Apj 15
15
Een Opprua äwa de Beschniedunk
1Un atelje kjeemen ut Judäa rauf un lieeden de Breeda: Wan jie junt nich no Moses siene Wies beschnieden loten, kjenn jie nich jerat woaren. Gal 5:2 2Aus daut oba een Opprua jeef un Paulus un Barnabas eenen nich kjlienen Striet met äant hauden, ordnen see aun, daut Paulus un Barnabas un atelje aundre von äant wäajens dise Strietfroag nopp-reisen sullen no Jerusalem no de Apostel un Eltestasch. Gal 2:1 3Un nodäm see von de Jemeent bejleit worden, jinjen see derch Feenizien un Samaria un vetalden de Bekjierunk von de Heiden, un see muaken de Breeda groote Freid. 4Un aus see no Jerusalem kjeemen, worden see von de Jemeent un Apostel un Eltestasch oppjenomen, un see vekjindijden aules, waut Gott met äant jedonen haud. 5Doa kjeemen oba atelje von de Sekt von de Farisäa opp, dee doa jleewent jeworden wieren un säden: Äant mott beschnäden un jeboden, Moses sien Jesaz to hoolen.
De jerusalemscha Rot
6Dan kjeemen de Apostel un de Eltestasch toop, om dise Sach to beseenen. 7Aus daut dan väl Striet jeef, stunt Petrus opp un säd to äant: Mana un Breeda, jie weeten, daut Gott lang ver dise Tiet mank ons jewält haft, daut de Heiden derch mien Mul daut Wuat vom Evangelium hieren un jleewen sullen. Apj 10:44; 11:15 8Un Gott, dee daut Hoat kjant, jeef äant Zeichnis, wäarent Hee äant dän Heiljen Jeist jeef, jrod soo aus uk ons; 9un Hee muak kjeen Unjascheet tweschen ons un äant un reinijd äare Hoaten derch dän Gloowen. 10Waut vesieekj jie nu Gott, daut jie een Joch opp de Jinja äa Jenekj nopplajen, daut nich onse Vodasch uk nich wie haben droagen kunt? Mat 23:4; Efs 2:4-10 11Wiels derch de Jnod von däm Harn Jesus Christus jleew wie, jerat to woaren, opp deeselwje Wies aus uk see. Gal 2:16; Efs 2:4-10 12Dan wort de gaunze Volkjshäad stell un horchten no Barnabas un Paulus, dee doa vetalden, waut fa Tieekjens un Wunda Gott mank de Heiden derch äant jedonen haud.
13Un nodäm see stell worden, auntwuad Jakobus un säd: Mana un Breeda, horcht no mie! Apj 21:18; Gal 2:9 14Simon haft ons vetalt, woo Gott ieeschtens de Heiden besocht haft, om von äant een Volkj fa sienen Nomen to nämen. 15Un met dit stemmen de Wieed von de Profeeten, soo aus jeschräwen steit: Amos 9:11-12 16“No dit well Ekj trigjkomen un David sien Zelt wada oppbuen, waut vefollen es, un äa Vebroaknet well Ekj wada oppbuen un well daut wada opprechten, 17soo daut de äwaje vonne Menschen dän Harn sieekjen un aule Heiden, äwa woone mien Nomen jenant woat, sajcht de Har, dee dit aula deit. 18Aul siene Woakjen sent Gott von Eewichkjeit häa bekaunt.” 19Doawäajen uadeel ekj, daut deejanje ut de Heiden, waut sikj to Gott bekjieren, nich orruich jemoakt woaren, 20oba daut äant jeschräwen woat, daut see sikj wajchhoolen von Aufjetta-Onreinichkjeit, von Huararie, von Aufjewarjdet un vom Bloot. 3Mo 19:4 21Wiels Moses haft von oole Tieden häa en jieda Staut soone, dee am prädjen un woat jieda Sabat en de Synagogen väajeläst. Apj 13:15
De Breef vom Rot aun de jleewende Heiden
22Dan scheen de Apostel un Eltestasch met de gaunze Jemeent daut goot, von mank äant Mana to wälen un no Antiochia to schekjen met Paulus un Barnabas; Judas, met däm Bienomen Barsabas un Silas, dee leidende Mana wieren mank de Breeda. 23Un see schreewen derch äare Haunt soo: De Apostel un Eltestasch un Breeda, aun de Breeda von mank de Heiden, dee en Antiochia un Sierien un Zilizien sent: Een Gruss! 24Wiels wie jehieet haben, daut atelje von mank ons sent rutjegonen un haben junt met Wieed oppjeräajcht un haben june Seelen jebaudat un sajen, daut jie junt motten beschnieden loten un daut Jesaz hoolen, woone wie niemols soont befolen haben, 25scheen ons daut goot, endäm wie eenstemmich worden, Mana to wälen un dee no junt to schekjen met onse Jeleewde, Barnabas un Paulus, 26Mana, dee äare Seelen hanjejäft haben fa dän Nomen von ons Har Jesus Christus. 27Wie haben aulsoo Judas un Silas jeschekjt, dee uk met Wieed dautselwje vekjindjen woaren. 28Daut haft däm Heiljen Jeist jefollen un ons, junt kjeene Lausten mea opp to lajen, aus dise needje Stekjen: 29Daut jie junt wajchhoolen von Aufjetta-Jeopfadet un von Bloot un von Aufjewarjdet un von Huararie; wan jie junt doavon wajchhoolen, dan doo jie goot. Läft wool!
30Aus dise dan entloten worden, kjeemen see no Antiochia un vesaumelden de Häad un äwajeewen dän Breef. 31Aus see dän jeläst hauden, freiden see sikj äwa dän Troost. 32Oba Judas un Silas, dee uk selfst Profeeten wieren, ermonden de Breeda met väl Räden un stoakjten äant. Apj 11:27; 13:1 33Un aus see doa eene Tiet jebläwen wieren, worden see von de Breeda met Fräd entloten, trigj no de Apostel. 34Silas jefoll daut oba, doa to bliewen. 35Paulus oba un Barnabas hilden sikj en Antiochia opp, lieeden un vekjindijden däm Harn sien Wuat uk met väle aundre.
Paulus un Barnabas gonen uteneen
36Oba no atelje Doag säd Paulus to Barnabas: Well wie wada trigj-gonen en aul de Städa, de Breeda besieekjen, en dee wie däm Harn sien Wuat jeprädicht haben, om to seenen, woo äant daut jeit. 37Oba Barnabas root to, daut see Johanes, dee Markus jenant woat, met sikj neemen. Apj 12:12,25 38Paulus oba hilt daut nich fa goot, daut see dän metnämen wudden, dee en Pamfielien äant veloten haud un wia nich met äant jekomen en daut Woakj. Apj 13:13 39Un see kjeemen sikj soo schoap jäajenäwa, daut see sikj von-enaunda tranden; un Barnabas neem Markus un säajeld no Ziepern. 40Oba Paulus wäld Silas un veleet, däm Gott siene Jnod aunbefolen wia von de Breeda. 41Hee jinkj derch Sierien un Zilizien un stoakjt de Jemeenten.
Aposteljeschicht
Currently Selected:
Apj 15: DKB
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 von de Kjennichs-Bibel Jesalschoft