KENDEU 22
22
Tinggwang Abraham dage Isaac ze Pwa Reca lo Kebeu
1 #
Ibr. 11:17-19. Matie mene Tinggwang Abraham ze kedei; pa pecu qu eh, “Abraham!” degai. Ge Abraham pe sam keli eh, “Hoiy, I aika bam!” dedi.
2 #
2 Hl. 3:1. Tinggwang cu, “N na de nzang lu, n na kepumlibe Isaac ze, nang pecu hung süt kecu bede, delü Moriah deu ga miecu. Cika I ncu lamlwatuh ge liah beu kera gade n na de pwa acu ratak tei beu lo” dedi.
3Pecai benai tingcang nuge Abraham ratak tei kera tsing ria lu, pe gada püt tei lu, delü Isaac nah kila hang na de si eh ngngwa lu. Tinggwang rang kebeu ni ga mie kera penui tetpet di. 4Lang cumne benai Abraham heni cide kemdei ga kebam ngau gai. 5Ge pa kilabe kena dade, “Aika gada de ngngwa bam lu. Hena nabe anai luga mie eh reca zie, nah pecaine anai nnai da caili gwang zie” debeu. 6Abraham peu Isaac ze ratak tei kera tsing de pwalu, nah pa be qieceuna ge nah mi tei kera mi pwalu. Penai nzang mie kela dau, 7Isaac marang eh cu, “A pei!” degai.
Pa keli eh, “Hoiy, a na dai ah?” dedi.
Isaac cu keteu eh, “Nang mi nah tsing kebam I ngau, dede ratak tei kera meurünnabe si?” dedi.
8Abraham keli eh, “Tinggwang ne pwapeu zie” dedi. Ciciu eh penai nzang miedi.
9 #
Jak. 2:21. Penai Tinggwang rang kebeu ni de ga gwang luge, Abraham recabam ge tei lü tsing pe reu gage kai lu. Pa pe na ze kaang lu delü recabam gage kai lu, tsing reu gage. 10Pecai pa pecu teitset kera pe qieceuna keucu lu. 11Dede Rampaube gwame ge tinggim gade pecu, “Abraham, Abraham!” ze eh qu di. Pa keli eh, “Hoiy, I aika bam” degai.
12Ge pa cu, “Henana bede rezam so mede magede peda ge tei gaiso. Cu au I nang Tinggwang ze kerüt nah samzai tei kebam ci luda, kedanemene nang n na kepumlibe ze peda de keupwa bam di me delu” dedi.
13Abraham nreu pie togwa gai, ge tsinghum ge gage meurünseu gede pe qi rapwa bam eh ngau lu. Pa cika mie eh cide pwa lü pe na ding gade pwa keru ratak tei gai. 14Abraham heni cide zi “Rampaube ne Peula”#22:14. Peu; mede Ngau. lie msiak lu. Henai kecang de mina dung, “Rampaube deutuh gade pa ne peu la” de rang la.#22:14. peu la; mede ngau lu.
15 Rampaube gwame ge pia pekenabe tinggim gade Abraham ze qu dai eh, 16#Ibr. 6:13-14.“I a zi le teu reset gaila, Rampaube marang zeu I ncu samlam süt beuzie. Kedanemene nang aide tei kegaine nah n na kepumlibe ze ada de keupwa bam di kemakne, 17#Ibr. 11:12.I ncu n leuhme tinggim ga heghi kieege mede jaaidi kuung ga heciang kieege tei beuzie lie I sampet gaila. N leuhme penui ngauraume ze ngam luzie. 18#Bat. 3:25.Heleuh pelane I n leuhme ze samlam kebeu nzwa penui dede samlam beu lo ada de kie zie pelane, kedanemene nang a sam mzai kelu ne” debeu. 19Abraham pe kilabe kena da gwang dai di, delü penui Abraham lungh kebam Beersheba ga nzang gwang di.
Nahor Leuhme
20Matie mene Abraham pe sinabe Nahor ze Milcah ne pe name hang heset nna kebeu ci lu: 21Neraibe Uz, pe sinabe Buz, Aram pei Kemuel, 22Chesed, Hazo, Pildash, Jidlaph, nah Bethuel, 23Rebecca pui. Milcah mipeina hang heset aidung de Abraham sinabe Nahor ze nna beu. 24Reumah, Nahor nauseupui Tebah, Gaham, Tahash, nah, Maacah penui ze nna lu.
Currently Selected:
KENDEU 22: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
KENDEU 22
22
Tinggwang Abraham dage Isaac ze Pwa Reca lo Kebeu
1 #
Ibr. 11:17-19. Matie mene Tinggwang Abraham ze kedei; pa pecu qu eh, “Abraham!” degai. Ge Abraham pe sam keli eh, “Hoiy, I aika bam!” dedi.
2 #
2 Hl. 3:1. Tinggwang cu, “N na de nzang lu, n na kepumlibe Isaac ze, nang pecu hung süt kecu bede, delü Moriah deu ga miecu. Cika I ncu lamlwatuh ge liah beu kera gade n na de pwa acu ratak tei beu lo” dedi.
3Pecai benai tingcang nuge Abraham ratak tei kera tsing ria lu, pe gada püt tei lu, delü Isaac nah kila hang na de si eh ngngwa lu. Tinggwang rang kebeu ni ga mie kera penui tetpet di. 4Lang cumne benai Abraham heni cide kemdei ga kebam ngau gai. 5Ge pa kilabe kena dade, “Aika gada de ngngwa bam lu. Hena nabe anai luga mie eh reca zie, nah pecaine anai nnai da caili gwang zie” debeu. 6Abraham peu Isaac ze ratak tei kera tsing de pwalu, nah pa be qieceuna ge nah mi tei kera mi pwalu. Penai nzang mie kela dau, 7Isaac marang eh cu, “A pei!” degai.
Pa keli eh, “Hoiy, a na dai ah?” dedi.
Isaac cu keteu eh, “Nang mi nah tsing kebam I ngau, dede ratak tei kera meurünnabe si?” dedi.
8Abraham keli eh, “Tinggwang ne pwapeu zie” dedi. Ciciu eh penai nzang miedi.
9 #
Jak. 2:21. Penai Tinggwang rang kebeu ni de ga gwang luge, Abraham recabam ge tei lü tsing pe reu gage kai lu. Pa pe na ze kaang lu delü recabam gage kai lu, tsing reu gage. 10Pecai pa pecu teitset kera pe qieceuna keucu lu. 11Dede Rampaube gwame ge tinggim gade pecu, “Abraham, Abraham!” ze eh qu di. Pa keli eh, “Hoiy, I aika bam” degai.
12Ge pa cu, “Henana bede rezam so mede magede peda ge tei gaiso. Cu au I nang Tinggwang ze kerüt nah samzai tei kebam ci luda, kedanemene nang n na kepumlibe ze peda de keupwa bam di me delu” dedi.
13Abraham nreu pie togwa gai, ge tsinghum ge gage meurünseu gede pe qi rapwa bam eh ngau lu. Pa cika mie eh cide pwa lü pe na ding gade pwa keru ratak tei gai. 14Abraham heni cide zi “Rampaube ne Peula”#22:14. Peu; mede Ngau. lie msiak lu. Henai kecang de mina dung, “Rampaube deutuh gade pa ne peu la” de rang la.#22:14. peu la; mede ngau lu.
15 Rampaube gwame ge pia pekenabe tinggim gade Abraham ze qu dai eh, 16#Ibr. 6:13-14.“I a zi le teu reset gaila, Rampaube marang zeu I ncu samlam süt beuzie. Kedanemene nang aide tei kegaine nah n na kepumlibe ze ada de keupwa bam di kemakne, 17#Ibr. 11:12.I ncu n leuhme tinggim ga heghi kieege mede jaaidi kuung ga heciang kieege tei beuzie lie I sampet gaila. N leuhme penui ngauraume ze ngam luzie. 18#Bat. 3:25.Heleuh pelane I n leuhme ze samlam kebeu nzwa penui dede samlam beu lo ada de kie zie pelane, kedanemene nang a sam mzai kelu ne” debeu. 19Abraham pe kilabe kena da gwang dai di, delü penui Abraham lungh kebam Beersheba ga nzang gwang di.
Nahor Leuhme
20Matie mene Abraham pe sinabe Nahor ze Milcah ne pe name hang heset nna kebeu ci lu: 21Neraibe Uz, pe sinabe Buz, Aram pei Kemuel, 22Chesed, Hazo, Pildash, Jidlaph, nah Bethuel, 23Rebecca pui. Milcah mipeina hang heset aidung de Abraham sinabe Nahor ze nna beu. 24Reumah, Nahor nauseupui Tebah, Gaham, Tahash, nah, Maacah penui ze nna lu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.