KENDEU 23
23
Sarah Tsit nah Abraham Heraukie Kelui
1Sarah mmi 127 lungh lu. 2Pa Canaan deu ga Hebron gade tsaidi, nah Abraham pe tsit heei eh hap.
3Pa pe nau pao kebam ni de püt ti eh Hittime da gwang eh cu, 4#Ibr. 11:9,13; Bat. 7:16.“I sangme ge tei eh aika nnui kak ga lungh bam; acu hangdeu kesa zwa beu lo, ciciu de I a nau ze cika ge kung lu kerane” delu.
5Penui keli eh, 6“Anui koa kingnei lu, kedihbo. Anui ncu le pwa hangkia kenkieng ge tei eh pie gwang; anui kebam herau yitube gage n nau ze kung lu. Anui keheibe de ncu herau ge peu kera anui suiyi zie, ciciu eh nang pecu kung lu kerane” dedi.
7Ge Abraham penui dwa keumie 8lü rang eh, “Nnui acu peu aika ge a nau ze kung lu neu cai, keherei de Zohar napei Ephron ze 9acu Machpelah tsupop, pe luhpo ga kebam de zwa beu kera kie beu lo. Aika nnui dwa gade, pecu cide pe mi mmui luu cang eh acu zwa beu lo kie beu lo, ciciu eh I cide a gu heraukie tei luzie” dedi.
10Ephron de Hittime kedame ze ngngwa namdi rieki ga nkwa bam gega ntum bam; pa mina pelane kesiu gage keli eh, 11“Kingnei lu, kedihbo; I luh pelane nah tsupop cika kebam de ncu peu zie. Aika a mina dung kebam gade, I cide ncu peu zie, ciciu eh nang n nau ze kung lu kerane” debeu.
12Dede Abraham Hittime dwa ga keumie 13lü cu, mina pelane siu lu kebui tei eh Ephron dade, “Keherei de, nang kingnei gailo kecu I rang lubui mi. I luh pelane lui luzie. Pe mi luu lu, ciciu de I cika ge a nau ze kung luzie” dedi.
14Ephron keli eh, 15“Kedihbo, hangdeu be rangkang goi 400 swa sima — cide anai kak ga daino? Cika ge n nau ze kung lulo” debeu. 16Abraham kesuizwa lü Ephron mina dung kengau gade kerang pemi kie kegai de perüt teu beu rangkang goi 400, heli keteime zai gade perüt de.
17Ciciu eh Mamre tingbangle kebam Machpelah ndaa Ephron gu de pwa Abraham gu tei di. Cide luh, tsupop cika kebam de, nah luh penlih kecang ga tsingbang kebam pelane de si. 18Cide Abraham gulie kecu Hittime cika nkwa kebam pelane ci kap lu.
19Ciciu eh Abraham pe nau Sarah ze Canaan deu ga tsupop gage kung di. 20Cine Hittime luh nah tsupop cika kebam de heraukie tei eh Abraham ma tei ladi.
Currently Selected:
KENDEU 23: ZemeNB
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.
KENDEU 23
23
Sarah Tsit nah Abraham Heraukie Kelui
1Sarah mmi 127 lungh lu. 2Pa Canaan deu ga Hebron gade tsaidi, nah Abraham pe tsit heei eh hap.
3Pa pe nau pao kebam ni de püt ti eh Hittime da gwang eh cu, 4#Ibr. 11:9,13; Bat. 7:16.“I sangme ge tei eh aika nnui kak ga lungh bam; acu hangdeu kesa zwa beu lo, ciciu de I a nau ze cika ge kung lu kerane” delu.
5Penui keli eh, 6“Anui koa kingnei lu, kedihbo. Anui ncu le pwa hangkia kenkieng ge tei eh pie gwang; anui kebam herau yitube gage n nau ze kung lu. Anui keheibe de ncu herau ge peu kera anui suiyi zie, ciciu eh nang pecu kung lu kerane” dedi.
7Ge Abraham penui dwa keumie 8lü rang eh, “Nnui acu peu aika ge a nau ze kung lu neu cai, keherei de Zohar napei Ephron ze 9acu Machpelah tsupop, pe luhpo ga kebam de zwa beu kera kie beu lo. Aika nnui dwa gade, pecu cide pe mi mmui luu cang eh acu zwa beu lo kie beu lo, ciciu eh I cide a gu heraukie tei luzie” dedi.
10Ephron de Hittime kedame ze ngngwa namdi rieki ga nkwa bam gega ntum bam; pa mina pelane kesiu gage keli eh, 11“Kingnei lu, kedihbo; I luh pelane nah tsupop cika kebam de ncu peu zie. Aika a mina dung kebam gade, I cide ncu peu zie, ciciu eh nang n nau ze kung lu kerane” debeu.
12Dede Abraham Hittime dwa ga keumie 13lü cu, mina pelane siu lu kebui tei eh Ephron dade, “Keherei de, nang kingnei gailo kecu I rang lubui mi. I luh pelane lui luzie. Pe mi luu lu, ciciu de I cika ge a nau ze kung luzie” dedi.
14Ephron keli eh, 15“Kedihbo, hangdeu be rangkang goi 400 swa sima — cide anai kak ga daino? Cika ge n nau ze kung lulo” debeu. 16Abraham kesuizwa lü Ephron mina dung kengau gade kerang pemi kie kegai de perüt teu beu rangkang goi 400, heli keteime zai gade perüt de.
17Ciciu eh Mamre tingbangle kebam Machpelah ndaa Ephron gu de pwa Abraham gu tei di. Cide luh, tsupop cika kebam de, nah luh penlih kecang ga tsingbang kebam pelane de si. 18Cide Abraham gulie kecu Hittime cika nkwa kebam pelane ci kap lu.
19Ciciu eh Abraham pe nau Sarah ze Canaan deu ga tsupop gage kung di. 20Cine Hittime luh nah tsupop cika kebam de heraukie tei eh Abraham ma tei ladi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018, The Bible Society of India
All rights reserved.