KHABÊNG 13
13
Abram Ngãle Lot Phânmîn
1Abram Egypt wah dekchah nge nâng Canaan rãngma dekhit nge nâng ate tangnyũ ngãle thin sêmmak phangtang kep lahma wângwah, ngãle Lot mĩn ate demko johwâng wah. 2Abram saak, kien, ngãle lee amân, ediko chandĩ ngãle kem nâng nyahrãng techhũ dâng wah. 3Ediko te a ekowah loatchhõan lahma thetheh kowah thetheh nâng phõang khhoam lahma Bethel nâng katwah. Te a Bethel ngãle Ai the tungko khhama nâng tema hojek keptah theko hokkatwah 4ngãle eko chaam hôan wah. Eko tema Teso nâng sôamwah.
5Lot nângmĩn nyem achhah dâng wah, lee amân, saak, ngãle ate humte tangkâ ngãle haa heh dâng wah. 6Ngãle ate nîî thetheh ko rôamsông rãng nyem achhah heh phẽmphhek thĩn the ajah ahõ dâng wah, chenrãngma ngãko thin nâng nyem achhah pa jahmõang dâng wah, 7Ephûmma Abram nyem achhah sokte ngãle Lot nyem achhah sokte mihnyãn heh tungko mênmîn wah. (Ere sanpoat ko Canaan jat mihnyãn ngãle Perizite jat mihnyãn heh ere theko sôngthû dâng wah.)
8Ephûmma Abram ma Lot nâng ngatwah, “Nãng heh a khoanhẽn, eroh wah nang mihnyãn ngãle Ngã mihnyãn heh tungko lamên min. 9Eroh wah nãng heh a phânsông rẽ e. Nanga chennge hahko sônghûn eko a epa rẽn oh. Nanga lemtheh nâng chhõan oh ngãle Ngãmĩn lemtheh nâng chhõan ang.”
10 #
Kha 2.10
Lot ma tûmlit phõangsû lahma Jordan Hahthung phangtang chohkhê wah, epa Zoar nâng lânhûroh khêwah, ngãle eko jo jahmõang dâng wah, epa Teso penrĩ thong rãngrãng dâng wah#13.10 epa Teso penrĩ thong rãngrãng dâng wah: epa Eden penrĩ thong nâng thakthô ekah. ngãle bã Egypt hah nâng rãngrãng. (Apa Teso ma Sodom ngãle Gomorrah hahdaang dong heh chhihsiet mako dâng wah.) 11Ephûmma Lot ma Jordan Hahthung thungtang ate rãng rênwah, ngãle sankat nge nâng wângwah. Aroh wãnîî pa phânmîn wah. 12Abram Canaan hahko tôngwah, ngãle Lot ma hahthung wah hahdaang heh mongtãng ko sông wah ngãle Sodom kêko hojek kepwah. 13Ekohwah mihnyãn heh achhih ngãle Teso lêlatnâng nyahrãng pap chhih moat wah.
Abram Hebron Nâng Katwah
14Lot chhôan diko, Teso ma Abram nâng ngatwah, “Nang chenre theko chep eko a ere the pumma chentô ngenâng senthêmthêm phõangsû tan. 15#Ml 7.5Nangma chentô hah khẽ eko a ereheh phangtang ma nang ngãle nang chhũ nang chha hehnâng ekoh a, ngãle epa rôantang rôanjêng nangrãng edanga 16Ngãma nangnâng chhũ achha heh hẽnmajô lata phãnglãng roakwehtô jah ekoh e; nang chhũ nang chha heh târoakweh nôma hahtokkhoh wah phihchha lõngrã heh roakweh pa bã ala edanga. 17Phûmma chep oh, ngãle chhõan lohma hah phangtang phõangsû oh, chenrãngma ngãko are hahheh Ngãma phangtang nangnâng kohrãng ngãekĩ.” 18Ephûmma Abram ma ate tembu hum pa koak lahma Hebron wah Mamre wah toangtang bãng tâko kã lahma hojek kepwah, ngãle enâng tema Teso rãng chaam hôankoh wah.
Currently Selected:
KHABÊNG 13: Nokte
Highlight
Share
Copy
Want to have your highlights saved across all your devices? Sign up or sign in
The Bible Society of India
KHABÊNG 13
13
Abram Ngãle Lot Phânmîn
1Abram Egypt wah dekchah nge nâng Canaan rãngma dekhit nge nâng ate tangnyũ ngãle thin sêmmak phangtang kep lahma wângwah, ngãle Lot mĩn ate demko johwâng wah. 2Abram saak, kien, ngãle lee amân, ediko chandĩ ngãle kem nâng nyahrãng techhũ dâng wah. 3Ediko te a ekowah loatchhõan lahma thetheh kowah thetheh nâng phõang khhoam lahma Bethel nâng katwah. Te a Bethel ngãle Ai the tungko khhama nâng tema hojek keptah theko hokkatwah 4ngãle eko chaam hôan wah. Eko tema Teso nâng sôamwah.
5Lot nângmĩn nyem achhah dâng wah, lee amân, saak, ngãle ate humte tangkâ ngãle haa heh dâng wah. 6Ngãle ate nîî thetheh ko rôamsông rãng nyem achhah heh phẽmphhek thĩn the ajah ahõ dâng wah, chenrãngma ngãko thin nâng nyem achhah pa jahmõang dâng wah, 7Ephûmma Abram nyem achhah sokte ngãle Lot nyem achhah sokte mihnyãn heh tungko mênmîn wah. (Ere sanpoat ko Canaan jat mihnyãn ngãle Perizite jat mihnyãn heh ere theko sôngthû dâng wah.)
8Ephûmma Abram ma Lot nâng ngatwah, “Nãng heh a khoanhẽn, eroh wah nang mihnyãn ngãle Ngã mihnyãn heh tungko lamên min. 9Eroh wah nãng heh a phânsông rẽ e. Nanga chennge hahko sônghûn eko a epa rẽn oh. Nanga lemtheh nâng chhõan oh ngãle Ngãmĩn lemtheh nâng chhõan ang.”
10 #
Kha 2.10
Lot ma tûmlit phõangsû lahma Jordan Hahthung phangtang chohkhê wah, epa Zoar nâng lânhûroh khêwah, ngãle eko jo jahmõang dâng wah, epa Teso penrĩ thong rãngrãng dâng wah#13.10 epa Teso penrĩ thong rãngrãng dâng wah: epa Eden penrĩ thong nâng thakthô ekah. ngãle bã Egypt hah nâng rãngrãng. (Apa Teso ma Sodom ngãle Gomorrah hahdaang dong heh chhihsiet mako dâng wah.) 11Ephûmma Lot ma Jordan Hahthung thungtang ate rãng rênwah, ngãle sankat nge nâng wângwah. Aroh wãnîî pa phânmîn wah. 12Abram Canaan hahko tôngwah, ngãle Lot ma hahthung wah hahdaang heh mongtãng ko sông wah ngãle Sodom kêko hojek kepwah. 13Ekohwah mihnyãn heh achhih ngãle Teso lêlatnâng nyahrãng pap chhih moat wah.
Abram Hebron Nâng Katwah
14Lot chhôan diko, Teso ma Abram nâng ngatwah, “Nang chenre theko chep eko a ere the pumma chentô ngenâng senthêmthêm phõangsû tan. 15#Ml 7.5Nangma chentô hah khẽ eko a ereheh phangtang ma nang ngãle nang chhũ nang chha hehnâng ekoh a, ngãle epa rôantang rôanjêng nangrãng edanga 16Ngãma nangnâng chhũ achha heh hẽnmajô lata phãnglãng roakwehtô jah ekoh e; nang chhũ nang chha heh târoakweh nôma hahtokkhoh wah phihchha lõngrã heh roakweh pa bã ala edanga. 17Phûmma chep oh, ngãle chhõan lohma hah phangtang phõangsû oh, chenrãngma ngãko are hahheh Ngãma phangtang nangnâng kohrãng ngãekĩ.” 18Ephûmma Abram ma ate tembu hum pa koak lahma Hebron wah Mamre wah toangtang bãng tâko kã lahma hojek kepwah, ngãle enâng tema Teso rãng chaam hôankoh wah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India