KHABÊNG 12
12
Joban Ma Abram Roo
1 #
Ml 7.2-3; Heb 11.8 Teso ma Abram nâng ngatwah, “Nang diak, nang humte tangkâ heh, ngãle nangwã hum ahah heh phethîen lohma Ngãma khêsok ekĩ hahko wãngoh. 2Ngãma nangnâng chhũ achha jahmõang koh e, ngãle thin a diak akan dong edanga. Ngãma nangnâng rangkoh lihma nangmîn pa dongthuk e, eroh nangma rang ekep oh.
3 #
Gal 3.8
Hẽnma nangnâng rangkoh ehoh a ere heh nâng Ngãma rang ekoh ang,
Rohkomĩn hẽnma nangnâng tem athoak ehoh a ere heh nâng Ngãma mĩn etem ethoak ang.
Ngãle nang jũnma Ngãma chentô diak akan hehnâng rang ekoh ang.”#12.3 Ngãle nang jũnma… diak akan heh;bã Ngãma nangnâng rangkoh ekĩ rãngrãng thin nângmĩn rangkoh rãng chentô diak akan hehma erooseb hang.
4Chenthû Abram roak engit pâ bengâ dângko, te a Haran wah loatchhôan wah, Teso ma tenâng moatrãng thôkotah rãngrãng moat wah; ngãle ate demnâng Lot johchhôan wah. 5Abram ma ate tangnyũ Sarai, ate naa chha Lot, ngãle thin sêmmak heh, ediko Haran wah thin hũ ahaa heh siet lahma Canaan hah nâng wângwah.
Chenthû thin Canaan hah nâng hok phûmma, 6Abram ma hah phangtang phõang khhoam lahma Shechem hahwah asâthhôan the kowah Moreh wah bãng tâko mãhû hûkhhoam khhôam wah. (Ere sanpoat ko Canaan mihnyãn heh eko sôngthû dâng wah.) 7#Ml 7.5; Gal 3.16Teso Abram tâko hõngkã lahma tenâng ngatwah, “Are diak pa Ngãma nang chhũ nang chha hehnâng kohrãng ngãekãng.” Ephûmma ere theko Abram ma ate tâko hôngkatte Teso rãng chaam hôankoh wah. 8Ediko, te a Bethel wah sankat nge wah kõte diak nâng wângwah, ngãle tema ate hojek pa sannyup nge ko Bethel ngãle sankat nge ko Ai mongtung ko hôan wah. Enângmĩn tema chaam hôan lahma Teso nâng sôamwah. 9Ediko te a thetheh kowah thetheh nâng phõang khhoam lahma Canaan rãngma dekhit nge nâng wângwah.
Abram Egypt Nâng
10Phûmma Canaan nâng rêm hokwah, ngãle epa nyahrãng rêmchhih dâng wah, eroh wah Abram Egypt wah dekhit nge hahtaang nâng wângwah, ngãle enâng poattheh rãng sôngwâng wah. 11Chenthû tema Egypt jatrĩ dânrãng ngat ko, tema ate tangnyũ Sarai nâng ngatwah, “Nanga dihiak phhãngsen. 12Chenthû Egypt mihnyãn hehma nang makhẽ thoh ko, thinma nanga Ngã tangnyũ ngãma ethonghûn a, ephûmma thinma Ngã ritphe lahma nang laritphe ethîen hoh. 13#Kha 20.2; 26.7Phûmma thin nâng nangma Ngãnaa ngãma thôkoh; ephûmma nang jũnma thinma Ngãmĩn laritphe ma ethîen hang, ngãle Ngã nângmĩn senthêmthêm ekhôakhẽm hang.” 14Chenthû tema jatrĩ dãn lahma Egypt nâng hok phûmma, Egypt mihnyãn hehma ate tangnyũ pa nyahrãng phhãngsen khêwah. 15Lowang hum wah sahhab khũtheh ma ate khẽ lahma te a nyahrãng phhãngsen ngãma lowang nâng thôkoh wah; ephûmma te a lowang hum nâng sietwên wah. 16Ate jũnma lowang ma Abram nâng senthêmthêm khôakhêm wah ngãle tenâng saak, kien, mânpõng, donkey, hũ ahaa heh ngãle camel heh kohwah.
17Phûmma lowang ma Sarai sietwêndĩ, Teso ma ate khoh nâng nyahrãng chêli khoanchhet chîenhok wah ngãle ate hum wah mihnyãn heh khoh nâng mĩn chîenhok wah. 18Ephûmma lowang ma Abram roowãng thuk lahma tenâng ngatwah, “Nangma Ngãnâng chenni hôan ehanga? Chenrãngma nangma te a ngã tangnyũ ngãma la thôkoh rẽhanga? 19Chenrãngma nangma te a Ngãnaa ngã lohma te a Ngã tangnyũ rãng sietwên thuk ehanga? Rohkomĩn nang tangnyũ pa anã; ate siet lohma chhõan oh!” 20Lowang ma ate mihnyãn hehnâng chîen wah, ephûmma thinma Abram ma ate tangnyũ demko ngãle thin sêmmak heh phangtang demko thin diak kowah loatsiet chhôan wah.
Currently Selected:
KHABÊNG 12: Nokte
Highlight
Share
Copy
Want to have your highlights saved across all your devices? Sign up or sign in
The Bible Society of India
KHABÊNG 12
12
Joban Ma Abram Roo
1 #
Ml 7.2-3; Heb 11.8 Teso ma Abram nâng ngatwah, “Nang diak, nang humte tangkâ heh, ngãle nangwã hum ahah heh phethîen lohma Ngãma khêsok ekĩ hahko wãngoh. 2Ngãma nangnâng chhũ achha jahmõang koh e, ngãle thin a diak akan dong edanga. Ngãma nangnâng rangkoh lihma nangmîn pa dongthuk e, eroh nangma rang ekep oh.
3 #
Gal 3.8
Hẽnma nangnâng rangkoh ehoh a ere heh nâng Ngãma rang ekoh ang,
Rohkomĩn hẽnma nangnâng tem athoak ehoh a ere heh nâng Ngãma mĩn etem ethoak ang.
Ngãle nang jũnma Ngãma chentô diak akan hehnâng rang ekoh ang.”#12.3 Ngãle nang jũnma… diak akan heh;bã Ngãma nangnâng rangkoh ekĩ rãngrãng thin nângmĩn rangkoh rãng chentô diak akan hehma erooseb hang.
4Chenthû Abram roak engit pâ bengâ dângko, te a Haran wah loatchhôan wah, Teso ma tenâng moatrãng thôkotah rãngrãng moat wah; ngãle ate demnâng Lot johchhôan wah. 5Abram ma ate tangnyũ Sarai, ate naa chha Lot, ngãle thin sêmmak heh, ediko Haran wah thin hũ ahaa heh siet lahma Canaan hah nâng wângwah.
Chenthû thin Canaan hah nâng hok phûmma, 6Abram ma hah phangtang phõang khhoam lahma Shechem hahwah asâthhôan the kowah Moreh wah bãng tâko mãhû hûkhhoam khhôam wah. (Ere sanpoat ko Canaan mihnyãn heh eko sôngthû dâng wah.) 7#Ml 7.5; Gal 3.16Teso Abram tâko hõngkã lahma tenâng ngatwah, “Are diak pa Ngãma nang chhũ nang chha hehnâng kohrãng ngãekãng.” Ephûmma ere theko Abram ma ate tâko hôngkatte Teso rãng chaam hôankoh wah. 8Ediko, te a Bethel wah sankat nge wah kõte diak nâng wângwah, ngãle tema ate hojek pa sannyup nge ko Bethel ngãle sankat nge ko Ai mongtung ko hôan wah. Enângmĩn tema chaam hôan lahma Teso nâng sôamwah. 9Ediko te a thetheh kowah thetheh nâng phõang khhoam lahma Canaan rãngma dekhit nge nâng wângwah.
Abram Egypt Nâng
10Phûmma Canaan nâng rêm hokwah, ngãle epa nyahrãng rêmchhih dâng wah, eroh wah Abram Egypt wah dekhit nge hahtaang nâng wângwah, ngãle enâng poattheh rãng sôngwâng wah. 11Chenthû tema Egypt jatrĩ dânrãng ngat ko, tema ate tangnyũ Sarai nâng ngatwah, “Nanga dihiak phhãngsen. 12Chenthû Egypt mihnyãn hehma nang makhẽ thoh ko, thinma nanga Ngã tangnyũ ngãma ethonghûn a, ephûmma thinma Ngã ritphe lahma nang laritphe ethîen hoh. 13#Kha 20.2; 26.7Phûmma thin nâng nangma Ngãnaa ngãma thôkoh; ephûmma nang jũnma thinma Ngãmĩn laritphe ma ethîen hang, ngãle Ngã nângmĩn senthêmthêm ekhôakhẽm hang.” 14Chenthû tema jatrĩ dãn lahma Egypt nâng hok phûmma, Egypt mihnyãn hehma ate tangnyũ pa nyahrãng phhãngsen khêwah. 15Lowang hum wah sahhab khũtheh ma ate khẽ lahma te a nyahrãng phhãngsen ngãma lowang nâng thôkoh wah; ephûmma te a lowang hum nâng sietwên wah. 16Ate jũnma lowang ma Abram nâng senthêmthêm khôakhêm wah ngãle tenâng saak, kien, mânpõng, donkey, hũ ahaa heh ngãle camel heh kohwah.
17Phûmma lowang ma Sarai sietwêndĩ, Teso ma ate khoh nâng nyahrãng chêli khoanchhet chîenhok wah ngãle ate hum wah mihnyãn heh khoh nâng mĩn chîenhok wah. 18Ephûmma lowang ma Abram roowãng thuk lahma tenâng ngatwah, “Nangma Ngãnâng chenni hôan ehanga? Chenrãngma nangma te a ngã tangnyũ ngãma la thôkoh rẽhanga? 19Chenrãngma nangma te a Ngãnaa ngã lohma te a Ngã tangnyũ rãng sietwên thuk ehanga? Rohkomĩn nang tangnyũ pa anã; ate siet lohma chhõan oh!” 20Lowang ma ate mihnyãn hehnâng chîen wah, ephûmma thinma Abram ma ate tangnyũ demko ngãle thin sêmmak heh phangtang demko thin diak kowah loatsiet chhôan wah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society of India