Rom 6

1హనూవతో కాఁయిఁ కాఁ? దేవేర్ కృప జాదా వజుఁ అపణ్ పాపేమా రియాఁ క?

2అసలజ్ కొని. అపణ్ పాపేర్ కార్ణే మర్గే. ఉజ్జీ పాపేమా కూఁ బంచాఁ?

3క్రీస్తు యేసూమా బాప్తీసమ్ లీదేజకో అపణ్ సే, ఓర్ మ్వోతేమా సదా బాప్తీసమ్ లీదె కన్ ఈ తమేన మాలమ్ ఛేని క ?

4జేతి బాపేర్ మహిమార్ జోరేతీ, ఊ క్రీస్తున మర్గేజే మాఁయిఁతీ కూఁ వటాడోకో, హన్నూజ్ అపణ్ సదా బాప్తీసమేర కార్ణే నవొ జీవ్ణో జీవాఁజుఁ ఓర్ మ్వోతేమా హాఁసోలేలేన్ ఓతీ సదా సమాధీమా బురాగె.

5కసెనకతో ఓర్ మ్వోతేమా అపణ్ ఓతి ఏక్ వేజాఁవాఁతో, హన్నూజ్ జీవన్ ఊ ఉటోజుఁ అపణ్ సదా జీవేన ఒతీ ఏక్ వేజాఁవాఁచా.

6కసెనకతో అపణ్ ఉజ్జీ పాపేర్ దాసేర్ నైఁ నరేణో కన్ అపణేమా ఛజకో పాపేర్ దల్లేర్ జోర్ నాశ్ వేజాఁవజుఁ అపణేమా ఛజకో జూనో దల్ క్రీస్తుతీ సదా సిల్వాపర్ మరాయొకన్ మాలమ్.

7కసెనకతో ఏక్ మర్జా జన్నా పాపేర్ జోరేతీ ఛూట్ గార్ పాల్దోచ.

8అపణ్ క్రీస్తూతీ సదా మర్జాఁవాఁతో, ఓతీ సదా బంచాంచాఁకన్ విశ్వాస్ కర్రేంచాఁ.

9క్రీస్తు మర్గేజేమాఁయిఁతీ ఉటోకన్, ఫేర్ కన్నాఁయీఁజ్ మరేనీ కన్, అపణేన మాలమ్ అబ్బ మ్వోతేన యేసుపర ఉజ్జీ హక్ ఛేని.

10ఊ పాపేవాస ఏక్కజ్ వణా మర్గో. పాపేన కాఁయిఁ ఓర్ ఉంపర్ హక్ ఛేని. ఊ ఆబ్బ జీవ్రో జకో జీవ్ణో దేవేర్ సోబతేమా జీవ్రోచ.

11హనూజ్ తమ్ సదా పాపేర్ కార్ణే మర్గేజుఁ పణ్ క్రీస్తుతీ భళన్ దేవేర్ వాస బంచ్రేచాఁ కన్ కెలో

12తమ్ తమార్ జీవ్డార్ ఖరాబ్ కూంతేన నవన్ రజుఁ, మరెన ఛజకో తమార్ జీవ్డామా పాపేన అధికార్ కరేమత్ దో.

13ఉజ్జీ తమార్ జీవ్డార్ కుణ్సీ భాగేన ఖరాప్ కామేర్వాస పాపేన హవాల నకర్ణో. ఓర్ బదల్ మ్వోతేతీ బంచాడోచ కన్ కేలేన్ తమార్ తమజ్ దేవేన హవాల కర్లో. నియతేర్ కామేన కరేన, తమార్ తమజ్ దేవేన హవాల కర్లో.

14కసెనకతో తమ్ ధరమ్ శాస్త్రేర్ హేట ఛోని పణ్ కృపార్ హేట ఛో జేతి పాపేన తమార్పర మోట్పణ్ కరెన హక్ ఛేని.

15హనూవతో కృపానజ్ పణ్ ధరమ్ శాస్త్రేర్ హేట నవన్ ఛానికన్ పాప్ కరియాంక? హన్నుకన్నాఁయిజ్ నకర్ణో.

16దాసేర్ నైఁ రేన్, తమార్ తమజ్ కేన హవాల్ కర్లోచోకో, ఊ మోతేర్ సారు పాపేన వతోయిక, నవతో నీయతేర్ సారు నవన్ రేన వతోయి తమ్ కేతీ నవన్ రోచోకో, ఓనజ్ దాస్ వేన్ రోచో కన్ తమేన మాలమ్ ఛేనిక?

17తమ్ పాపేన దాస్ వేన్ రే, పణ్ అబ్బ తమ్ కుణ్సే ఉపదేశేన హావాల వేన్ ఛోకొ ఓన తమ్ భర్పూర్ దలేతి నవ్ణీతీ రేన్,

18తమ్ పాపేతీ ఛుట్గారిపాన్, నియతేర్ దాస్ వేగె జేతి దేవేన స్తుతి కర్రేంచాఁ.

19తమార్ జీవ్డార్ కమ్ జోరేర్ కార్ణే మన్క్యార్ తరీకాతి వాతే కర్రోంచుఁ; కూఁకతో, ఖరాప్ కామ్ కరెన అపవిత్తరెనన్, ఖరాప్ కావతే కరెన తమార్ జీవ్డాన కూఁ హవాలె కర్లిదే కో, హన్నూజ్ పవిత్తర్ వేన అబ్బ తమార్ జీవ్డార్ భాగేవున నియతేర్ దాసేర్ నైఁ తమార్ తమజ్ హవాలె కర్లో.

20తమ్ పాపేర్ దాసేర్ నైఁ రోజనా బగర్ నియతేతీ వేత్తే.

21జన్నార్ కావతేవుర్ వడి తమేన కాఁయిఁ ఫాయయేదో మళో ? అసె కావతేవుర్ కార్ణే అబ్బ తమ్, లాజ్ పారేచో కోనిక? ఓర్ ఫళ్ మ్వోతజ్.

22తోయి పణ్ అబ్బ తమ్ పాపేతీ ఛూట్గారి పాన్ దేవేర్ దాసేర్ నైఁ వేగె జేతి పవిత్తర్వేన్, రేరోజ్ తమార్ ఫళ్; ఓర్ అంత్ శాశ్వత్ జీవ్.

23కసెనకతో పాపేతీ ఆవజకో బాఁయీఁ మ్వోత్, పణ్ దేవేర్ కృపార్ వర్దాన్ అప్ణోప్రభూ ఛజకో క్రీస్తుతీ శాశ్వత్ జీవ్.

Currently Selected:

Rom 6: Lambadi

Highlight

Copy

Compare