Saunt Matthew 6
6
1Tak’ tent that ye dinna your aumis afore men, to be seen o’ them; itherwaise ye hae nae reward o’ your Father wha is in heaven.
2Therefore whan thou doest thine aumis, dinna toot a trumpet afore thee, as the hypocrites do in the synagogues an’ in the throwgangs, that they may hae glory o’ men. Verily I say unto you, They hae their reward.
3But whan thou doest thine aumis, letna thy left han’ ken what thy richt han’ doeth:
4That thine aumis may be in secret; an’ thy Father wha seeth in secret, himsel sall reward thee openly.
5An’ whan thou prayest, thou salltna be as the hypocrites are; for they loe to pray stan’in’ in the synagogues an’ in the neuks o’ the throwgangs, that they may be seen o’ men. Verily I say unto you, They hae their reward.
6But thou, whan thou prayest, gae intil thy closet, an’ whan thou hast steeket thy door, pray til thy Father wha is in secret; an’ thy Father, wha seeth in secret, sall reward thee openly.
7But whan ye pray, usena vain repetitions as the heathen do; for they trow that they sall be hear’t for their meikle speakin’.
8Binna ye therefore like until them; for your Father kenneth what things ye hae need o’, afore ye ask him.
9After this gate therefore pray ye: Our Father wha art in heaven, Hallowet be thy name.
10Thy kingdom come. Thy will be dune in yirth as it is in heaven.
11Gie us this day our daily bread.
12An’ forgie us our debts, as we forgie our debtors:
13An’ lead us na intil temptation, but deliver us frae evil; for thine is the kingdom, an’ the power, an’ the glory, for ever. Amen.
14For gin ye forgie men their fauts, your heavenly Father will forgie you alsua.
15But gin ye forgiena men their fauts, neither will your Father forgie your fauts.
16Mairowre whan ye fast, binna as the hypocrites, o’ a dowie leuk, for they disfigure their faces that they may kythe until men to fast. Verily I say unto you, They hae their reward.
17But thou, whan thou fastest, aneynt thy head, an’ wash thy face:
18That thou dinna kythe until men to fast, but until thy Father wha is in secret; an’ thy Father, wha seeth in secret, sall reward thee openly.
19Dinna lay by for yoursels walth upon yirth, whare moth an’ rust doth corrup’, an’ whare rievers break through an’ steal.
20But lay by for yoursels walth in heaven, whare neither moth nar rust doth corrup’, an’ whare rievers dinna break through nar steal.
21For whare your walth is there will your hairt be alsua.
22The licht o’ the body is the ee; gif therefore thine ee be single, thy hale body sall be fu’ o’ licht.
23But gif thine ee be evil, thy hale body sall be fu’ o’ mirkness. Gif therefore the licht that is in thee be mirk, how meikle is that mirkness!
24Nae man can serve twa maisters; for either he will hate the ane, an’ loe the tither; or else he will haud til the ane an’ despise the tither. Ye canna serve God an’ Mammon.
25Therefore I say until you, Tak’ nae thoucht for your life, what ye sall eat, or what ye sall drink; nar yet for your body, what ye sall pit on. Isna the life mair nor meat, an’ the body nor claes?
26Behald the burds o’ the air; for they dinna saw, neither do they shear, nar gather intil barns; yet your heavenly Father feedeth them. Arena ye meikle better nor they?
27Whilk o’ you by takin’ thoucht can add ae cubit until his stature?
28An’ why tak’ ye thoucht for claes? Think o’ the lilies o’ the field, how they grow; they toilna, neither do they spin:
29An’ yet I say until you, That e’en Solomon in a’ his glory wasna decket like ane o’ these.
30Wharefore, gif God sae claithe the gerse o’ the field, whilk the day is, an’ the morn is coost intil the oon, sallna he meikle mair claithe you, O ye o’ little faith?
31Therefore tak’ nae thoucht, sayin’, What sall we eat? or, What sall we drink? or, Wharewithal sall we be claithet?
32(For after a’ thae things do the Gentiles seek:) for your heavenly Father kenneth that ye hae need o’ a’ thae things.
33But seek ye first the kingdom o’ God an’ his richteousness, an’ a’ thae things sall be gien until you forbye.
34Tak’ therefore nae thoucht for the morn: for the morn sall tak’ thoucht for the things o’ itsel. Eneugh for the day is the evil thereo’.
Currently Selected:
Saunt Matthew 6: SCOMAT
Highlight
Share
Copy
Want to have your highlights saved across all your devices? Sign up or sign in
Translated by George Henderson. Published in Londin in 1862.
