KENDEU 21
21
Isaac ze Kenna
1 Rampaube pe sam kaikebeu nzwa Sarah ze samlam beu, 2#Ibr. 11:11.nah pa tetlak lü Abraham cing kedi caine mipeina ge nna beu. Mipeinabe ze Tinggwang rang kebeu tingdau nna lu. 3Abraham ne pezi Isaac msiak lu, 4#Ken. 17:12; Bat. 7:8.nah Isaac lang hesetne dige, Abraham pe geu rum lu, Tinggwang pe sam kaikebeu nzwa. 5Isaac ze nna kelu dau Abraham mmi 100 di. 6Sarah rang eh, “Tinggwang a suiyi nah kenuih teugwang beu da.#21:6. kenuih: Isaac kecu zi de Ibri gade pekieh “Pa nuih” (aide de pielu 17:17-19). Keheibe de cide ha kesiu leune acu ngngwa pesui yizie” dedi. 7Pa rang si eh, “Cau ne Abraham dage Sarah hename ze nepam zie lie rang beu no? Dede pa cing kedi caine I pecu mipeina ge nna beu dida.”
8Hena nabe dih cuh lu, nah pa tung ta kedi benai Abraham taktyei kedi ge telei beu.
Hagar Penai Ishmael ze Langgi kedi
9Tingnai ge Ishmael, Egyptme pui Hagar ne Abraham ze mna kebeube de, Sarah napei Isaac#21:9. Raukehedet dung keheguabe kesa Sarah napei Isaac ze; de ngngwa nggwa#21:9. ngngwa nggwa; mede telia eh. bam. 10#Gal. 4:29-30.Sarah penai ze ngau eh Abraham dade cu, “Hebaang aipau pui de nah pe na ze langgi di lo. Aipau pui napei ze n mahei gede ngau lu kerabe ma, cide a napei Isaac ne gum kerabe,” dedi. 11Aide Abraham lung tei keherei süt ti, Ishmael ze pe napei kecune. 12#Rom. 9:7; Ibr. 11:18.Dede Tinggwang Abraham dade, “Hena nabe penai hebaang Hagar ziemne n lung paang so. Sarah nda ge rang kebeu de tei lu, kedanemene Isaac dade I a sam pet kebeu n leuhme lungh cu zielu. 13I hebaang pui napei dede pe name kekiee peu zie, ciciu eh penui heleuh ge tei lu kerane. Pa de n na da” debeu.
14Pecai benai tingcang nuge Abraham ne Hagar ze taktyei dungge nah dui teihgeu lah kepuih ge peu. Pa pe na ze pe gim gage mpüt gaibeu eh pecu langgi di. Pa tetti delü renaamkang Beersheba ga huii ladi. 15Dui sak ciak luge, pa henana ze tsinghum kang gage gidi 16eh metre 100 kemdei ga mie ntum bam di. Pa pekatei pecu resiu eh, “I a na tsaikemie ngau eh lia gailak” de bam di. Pa#21:16. Pa; paopai rangswa kecu ket hena nabe. cika bam kecu dau hap cu di.
17Tinggwang hena nabe kehap koa siu lu, nah tinggim gade Tinggwang gwame ge Hagar dage sam rang eh, “Hagar, nang daipai tei eh n lung keherei lano? Ngngi diso. Tinggwang hena nabe kehap siu luda. 18Cuh lu, delü mie pecu pwalu delü kemaak lu. I pe leuhme ze keupwa heleuh kedi ge tei beuzie” dedi. 19Ciciu eh Tinggwang pe mik tei mrak beu, ge pa tekwa ge ngau lu. Pa mie eh teihgeu lahbe dui kaipuih lu delü kesa pwa henana bede peu. 20Pa dih cuh kecu dau Tinggwang pecu ngngwa la; pa Paran renaamkang ga lungh eh teihgwa keyime ge tei lu. 21Pe pui Egyptme pui gede pe nau peei beu.
Abraham penai Abimelech Samkakkelu
22 #
Ken. 26:26. Cidau Abimelech pe roigwame reu kedibe Phicol ze ngngwa lü mie Abraham dade, “Tinggwang nang ma keheibe ketei ga ncu ngngwa la. 23Cine aika Tinggwang dwa de nang acu, mede a name, mede a leuhme de cwa dilak lie kecu reset gailo. I nda de masang eh bam da, cine nang de ada de nah nang lungh kebam nam aide dade masang zie lie kecu n sam pet gaibeu lo” dedi.
24Abraham cu, “I sampet gaila” debeu.
25Abimelech kilame ne süt teu kedi tekwa ha de teu Abimelech dage Abraham ncam gai. 26Abimelech rang eh, “Aide cau ne tei bi I ci ma. Nang cipau ha de ada ge ranglia ma, nah cune I cipau ha de siu raitu zeu” dedi. 27Ge Abraham Abimelech ze meurün nah ketum kesa peu, nah penai kesamkak lu. 28Abraham pe meurün hau gade meurünna sena keutsam lu, 29nah Abimelech pecu keteu eh, “Nang daitei cide tei gai no?” dedi.
30Abraham keli eh, “Meurün sena aidung de luu lu. Aide luu kelu gade nang I ne tekwa aide kui lu dilie kecu delie” debeu. 31Nah cine heni cide de Beersheba#21:31. Beersheba: Aipau zi de Ibri gade pekieh “Samkak Tekwa” mede “Sena Tekwa” (26:33 de pei lu). lie qulu, kedanemene cika de penai samkak kelu tei kelu ne.
32Penai Beersheba gade kesamdau kelu cai, Abimelech penai Phicol Philistia ga caili gwang di. 33Pecai Abraham Beersheba gage tamarisk bang ge ling lu delü Rampaube, Kelungta kela Tinggwang ze reca. 34Abraham Philistia ga sangme tei eh peting ketie ge lungh.
Currently Selected:
KENDEU 21: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
KENDEU 21
21
Isaac ze Kenna
1 Rampaube pe sam kaikebeu nzwa Sarah ze samlam beu, 2#Ibr. 11:11.nah pa tetlak lü Abraham cing kedi caine mipeina ge nna beu. Mipeinabe ze Tinggwang rang kebeu tingdau nna lu. 3Abraham ne pezi Isaac msiak lu, 4#Ken. 17:12; Bat. 7:8.nah Isaac lang hesetne dige, Abraham pe geu rum lu, Tinggwang pe sam kaikebeu nzwa. 5Isaac ze nna kelu dau Abraham mmi 100 di. 6Sarah rang eh, “Tinggwang a suiyi nah kenuih teugwang beu da.#21:6. kenuih: Isaac kecu zi de Ibri gade pekieh “Pa nuih” (aide de pielu 17:17-19). Keheibe de cide ha kesiu leune acu ngngwa pesui yizie” dedi. 7Pa rang si eh, “Cau ne Abraham dage Sarah hename ze nepam zie lie rang beu no? Dede pa cing kedi caine I pecu mipeina ge nna beu dida.”
8Hena nabe dih cuh lu, nah pa tung ta kedi benai Abraham taktyei kedi ge telei beu.
Hagar Penai Ishmael ze Langgi kedi
9Tingnai ge Ishmael, Egyptme pui Hagar ne Abraham ze mna kebeube de, Sarah napei Isaac#21:9. Raukehedet dung keheguabe kesa Sarah napei Isaac ze; de ngngwa nggwa#21:9. ngngwa nggwa; mede telia eh. bam. 10#Gal. 4:29-30.Sarah penai ze ngau eh Abraham dade cu, “Hebaang aipau pui de nah pe na ze langgi di lo. Aipau pui napei ze n mahei gede ngau lu kerabe ma, cide a napei Isaac ne gum kerabe,” dedi. 11Aide Abraham lung tei keherei süt ti, Ishmael ze pe napei kecune. 12#Rom. 9:7; Ibr. 11:18.Dede Tinggwang Abraham dade, “Hena nabe penai hebaang Hagar ziemne n lung paang so. Sarah nda ge rang kebeu de tei lu, kedanemene Isaac dade I a sam pet kebeu n leuhme lungh cu zielu. 13I hebaang pui napei dede pe name kekiee peu zie, ciciu eh penui heleuh ge tei lu kerane. Pa de n na da” debeu.
14Pecai benai tingcang nuge Abraham ne Hagar ze taktyei dungge nah dui teihgeu lah kepuih ge peu. Pa pe na ze pe gim gage mpüt gaibeu eh pecu langgi di. Pa tetti delü renaamkang Beersheba ga huii ladi. 15Dui sak ciak luge, pa henana ze tsinghum kang gage gidi 16eh metre 100 kemdei ga mie ntum bam di. Pa pekatei pecu resiu eh, “I a na tsaikemie ngau eh lia gailak” de bam di. Pa#21:16. Pa; paopai rangswa kecu ket hena nabe. cika bam kecu dau hap cu di.
17Tinggwang hena nabe kehap koa siu lu, nah tinggim gade Tinggwang gwame ge Hagar dage sam rang eh, “Hagar, nang daipai tei eh n lung keherei lano? Ngngi diso. Tinggwang hena nabe kehap siu luda. 18Cuh lu, delü mie pecu pwalu delü kemaak lu. I pe leuhme ze keupwa heleuh kedi ge tei beuzie” dedi. 19Ciciu eh Tinggwang pe mik tei mrak beu, ge pa tekwa ge ngau lu. Pa mie eh teihgeu lahbe dui kaipuih lu delü kesa pwa henana bede peu. 20Pa dih cuh kecu dau Tinggwang pecu ngngwa la; pa Paran renaamkang ga lungh eh teihgwa keyime ge tei lu. 21Pe pui Egyptme pui gede pe nau peei beu.
Abraham penai Abimelech Samkakkelu
22 #
Ken. 26:26. Cidau Abimelech pe roigwame reu kedibe Phicol ze ngngwa lü mie Abraham dade, “Tinggwang nang ma keheibe ketei ga ncu ngngwa la. 23Cine aika Tinggwang dwa de nang acu, mede a name, mede a leuhme de cwa dilak lie kecu reset gailo. I nda de masang eh bam da, cine nang de ada de nah nang lungh kebam nam aide dade masang zie lie kecu n sam pet gaibeu lo” dedi.
24Abraham cu, “I sampet gaila” debeu.
25Abimelech kilame ne süt teu kedi tekwa ha de teu Abimelech dage Abraham ncam gai. 26Abimelech rang eh, “Aide cau ne tei bi I ci ma. Nang cipau ha de ada ge ranglia ma, nah cune I cipau ha de siu raitu zeu” dedi. 27Ge Abraham Abimelech ze meurün nah ketum kesa peu, nah penai kesamkak lu. 28Abraham pe meurün hau gade meurünna sena keutsam lu, 29nah Abimelech pecu keteu eh, “Nang daitei cide tei gai no?” dedi.
30Abraham keli eh, “Meurün sena aidung de luu lu. Aide luu kelu gade nang I ne tekwa aide kui lu dilie kecu delie” debeu. 31Nah cine heni cide de Beersheba#21:31. Beersheba: Aipau zi de Ibri gade pekieh “Samkak Tekwa” mede “Sena Tekwa” (26:33 de pei lu). lie qulu, kedanemene cika de penai samkak kelu tei kelu ne.
32Penai Beersheba gade kesamdau kelu cai, Abimelech penai Phicol Philistia ga caili gwang di. 33Pecai Abraham Beersheba gage tamarisk bang ge ling lu delü Rampaube, Kelungta kela Tinggwang ze reca. 34Abraham Philistia ga sangme tei eh peting ketie ge lungh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.