KHABÊNG 15
15
Joban Abram Demnâng Tôamsêmmîn
1Ediko, Abram ma metmẽng nâng thânkhẽ lahma Teso ma tenâng ngã lahma tatwah, “Nekche, Abram. Ngãma nanga chentô chê awânli hehwah laak rãngrãng dang lakma epânge ngãle nangnâng hînhô dong ekoh e.”
2Phûmma Abram ma dânthâng wah, “Pênte Teso, nangma Ngãnâng rangkoh ehang pa Ngã rãngma chenni asenli rãng dângmin a, chenrãngma ngãko Ngãnâng chhũ achaa ahõ? Ngã thĩn amãn kepte pa Damascus#15.2 Ngã… Damascus; Hebrew senthêm raangmah. wah Eliezer bã dângmin. 3Nangma Ngãnâng chhũ achha kohmah hang, ngãle Ngã hũ ahaa heh mamĩn hẽnmajô Ngã thĩn amãn heh lata kepmin.”
4Phûmma edikomĩn Teso ma tenâng rânjab lahma tatwah: “Are nang hũ ahaa Eliezer ma nang thĩn amãn heh lata kepmin; nang chha ma jôbã nang thĩn amãn heh kepmin.” 5#Rom 4.18; Heb 11.12Teso ma te a rangsâ nâng loatsietkat lahma ngatwah, “Rangkho nâng sûwên lohma merit heh thatwehtan; nangma nang chhũ nang chha heh ereheh jahtô echoh oh.”
6 #
Rom 4.3; Gal 3.6; Jas 2.23 Abram ma Teso nâng pûtê dâlêm wah, eroh wah Teso ate demnâng hûngsên wah ngãle tenâng toangtang ngãma ngatwah.
7Ediko Teso ma tenâng ngatwah, “Ngã a Teso nangnâng are hah pa nang hah rãng kohrãng nanga Babylon wah Ur hahwah sietchhôante pa.”
8Phûmma Abram ma chhîen wah, “Pênte Teso, apah Ngã rãng ngãma chenroh ma jîenjet min a?”
9Tema dânthâng wah, “Ngãnâng pârem dangchoan mân, kien, saak põng, ngãle pârem dangchoan phâriwõ ngãle phokpheterû wah kephû koh hang.” 10Abram ma ngem heh Joban nâng kep hok kohwah, ngãle ereheh khaanîî rãng khaapân wah, ngãle lemnîî ko rãnkaru thîenkoh wah; rohkomĩn tema wõ heh khaapãn hõ. 11Meng phhekte wõ heh ngemkhoh ko pahkat wah, rohkomĩn Abram ma jûnloat wah.
12 #
Job 4.13, 14 Chenthû san nyupkat phûmma, Abram nyahrãng juplek wah, ngãle te a patrit sekmah ngãle achê rêwah. 13#Loa 1.1-14; Ml 7.6Teso ma tenâng ngatwah, “Nang chhũ nang chha heh mihdiak nâng mihwũnte dângmin; thin a hũ ahaa rãng dang lahma châ belîî rangpâ chhih mõang echêmrîî a. 14#Loa 12.40-41; Ml 7.7Rohkomĩn thin hũ ahaa rãng kepte diak pa Ngãma echêm siet ang, ngãle chenthû thin ere mihdiak kowah maloat chhõantah ko, thinma thin demko sêmmak heh jahmõang ekep chhõan a. 15Nanga nyahrãng rôanlõ ehin oh, ngãle ediko mêmo ma rîî lohma ebĩn hoh. 16Nang chhũ nang chha heh ako ngak hok mako rôanbelîî edanga, chenrãngma ngãko thin a nyahrãng mihnyãn chhih dang lahma thin nâng mãchêm chêmsiet ko Ngãma Amorites heh lajûnlõ min.”
17Chenthû san nyupkã lahma rangnyek madang tah ko, wẽn demnâng tit ngãle wẽndô pa lemlîen ma ngemkhaa heh mongtung pumma edãnpu a. 18#Ml 7.5Ephûmma Teso ma Abram demnâng Tôam esem mîn a. Tema ngãekah, “Ngãma nang chhũ nang chha hehnâng are hah pa phangtang Egypt jatrĩ ma dang lahma Euphrates Jolã tôko kohrãng tôamsem ekãng, 19edemko Kenites jat heh hah ngãle Kenizzites, ediko Kadmonites hehhah hehmĩn ekoh ang, 20Hittites heh, Perizzites heh, Rephaim heh hahmĩn ekoh ang, 21ngãle Amorites heh, Canaan heh, Girgashites heh ngãle Jebusites heh hahmĩn ekoh ang.”
Currently Selected:
KHABÊNG 15: Nokte
Highlight
Share
Copy
Want to have your highlights saved across all your devices? Sign up or sign in
The Bible Society of India
KHABÊNG 15
15
Joban Abram Demnâng Tôamsêmmîn
1Ediko, Abram ma metmẽng nâng thânkhẽ lahma Teso ma tenâng ngã lahma tatwah, “Nekche, Abram. Ngãma nanga chentô chê awânli hehwah laak rãngrãng dang lakma epânge ngãle nangnâng hînhô dong ekoh e.”
2Phûmma Abram ma dânthâng wah, “Pênte Teso, nangma Ngãnâng rangkoh ehang pa Ngã rãngma chenni asenli rãng dângmin a, chenrãngma ngãko Ngãnâng chhũ achaa ahõ? Ngã thĩn amãn kepte pa Damascus#15.2 Ngã… Damascus; Hebrew senthêm raangmah. wah Eliezer bã dângmin. 3Nangma Ngãnâng chhũ achha kohmah hang, ngãle Ngã hũ ahaa heh mamĩn hẽnmajô Ngã thĩn amãn heh lata kepmin.”
4Phûmma edikomĩn Teso ma tenâng rânjab lahma tatwah: “Are nang hũ ahaa Eliezer ma nang thĩn amãn heh lata kepmin; nang chha ma jôbã nang thĩn amãn heh kepmin.” 5#Rom 4.18; Heb 11.12Teso ma te a rangsâ nâng loatsietkat lahma ngatwah, “Rangkho nâng sûwên lohma merit heh thatwehtan; nangma nang chhũ nang chha heh ereheh jahtô echoh oh.”
6 #
Rom 4.3; Gal 3.6; Jas 2.23 Abram ma Teso nâng pûtê dâlêm wah, eroh wah Teso ate demnâng hûngsên wah ngãle tenâng toangtang ngãma ngatwah.
7Ediko Teso ma tenâng ngatwah, “Ngã a Teso nangnâng are hah pa nang hah rãng kohrãng nanga Babylon wah Ur hahwah sietchhôante pa.”
8Phûmma Abram ma chhîen wah, “Pênte Teso, apah Ngã rãng ngãma chenroh ma jîenjet min a?”
9Tema dânthâng wah, “Ngãnâng pârem dangchoan mân, kien, saak põng, ngãle pârem dangchoan phâriwõ ngãle phokpheterû wah kephû koh hang.” 10Abram ma ngem heh Joban nâng kep hok kohwah, ngãle ereheh khaanîî rãng khaapân wah, ngãle lemnîî ko rãnkaru thîenkoh wah; rohkomĩn tema wõ heh khaapãn hõ. 11Meng phhekte wõ heh ngemkhoh ko pahkat wah, rohkomĩn Abram ma jûnloat wah.
12 #
Job 4.13, 14 Chenthû san nyupkat phûmma, Abram nyahrãng juplek wah, ngãle te a patrit sekmah ngãle achê rêwah. 13#Loa 1.1-14; Ml 7.6Teso ma tenâng ngatwah, “Nang chhũ nang chha heh mihdiak nâng mihwũnte dângmin; thin a hũ ahaa rãng dang lahma châ belîî rangpâ chhih mõang echêmrîî a. 14#Loa 12.40-41; Ml 7.7Rohkomĩn thin hũ ahaa rãng kepte diak pa Ngãma echêm siet ang, ngãle chenthû thin ere mihdiak kowah maloat chhõantah ko, thinma thin demko sêmmak heh jahmõang ekep chhõan a. 15Nanga nyahrãng rôanlõ ehin oh, ngãle ediko mêmo ma rîî lohma ebĩn hoh. 16Nang chhũ nang chha heh ako ngak hok mako rôanbelîî edanga, chenrãngma ngãko thin a nyahrãng mihnyãn chhih dang lahma thin nâng mãchêm chêmsiet ko Ngãma Amorites heh lajûnlõ min.”
17Chenthû san nyupkã lahma rangnyek madang tah ko, wẽn demnâng tit ngãle wẽndô pa lemlîen ma ngemkhaa heh mongtung pumma edãnpu a. 18#Ml 7.5Ephûmma Teso ma Abram demnâng Tôam esem mîn a. Tema ngãekah, “Ngãma nang chhũ nang chha hehnâng are hah pa phangtang Egypt jatrĩ ma dang lahma Euphrates Jolã tôko kohrãng tôamsem ekãng, 19edemko Kenites jat heh hah ngãle Kenizzites, ediko Kadmonites hehhah hehmĩn ekoh ang, 20Hittites heh, Perizzites heh, Rephaim heh hahmĩn ekoh ang, 21ngãle Amorites heh, Canaan heh, Girgashites heh ngãle Jebusites heh hahmĩn ekoh ang.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India