KHABÊNG 14
14
Abram Ma Lot Pêsiet
1Lowang wãbelîî, Babylon wah Amraphel, Ellasar wah Arioch, Elam wah Chedorlaomer, ngãle Goiim ngãle Tidal wah, 2heh lowang wãbengâ demnâng ranloat mîn rãng katwah: Thin a Sodom wah Bera, Gomora wah Birsha, Admah wah Shinab, Zeboiim Lowang Shemeber, ngãle Bela Lowang (epa Zoar) hehrãng loatmîn rãng katwah. 3Are Lowang wãbengâ pa jut lahma Siddim Hahthung ko sîpâhi heh rôamsiet wah, eko athâng heh Arit Josi ngãekah. 4Thin a Chedorlaomer khhen nâng echhi pânîî dâng wah, rohkomĩn echhi pârem rangpâ ko thinma ate lêlatnâng chepwah. 5Echhi pâbelîî rangpâ ko Chedorlaomer ngãle ate demnâng johrûte heh thin sîpâhi heh demnâng kã lahma Ashteroth Karnaim wah Rephaim, Ham wah Zuzim, ngãle Kiriathaim hahthung wah Emim heh rũ lahma thinma jîenwah, 6ngãle Edom wah hahkõng hehwah Horites hehma thin a hahrãnkho wah Elparan tônâng hok jûnloat kat wah. 7Ediko thin ngak litphõng lahma Kadesh nâng ngakwâng wah (epa ere sanpoat ko Enmishpat Ngãma ngatwah). Thinma Amalikat diak phangtang jîenwah ngãle Hazazon Tamar wah sôngte Amorites hehmĩn jîenwah.
8Sodom, Gomora Lowang, Admah, Zeboiim, ngãle Bela wah Lowang hehma thin sîpâhi heh Siddim Hahthung ko khhôansiet lahma ranloat mîn wah 9epa Elam, Goiim, Babylon, ngãle Ellasar wah Lowang wãbelîî pa wãbengâ lêlatnâng ranloat mîn wah. 10Phûmma hahthung ko rongnyekti kenbĩn heh jahmõang dâng wah, ngãle chenthû Sodom ngãle Gomorrah Lowang heh ranloat mîn thĩn wah huhchhôan rãng chûngko, thin a rongnyekti kenbĩn hehnâng châmjâ wah; rohkomĩn ahân Lowang wãrem pa hahkõng hehnâng pê huhchhôan wângwah. 11Lowang wãbelîî pumma Sodom ngãle Gomarrah wah chentô sêmmak heh phangtang tõan, ngãle phhekchhah hehmĩn tõan lahma chhôan wah. 12Abram naa chha Lot pa Sodom nâng sõng lahma dâng wah, ephûmma thinma ate mĩn ngãle ate sêmmak hehmĩn phangtang kepchhôan wah.
13Rohkomĩn mihnyãn wãtheh huhchhõan lahma are chentô ngĩn pa Abram nâng chohthô koh wah, te a Amorites jatwah Mamre thiak asâthhôan bãng tâko sõng lahma dâng wah. Mamre ngãle ate phõ Eshcol ngãle Aner nîî Abram rũ dâng wah. 14Chenthû Abram ma ate phõ chha pa lõkhhek tah ngãma tat phûmma, tema ate mihnyãn chentô ranloat mînte heh phangtang ate hojek ko roowah, phangtang tungko chârem echhi wãeset dâng wah, ngãle thinma Lowang wãbelîî pa Dan lânhûroh jûnwên wah. 15Enâng tema ate mihnyãn heh mâmâ khũkhũ phânphên wah, phûmma rangpen ko ran heh hojek pa khum lahma jîenwah. Tema thin a Damascus wah dekchah nge wah Hobah nâng lânhû roh jûnwên wah. 16ngãle thinma chentô sêmmak nyênchhõantah a ereheh phangtang ngaknyên wah. Tema ate phõ chha Lot ngãle ate sêmmak heh, ediko dihiak nyũ ngãle ahân lõkhhek tah mihnyãn hehmĩn ngaknyên kat wah.
Melchizedek Ma Abram Nâng Rangkoh
17Chenthû Abram ma Cheldorlaomer ngãle ahân Lowang heh jîen lahma ngak hok ko, Sodom Lowang Shaveh Hahthung ko ate demnâng chohmîn rãng katwah (ako Lowang Hahthung ngãma mĩn ngãekah). 18#Heb 7.1-10Ngãle Melkeizedek, te a Salem Lowang dâng wah ngãle ate a Achõang thhôan wah Joban Sôam Aroakte dâng wah, tema phhekchhah ngãle khem kep lahma Aram nâng katkoh wah, 19Ngãle tenâng rangkoh lahma ngatwah, “Achõang thhôan wah Joban, rangkhhethung ngãle hahtokkhoh hôante ma Abram nâng rang chenkoh a! 20Achõang thhôan wah Joban, nangnâng nangran heh jîenthukte nâng rô oh!” Ngãle Abram ma Melchizedek nâng tema ran ngewah chentô ngaknyên tah sêmmak hehwah thiak echhi kowah thiektheh kohwah.
21Sodom Lowang ma Abram nâng ngatwah, “Sêmmak nyêntoh heh nangma thîen oh, rohkomĩn Ngã mihnyãn heh phangtang Ngãnâng ngakkoh hang.”
22Abram ma dânthâng wah, “Ngãma Achõang thhôan wah Teso Joban, rang ahah hôante mînko tôamsem ekãng, 23Ngãma nang thiak chenni jô thienmek, khhetrũ lãtheh mĩn thîenmek bã khhetrũ bã dãphhâng pek lãtheh mĩn thîenmek. Erohko bã nangma ‘Ngãma Abram techhũ lâdang thuktek’ ngãma lata ngã edangoh. 24Ngãma Ngã rãng chenni jô kepmek. Ngãma Ngã mihnyãn hehma chenni keptah a ereheh lôlôbã ekep ang. Rohkomĩn Ngã demnâng johrûte Aner, Eshcol, ngãle Mamre hehma thinthiak heh chenkep a.”
Currently Selected:
KHABÊNG 14: Nokte
Highlight
Share
Copy
Want to have your highlights saved across all your devices? Sign up or sign in
The Bible Society of India
KHABÊNG 14
14
Abram Ma Lot Pêsiet
1Lowang wãbelîî, Babylon wah Amraphel, Ellasar wah Arioch, Elam wah Chedorlaomer, ngãle Goiim ngãle Tidal wah, 2heh lowang wãbengâ demnâng ranloat mîn rãng katwah: Thin a Sodom wah Bera, Gomora wah Birsha, Admah wah Shinab, Zeboiim Lowang Shemeber, ngãle Bela Lowang (epa Zoar) hehrãng loatmîn rãng katwah. 3Are Lowang wãbengâ pa jut lahma Siddim Hahthung ko sîpâhi heh rôamsiet wah, eko athâng heh Arit Josi ngãekah. 4Thin a Chedorlaomer khhen nâng echhi pânîî dâng wah, rohkomĩn echhi pârem rangpâ ko thinma ate lêlatnâng chepwah. 5Echhi pâbelîî rangpâ ko Chedorlaomer ngãle ate demnâng johrûte heh thin sîpâhi heh demnâng kã lahma Ashteroth Karnaim wah Rephaim, Ham wah Zuzim, ngãle Kiriathaim hahthung wah Emim heh rũ lahma thinma jîenwah, 6ngãle Edom wah hahkõng hehwah Horites hehma thin a hahrãnkho wah Elparan tônâng hok jûnloat kat wah. 7Ediko thin ngak litphõng lahma Kadesh nâng ngakwâng wah (epa ere sanpoat ko Enmishpat Ngãma ngatwah). Thinma Amalikat diak phangtang jîenwah ngãle Hazazon Tamar wah sôngte Amorites hehmĩn jîenwah.
8Sodom, Gomora Lowang, Admah, Zeboiim, ngãle Bela wah Lowang hehma thin sîpâhi heh Siddim Hahthung ko khhôansiet lahma ranloat mîn wah 9epa Elam, Goiim, Babylon, ngãle Ellasar wah Lowang wãbelîî pa wãbengâ lêlatnâng ranloat mîn wah. 10Phûmma hahthung ko rongnyekti kenbĩn heh jahmõang dâng wah, ngãle chenthû Sodom ngãle Gomorrah Lowang heh ranloat mîn thĩn wah huhchhôan rãng chûngko, thin a rongnyekti kenbĩn hehnâng châmjâ wah; rohkomĩn ahân Lowang wãrem pa hahkõng hehnâng pê huhchhôan wângwah. 11Lowang wãbelîî pumma Sodom ngãle Gomarrah wah chentô sêmmak heh phangtang tõan, ngãle phhekchhah hehmĩn tõan lahma chhôan wah. 12Abram naa chha Lot pa Sodom nâng sõng lahma dâng wah, ephûmma thinma ate mĩn ngãle ate sêmmak hehmĩn phangtang kepchhôan wah.
13Rohkomĩn mihnyãn wãtheh huhchhõan lahma are chentô ngĩn pa Abram nâng chohthô koh wah, te a Amorites jatwah Mamre thiak asâthhôan bãng tâko sõng lahma dâng wah. Mamre ngãle ate phõ Eshcol ngãle Aner nîî Abram rũ dâng wah. 14Chenthû Abram ma ate phõ chha pa lõkhhek tah ngãma tat phûmma, tema ate mihnyãn chentô ranloat mînte heh phangtang ate hojek ko roowah, phangtang tungko chârem echhi wãeset dâng wah, ngãle thinma Lowang wãbelîî pa Dan lânhûroh jûnwên wah. 15Enâng tema ate mihnyãn heh mâmâ khũkhũ phânphên wah, phûmma rangpen ko ran heh hojek pa khum lahma jîenwah. Tema thin a Damascus wah dekchah nge wah Hobah nâng lânhû roh jûnwên wah. 16ngãle thinma chentô sêmmak nyênchhõantah a ereheh phangtang ngaknyên wah. Tema ate phõ chha Lot ngãle ate sêmmak heh, ediko dihiak nyũ ngãle ahân lõkhhek tah mihnyãn hehmĩn ngaknyên kat wah.
Melchizedek Ma Abram Nâng Rangkoh
17Chenthû Abram ma Cheldorlaomer ngãle ahân Lowang heh jîen lahma ngak hok ko, Sodom Lowang Shaveh Hahthung ko ate demnâng chohmîn rãng katwah (ako Lowang Hahthung ngãma mĩn ngãekah). 18#Heb 7.1-10Ngãle Melkeizedek, te a Salem Lowang dâng wah ngãle ate a Achõang thhôan wah Joban Sôam Aroakte dâng wah, tema phhekchhah ngãle khem kep lahma Aram nâng katkoh wah, 19Ngãle tenâng rangkoh lahma ngatwah, “Achõang thhôan wah Joban, rangkhhethung ngãle hahtokkhoh hôante ma Abram nâng rang chenkoh a! 20Achõang thhôan wah Joban, nangnâng nangran heh jîenthukte nâng rô oh!” Ngãle Abram ma Melchizedek nâng tema ran ngewah chentô ngaknyên tah sêmmak hehwah thiak echhi kowah thiektheh kohwah.
21Sodom Lowang ma Abram nâng ngatwah, “Sêmmak nyêntoh heh nangma thîen oh, rohkomĩn Ngã mihnyãn heh phangtang Ngãnâng ngakkoh hang.”
22Abram ma dânthâng wah, “Ngãma Achõang thhôan wah Teso Joban, rang ahah hôante mînko tôamsem ekãng, 23Ngãma nang thiak chenni jô thienmek, khhetrũ lãtheh mĩn thîenmek bã khhetrũ bã dãphhâng pek lãtheh mĩn thîenmek. Erohko bã nangma ‘Ngãma Abram techhũ lâdang thuktek’ ngãma lata ngã edangoh. 24Ngãma Ngã rãng chenni jô kepmek. Ngãma Ngã mihnyãn hehma chenni keptah a ereheh lôlôbã ekep ang. Rohkomĩn Ngã demnâng johrûte Aner, Eshcol, ngãle Mamre hehma thinthiak heh chenkep a.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India