Бу ӱчӱ Нойдыҥ уулдары, јер ӱстинде бастыра албатылар олордоҥ таркаган.
20Ной јер кыралап, ӱзӱм тарып ӧскӱрерин баштаган. 21Ной кызыл аракы ичеле, эзирип, бойыныҥ айлында кызыл-јылаҥаш јаткан. 22Хам (Ханаанныҥ адазы) јылаҥаш јаткан адазын кӧрӧлӧ, тышкары чыгып, эки аказына айткан. 23Мыны уккан Сим ле Яфет кийим алып, јардына арта салала, чадырга тескерлеп кирген, адазыныҥ кызыл-јылаҥаш эдин јапкандар. Олор тескерлеп кирген учун, адазыныҥ јылаҥаш болгонын кӧрбӧгӧндӧр.
24Ной серип, ойгонып келеле, кичӱ уулыныҥ кылынганын угала, 25айткан:
– Ханаан каргышка калзын! Акаларыныҥ кулдарыныҥ кулы болзын!
26База айткан:
– Кайракан, Симниҥ Кудайы, алкышту болзын! Ханаан дезе Симниҥ кулы болзын. 27Кудай Яфеттиҥ ээленген јерлерин элбетсин! Симниҥ кийис айылдарында Яфет јуртазын! Ханаан дезе Яфеттиҥ кулы болзын.
Нойдыҥ ӧлӱми
28Чайыктыҥ кийнинде Ной база ӱч јӱс бежен јыл јӱрген. 29Ной тогус јӱс бежен јаш јажап, јада калган.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025