Башталганы 7
7
Улус ла тындулар керепке киргени
1Кайракан Нойго айткан:
– Сен билеҥле кожо керепке кир. Јердиҥ ӱстинде јӱрген улус ортозынаҥ Мениҥ алдымда јаҥыс ла сени ак-чек деп кӧрӧдим. 2Ару деген тындулардаҥ эркектӱ-тижилӱ эдип, јети эжердеҥ, ару эмес деген тындулардаҥ эркектӱ-тижилӱ эдип, бир эжердеҥ, 3анайда ок теҥериниҥ јӱзӱн-јӱӱр куштарын эркектӱ-тижилӱ эдип, јети эжердеҥ ал. Јерде олордыҥ угы ӱзӱлбезин. 4Јети кӱнниҥ бажында Мен тӧртӧн тӱш ле тӧртӧн тӱнге улай јерге јааш ийип, ончо јайаганымды јердиҥ ӱстинеҥ кырып койорым.
5Ной ончозын Кайраканныҥ јакарганыла эткен.
6Јер чайыкка алдырткан тушта Ной алты јӱс јашту болгон. 7Ной, оныҥ уулдары, ӱйи ле келиндери чайыктаҥ аргаданып, керепке киргендер. 8Ару ла ару эмес тындулардаҥ, куштардаҥ, јерде кыймырашкан курт-коҥыстардаҥ 9эркектӱ-тижилӱ эжер эжериле Нойло кожо керепке кирген. Анайда этсин деп, Нойго Кудай јакарган.
Чайык
10Јети кӱнниҥ бажында чайык чыккан.
11Ной алты јӱс јашка кирген јылдыҥ экинчи айыныҥ он јетинчи кӱнинде тӱби јок улу суулар јердиҥ ӱстине адылып чыккан. Теҥериниҥ тӱби тежилип, 12тӧртӧн тӱш ле тӧртӧн тӱнге улай јааш јааган.
13Шак ол кӱн Ной, оныҥ Сим, Хам ла Яфет деп уулдары, ӱйи ле келиндери керепке киргендер. 14Олорло кожо бӱдӱм бӱдӱмиле ончо аҥдар, мал-аш, јерде кыймыракшан курт-коҥыстар, учар куштар болгондор. 15Нойдыҥ керебине кандый ла тынар-тындулар эжер-эжериле, 16эркектӱ-тижилӱ киргилеген. Анайда этсин деп, Нойго Кудай јакарган.
Оноҥ Нойдыҥ кийнинеҥ Кайракан керептиҥ эжигин јаап ийген.
17Чайык тӧртӧн кӱн улалган. Суу јаанап, керепти јердеҥ ӧрӧ кӧдӱрген, кереп јӱзӱп ийген. 18Суу там ла јаанап, јердиҥ ӱстин алып турган, кереп дезе суула јӱзӱп јӱрген. 19Јерде суу там ла там кӧдӱрӱлӱп, теҥери алдындагы ончо сӱмерлерди бӱркеп, 20кырлардыҥ баштарынаҥ тӧрт кулашка кӧдӱрӱлӱп, олорды кӧмӱп ийген.
21Јер-Јыҥыста јӱрген ончо неме: куштар, мал-аш, аҥдар, јерде кыймырашкан курт-коҥус, улус – сууга чӧҥӱп, ӧлӱп калгандар. 22Јерде коҥжоорыла тынып јӱрген ончо неме ӧлгӧн. 23Јердиҥ ӱстиндеги ончо неме: улус, мал-аш, јылып ла јорголоп јӱрер не ле тынар-тынду, теҥериниҥ куштары – бастыразы кырылган. Јаҥыс Ной ло оныла кожо керепте болгондор тирӱ арткан.
24Чайык јӱс бежен кӱн улалган.
Currently Selected:
Башталганы 7: АЛТ
Highlight
Share
Copy
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025
Башталганы 7
7
Улус ла тындулар керепке киргени
1Кайракан Нойго айткан:
– Сен билеҥле кожо керепке кир. Јердиҥ ӱстинде јӱрген улус ортозынаҥ Мениҥ алдымда јаҥыс ла сени ак-чек деп кӧрӧдим. 2Ару деген тындулардаҥ эркектӱ-тижилӱ эдип, јети эжердеҥ, ару эмес деген тындулардаҥ эркектӱ-тижилӱ эдип, бир эжердеҥ, 3анайда ок теҥериниҥ јӱзӱн-јӱӱр куштарын эркектӱ-тижилӱ эдип, јети эжердеҥ ал. Јерде олордыҥ угы ӱзӱлбезин. 4Јети кӱнниҥ бажында Мен тӧртӧн тӱш ле тӧртӧн тӱнге улай јерге јааш ийип, ончо јайаганымды јердиҥ ӱстинеҥ кырып койорым.
5Ной ончозын Кайраканныҥ јакарганыла эткен.
6Јер чайыкка алдырткан тушта Ной алты јӱс јашту болгон. 7Ной, оныҥ уулдары, ӱйи ле келиндери чайыктаҥ аргаданып, керепке киргендер. 8Ару ла ару эмес тындулардаҥ, куштардаҥ, јерде кыймырашкан курт-коҥыстардаҥ 9эркектӱ-тижилӱ эжер эжериле Нойло кожо керепке кирген. Анайда этсин деп, Нойго Кудай јакарган.
Чайык
10Јети кӱнниҥ бажында чайык чыккан.
11Ной алты јӱс јашка кирген јылдыҥ экинчи айыныҥ он јетинчи кӱнинде тӱби јок улу суулар јердиҥ ӱстине адылып чыккан. Теҥериниҥ тӱби тежилип, 12тӧртӧн тӱш ле тӧртӧн тӱнге улай јааш јааган.
13Шак ол кӱн Ной, оныҥ Сим, Хам ла Яфет деп уулдары, ӱйи ле келиндери керепке киргендер. 14Олорло кожо бӱдӱм бӱдӱмиле ончо аҥдар, мал-аш, јерде кыймыракшан курт-коҥыстар, учар куштар болгондор. 15Нойдыҥ керебине кандый ла тынар-тындулар эжер-эжериле, 16эркектӱ-тижилӱ киргилеген. Анайда этсин деп, Нойго Кудай јакарган.
Оноҥ Нойдыҥ кийнинеҥ Кайракан керептиҥ эжигин јаап ийген.
17Чайык тӧртӧн кӱн улалган. Суу јаанап, керепти јердеҥ ӧрӧ кӧдӱрген, кереп јӱзӱп ийген. 18Суу там ла јаанап, јердиҥ ӱстин алып турган, кереп дезе суула јӱзӱп јӱрген. 19Јерде суу там ла там кӧдӱрӱлӱп, теҥери алдындагы ончо сӱмерлерди бӱркеп, 20кырлардыҥ баштарынаҥ тӧрт кулашка кӧдӱрӱлӱп, олорды кӧмӱп ийген.
21Јер-Јыҥыста јӱрген ончо неме: куштар, мал-аш, аҥдар, јерде кыймырашкан курт-коҥус, улус – сууга чӧҥӱп, ӧлӱп калгандар. 22Јерде коҥжоорыла тынып јӱрген ончо неме ӧлгӧн. 23Јердиҥ ӱстиндеги ончо неме: улус, мал-аш, јылып ла јорголоп јӱрер не ле тынар-тынду, теҥериниҥ куштары – бастыразы кырылган. Јаҥыс Ной ло оныла кожо керепте болгондор тирӱ арткан.
24Чайык јӱс бежен кӱн улалган.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025