Matayo 13
13
Olufumo lwa musigi wa busigo
(Mak 4:1-9; Luk 8:4-8)
1Ekiro ekyombe oYesu nʼaliga omu nyumba, nʼayaba oku lukeito lwa nyanja, nʼaikaara. 2Abantu baingi muno ni bakumbaanira waali; ye nikyo yatembeire omu bwato nʼaikaara, abantu ni beemeera oku lukalu. 3Nʼabasubiira ebigambo bingi omu nfumo, nʼakoba nti, “Omusigi yaabire okusiga obusigo. 4Niyaali akusiga, obusigo obumwei ni bugwa oku muwanda, ebinyonyi ni biiza ni bibulya bwona bwona. 5Obundi ni bugwa okwitakali erya ku lwazi, amangu ago ni bumera, kubba eitakali ryali rimpi. 6Eisana, niryayakire ni ribabula obusimbo ni bwoma kubba emizi gyabwo gyali gimpi. 7Obundi ni bugwa omu mawa. Nigaakuure, ni gaita obusimbo. 8Nʼobundi ni bugwa omwitakali erisai, ni bumera ni bukula, ni bwera; obumwei ni bibbaaku ensigo kikumi; obundi nkaaga, nʼobundi amakumi asatu.” 9OYesu nʼaira nʼakoba ati, “Alina amatwi aga kuwura, awure!”
Ekigendeerwa omu nfumo
(Mak 4:10-12; Luk 8:9-10)
10Oluzwannyuma abeegesebwa ni baaba egiri oYesu, ni bamubuulya bati, “Lwaki abantu obaza nabo mu nfumo?”
11Nʼabairamu ati, “Nywe mwaweereibwe okumanya ebyama ebikufa oku bukama obwa mwiguru, baitu bo tibaawairwe. 12Kubba buli alina alyongerwaku leke abbe na bingi muno. Baitu buli atalina, aliiyibwaku nʼakadooli kaali nako. 13Mbaza nabo omu nfumo kubba babonia, baitu tibabona. Bawuliirya baitu tibawura, era tibeeteja. 14Era omulangi oYisaaya kyeyalangire kikwikiira oku bo; ekikoba kiti,
‘Muliwuura baitu timulyeteja.
Mulibona, baitu timulikenga.
15Kubba emitima gyʼabantu bani gibbanire,
amatwi gaabwe bagalibbikiire, nʼamaiso gaabwe bagalibbiriirye.
Nikitaakuli kityo baakuboine nʼamaiso gaabwe,
nʼokuwura nʼamatwi gaabwe,
nʼokweteja nʼemitima gyabwe,
ale ni bayinduka, era ni batambwa.’#Isa 6:9,10
16“Baitu nywe muli ba mukisa, kubba amaiso gaanywe gabona, nʼamatwi gaanywe gawura. 17Kambakobere amananu, abalangi nʼabantu abasai beegombere okubona byemukubona baitu ni batabibona, nʼokuwura byemukuwura, baitu ni batabiwura.
OYesu akusoboora amakulu ga lufumo
(Mak 4:13-20; Luk 8:11-15)
18“Ale ati muwure amakulu ga lufumo lwa musigi. 19Abawura ekigambo ekikufa oku bukama ni batakyeteja, baisanisibwa obusigo obwagwire oku muwanda. Omubbi aiza nʼanyaga ekisigirwe omu mitima gyabwe. 20Obusigo obwagwire okwitakali eriri oku lwazi, nibo bantu abawura ekigambo ni bakiikiriza mangu nʼokusemeerwa, 21baitu tikimamaala mu mitima gyabwe. Baikiriza akaire kadooli, obulemu oba okwasayasanizibwa nikwiza bagwa. 22Obusigo obwagwire omwitakali eryameereku amawa, nibo abantu abawura ekigambo kya Kanca, baitu olwa kumaara omwoyo oku bintu bya nsi nʼokwendya obuguuda bibagaana okukola ebisai. 23Obwo obwagwire omwitakali erisai, nibo abantu abawura ekigambo kya Kanca ni bakyeteja, ni bakola ebikolwa ebisai; omu bamwei ni byeyongera emirundi kikumi, omu bandi emirundi nkaaga, nʼomu bandi, emirundi amakumi asatu.”
Olufumo lwa ngaano nʼekisiko
24OYesu nʼabaleetera olufumo olundi, nʼakoba ati, “Obukama obwa mwiguru bwisanisibwa omuntu eyasigire obusigo obusai omu ndumiro yaamwe. 25Baitu obwire buli omwei nabbasirye, omunyanzugu waamwe nʼaiza, nʼasiga ekisiko omu ŋaano, nʼayaba. 26Eŋaano niyakuure nʼetanaka, nʼekisiko kyona ni kiboneka.
27“Abaweereza ba mukama wa ndumiro ni baiza ni bamukoba bati, ‘Sebo, obusigo obusai ti nibwo wasigire omu ndumiro yaamu? Atite ekisiko kyaligire ayi?’
28“Omukama wa ndumiro nʼabairamu ati, ‘Omunyanzugu niye yakoore ekyo.’ Abaweereza ni bamubuulya bati, ‘Twabe tukiiyemu?’
29“Nʼabairamu ati, ‘Bbe, kubba nimwabba mukukiiyamu, mwakwiyiramu eŋaano. 30Muleke byona byona bikuure amwei okwika okwikesa. Omu biro bya ikesa, ndikoba abakesi nti, “Mwekeere mukumbanie ekisiko, mukibbwe ebibba mu kyoce, baitu eŋaano mugikumbaanirye omwibiikiro ryange.” ’ ”
Olufumo lwʼakasigo ka kaladaali
(Mak 4:30-32; Luk 13:18-19)
31OYesu nʼabasubiira olufumo olundi, nʼakoba nti, “Obukama obwa mwiguru bwisanisibwa akasigo ka kaladaali, omuntu keyatwaire nʼasiga omu ndumiro yaamwe. 32Gonze nga niko kasigo akasingira kimwei obudooli omu nsigo zoona, nikamera ni kakula, kabba kakooto okusinga ebimera ebindi byona byona. Ni kafooka omusaale, era ebinyonyi ni byomboka ebinyumba oku mataagi gaagwo.”
Olufumo lwa kitumbisya
(Luk 13:20-21)
33OYesu nʼabasubiira olufumo olundi nʼakoba ati, “Obukama obwa mwiguru bwisanisibwa ekitumbisya, omukali kyetabwire omu bipimo bya busye bisatu, bwona bwona ni buzimba.”
OYesu lwaki yakolesyanga enfumo
(Mak 4:33-34)
34Ebyo byona byona oYesu yabibasubiiranga abantu mu nfumo. Tiyabazanga egibali atakoleserye lufumo. 35Yakolanga atyo omulangi kyeyabazire leke kiikiire ekikoba kiti,
“Ndibaza nabo mu nfumo;
ndyatula ebyabbisirwe
okuliga oku kukuwangibwa kwa nsi.”#Zab 78:2
OYesu akusoboora oku lufumo lwa kisiko
36Awo oYesu nʼaliga omu bantu, nʼaingira omu nyumba. Abeegesebwa baamwe ni baiza waali, ni bamukoba bati, “Tukobere amakulu ga lufumo lwa kisiko ekyameere omu ndumiro ya ngaano.”
37OYesu nʼairamu ati, “Omuntu eyasigire ensigo egisai, niye oMwana wa Muntu. 38Endumiro niyo ensi, obusigo obusai nibo abantu aba mu bukama bwa Kanca. Ekisiko nibo abantu ba Setaani, 39omunyanzugu eyakisigire niye oSetaani nʼeikesa niyo mpero ya nsi. Abakesi, nibo abamalaika.
40“Nkʼekisiko nikikumbaanibwa ni kyocebwa, nimwo kiribba kityo oku mpero ya nsi. 41OMwana wa Muntu alituma abamalaika baamwe, baiye abasiisi omu bukama bwamwe, nʼebibaleetera okusiisa byona byona, 42leke banagwe omu nyaibeyenga wa muuro, omulibba okukunga nʼokulumwa omuno. 43Ale abaikiiri baliseryaserya nkʼeisana omu bukama bwa Ite waabwe. Alina amatwi, awure.”
Olufumo lwa kyabuguuda ekibbise
44OYesu nʼabasubiira olufumo olundi ati, “Obukama obwa mwiguru bwisanisibwa ekyabuguuda ekyabbisirwe omu ndumiro. Omuntu eyakiboine, nʼairamu nʼakibbisa. Olwa kusemeerwa, nʼayaba nʼatunda ebyamwe byona byona byeyaalina, nʼagula endumiro eyo.”
Olufumo lwa ibbaale erya muwendo
45OYesu nʼabasubiira olufumo olundi ati, “Obukama obwa mwiguru era bwisanisibwa omusuubuli, atoolya amabbale aga muwendo. 46Niyaboine eibbaale rimwei erya muwendo omuno, nʼayaba nʼatunda ebyamwe byona byona byeyaalina, nʼaligula.”
Olufumo lwʼakatimba ka ncwi
47OYesu nʼabasubiira olufumo olundi ati, “Obukama obwa mwiguru era bwisanisibwa akatimba ka ncwi akaategeibwe omu nyanja ni kakwata encwi eza buli ngeri. 48Nikaizwire, abategi ni bakakokota ni bakaica oku mutala. Ni baikaara, ni bakomyamu encwi ezisai, ni bazita omu bigega, ezibbi ni bazinagayo. 49Nimwo kiribba kityo oku mpero ya nsi. Abamalaika baliiza basoroore abantu ababbi omu baikiiri, 50leke babanage omu nyaibeyenga wa muuro, omulibba okukunga nʼokulumwa omuno.”
51OYesu nʼababuulya ati, “Ebyo byona byona mubyetejerye?” Ni bamwiramu bati, “Tubyetejerye.” 52Nʼabakoba ati, “Ale ati, buli mwegesya wʼamateeka nafookere omwegesebwa omu bukama obwa mwiguru, aisanisibwa omukama wa nyumba awuluca omwibiikiro ryamwe, ebintu ebiyaaka nʼebikaire.”
Aba Nazaaleesi bakugaana okwikiriza oYesu
(Mak 6:1-6; Luk 4:16-30)
53OYesu niyamaare okwegeserya omu nfumo ezo, nʼaliga omu kifo ekyo, 54nairayo omu kibuga kya waabwe. Nʼayegesya abantu omwikumbaaniro ryabwe. Era abantu ni beewuunya, nibakukoba bati, “Omusaiza oni amagezi gani nʼamaani gaakukolesya ebyamaano yabiiyire ayi? 55Ti niye omutaani wa mubaizi? OMalyamu ti niye ma waamwe? Nʼabaganda baamwe ti nibo oYakobo, oYusufu, oSimooni nʼoYuda? 56Abanyaanya boona boona tibabba naiswe omu Naazaleesi muni? Ati ebyo byona byona yabiiyire ayi?” 57Awo ni bamukwatirwa obwiya ni bagaana okumwikiriza.
Baitu nʼabakoba ati, “Omulangi ateebwamu ekitiinisya woona woona, okutoolaku omu nsi ya waabwe, nʼomu baganda baamwe.”#Yok 4:44 58Olwa butaikiriza bwabwe, eyo tiyakoleireyo byamaano bingi.
Currently Selected:
Matayo 13: RUULI-NYALA
Highlight
Share
Copy
Want to have your highlights saved across all your devices? Sign up or sign in
Matayo 13
13
Olufumo lwa musigi wa busigo
(Mak 4:1-9; Luk 8:4-8)
1Ekiro ekyombe oYesu nʼaliga omu nyumba, nʼayaba oku lukeito lwa nyanja, nʼaikaara. 2Abantu baingi muno ni bakumbaanira waali; ye nikyo yatembeire omu bwato nʼaikaara, abantu ni beemeera oku lukalu. 3Nʼabasubiira ebigambo bingi omu nfumo, nʼakoba nti, “Omusigi yaabire okusiga obusigo. 4Niyaali akusiga, obusigo obumwei ni bugwa oku muwanda, ebinyonyi ni biiza ni bibulya bwona bwona. 5Obundi ni bugwa okwitakali erya ku lwazi, amangu ago ni bumera, kubba eitakali ryali rimpi. 6Eisana, niryayakire ni ribabula obusimbo ni bwoma kubba emizi gyabwo gyali gimpi. 7Obundi ni bugwa omu mawa. Nigaakuure, ni gaita obusimbo. 8Nʼobundi ni bugwa omwitakali erisai, ni bumera ni bukula, ni bwera; obumwei ni bibbaaku ensigo kikumi; obundi nkaaga, nʼobundi amakumi asatu.” 9OYesu nʼaira nʼakoba ati, “Alina amatwi aga kuwura, awure!”
Ekigendeerwa omu nfumo
(Mak 4:10-12; Luk 8:9-10)
10Oluzwannyuma abeegesebwa ni baaba egiri oYesu, ni bamubuulya bati, “Lwaki abantu obaza nabo mu nfumo?”
11Nʼabairamu ati, “Nywe mwaweereibwe okumanya ebyama ebikufa oku bukama obwa mwiguru, baitu bo tibaawairwe. 12Kubba buli alina alyongerwaku leke abbe na bingi muno. Baitu buli atalina, aliiyibwaku nʼakadooli kaali nako. 13Mbaza nabo omu nfumo kubba babonia, baitu tibabona. Bawuliirya baitu tibawura, era tibeeteja. 14Era omulangi oYisaaya kyeyalangire kikwikiira oku bo; ekikoba kiti,
‘Muliwuura baitu timulyeteja.
Mulibona, baitu timulikenga.
15Kubba emitima gyʼabantu bani gibbanire,
amatwi gaabwe bagalibbikiire, nʼamaiso gaabwe bagalibbiriirye.
Nikitaakuli kityo baakuboine nʼamaiso gaabwe,
nʼokuwura nʼamatwi gaabwe,
nʼokweteja nʼemitima gyabwe,
ale ni bayinduka, era ni batambwa.’#Isa 6:9,10
16“Baitu nywe muli ba mukisa, kubba amaiso gaanywe gabona, nʼamatwi gaanywe gawura. 17Kambakobere amananu, abalangi nʼabantu abasai beegombere okubona byemukubona baitu ni batabibona, nʼokuwura byemukuwura, baitu ni batabiwura.
OYesu akusoboora amakulu ga lufumo
(Mak 4:13-20; Luk 8:11-15)
18“Ale ati muwure amakulu ga lufumo lwa musigi. 19Abawura ekigambo ekikufa oku bukama ni batakyeteja, baisanisibwa obusigo obwagwire oku muwanda. Omubbi aiza nʼanyaga ekisigirwe omu mitima gyabwe. 20Obusigo obwagwire okwitakali eriri oku lwazi, nibo bantu abawura ekigambo ni bakiikiriza mangu nʼokusemeerwa, 21baitu tikimamaala mu mitima gyabwe. Baikiriza akaire kadooli, obulemu oba okwasayasanizibwa nikwiza bagwa. 22Obusigo obwagwire omwitakali eryameereku amawa, nibo abantu abawura ekigambo kya Kanca, baitu olwa kumaara omwoyo oku bintu bya nsi nʼokwendya obuguuda bibagaana okukola ebisai. 23Obwo obwagwire omwitakali erisai, nibo abantu abawura ekigambo kya Kanca ni bakyeteja, ni bakola ebikolwa ebisai; omu bamwei ni byeyongera emirundi kikumi, omu bandi emirundi nkaaga, nʼomu bandi, emirundi amakumi asatu.”
Olufumo lwa ngaano nʼekisiko
24OYesu nʼabaleetera olufumo olundi, nʼakoba ati, “Obukama obwa mwiguru bwisanisibwa omuntu eyasigire obusigo obusai omu ndumiro yaamwe. 25Baitu obwire buli omwei nabbasirye, omunyanzugu waamwe nʼaiza, nʼasiga ekisiko omu ŋaano, nʼayaba. 26Eŋaano niyakuure nʼetanaka, nʼekisiko kyona ni kiboneka.
27“Abaweereza ba mukama wa ndumiro ni baiza ni bamukoba bati, ‘Sebo, obusigo obusai ti nibwo wasigire omu ndumiro yaamu? Atite ekisiko kyaligire ayi?’
28“Omukama wa ndumiro nʼabairamu ati, ‘Omunyanzugu niye yakoore ekyo.’ Abaweereza ni bamubuulya bati, ‘Twabe tukiiyemu?’
29“Nʼabairamu ati, ‘Bbe, kubba nimwabba mukukiiyamu, mwakwiyiramu eŋaano. 30Muleke byona byona bikuure amwei okwika okwikesa. Omu biro bya ikesa, ndikoba abakesi nti, “Mwekeere mukumbanie ekisiko, mukibbwe ebibba mu kyoce, baitu eŋaano mugikumbaanirye omwibiikiro ryange.” ’ ”
Olufumo lwʼakasigo ka kaladaali
(Mak 4:30-32; Luk 13:18-19)
31OYesu nʼabasubiira olufumo olundi, nʼakoba nti, “Obukama obwa mwiguru bwisanisibwa akasigo ka kaladaali, omuntu keyatwaire nʼasiga omu ndumiro yaamwe. 32Gonze nga niko kasigo akasingira kimwei obudooli omu nsigo zoona, nikamera ni kakula, kabba kakooto okusinga ebimera ebindi byona byona. Ni kafooka omusaale, era ebinyonyi ni byomboka ebinyumba oku mataagi gaagwo.”
Olufumo lwa kitumbisya
(Luk 13:20-21)
33OYesu nʼabasubiira olufumo olundi nʼakoba ati, “Obukama obwa mwiguru bwisanisibwa ekitumbisya, omukali kyetabwire omu bipimo bya busye bisatu, bwona bwona ni buzimba.”
OYesu lwaki yakolesyanga enfumo
(Mak 4:33-34)
34Ebyo byona byona oYesu yabibasubiiranga abantu mu nfumo. Tiyabazanga egibali atakoleserye lufumo. 35Yakolanga atyo omulangi kyeyabazire leke kiikiire ekikoba kiti,
“Ndibaza nabo mu nfumo;
ndyatula ebyabbisirwe
okuliga oku kukuwangibwa kwa nsi.”#Zab 78:2
OYesu akusoboora oku lufumo lwa kisiko
36Awo oYesu nʼaliga omu bantu, nʼaingira omu nyumba. Abeegesebwa baamwe ni baiza waali, ni bamukoba bati, “Tukobere amakulu ga lufumo lwa kisiko ekyameere omu ndumiro ya ngaano.”
37OYesu nʼairamu ati, “Omuntu eyasigire ensigo egisai, niye oMwana wa Muntu. 38Endumiro niyo ensi, obusigo obusai nibo abantu aba mu bukama bwa Kanca. Ekisiko nibo abantu ba Setaani, 39omunyanzugu eyakisigire niye oSetaani nʼeikesa niyo mpero ya nsi. Abakesi, nibo abamalaika.
40“Nkʼekisiko nikikumbaanibwa ni kyocebwa, nimwo kiribba kityo oku mpero ya nsi. 41OMwana wa Muntu alituma abamalaika baamwe, baiye abasiisi omu bukama bwamwe, nʼebibaleetera okusiisa byona byona, 42leke banagwe omu nyaibeyenga wa muuro, omulibba okukunga nʼokulumwa omuno. 43Ale abaikiiri baliseryaserya nkʼeisana omu bukama bwa Ite waabwe. Alina amatwi, awure.”
Olufumo lwa kyabuguuda ekibbise
44OYesu nʼabasubiira olufumo olundi ati, “Obukama obwa mwiguru bwisanisibwa ekyabuguuda ekyabbisirwe omu ndumiro. Omuntu eyakiboine, nʼairamu nʼakibbisa. Olwa kusemeerwa, nʼayaba nʼatunda ebyamwe byona byona byeyaalina, nʼagula endumiro eyo.”
Olufumo lwa ibbaale erya muwendo
45OYesu nʼabasubiira olufumo olundi ati, “Obukama obwa mwiguru era bwisanisibwa omusuubuli, atoolya amabbale aga muwendo. 46Niyaboine eibbaale rimwei erya muwendo omuno, nʼayaba nʼatunda ebyamwe byona byona byeyaalina, nʼaligula.”
Olufumo lwʼakatimba ka ncwi
47OYesu nʼabasubiira olufumo olundi ati, “Obukama obwa mwiguru era bwisanisibwa akatimba ka ncwi akaategeibwe omu nyanja ni kakwata encwi eza buli ngeri. 48Nikaizwire, abategi ni bakakokota ni bakaica oku mutala. Ni baikaara, ni bakomyamu encwi ezisai, ni bazita omu bigega, ezibbi ni bazinagayo. 49Nimwo kiribba kityo oku mpero ya nsi. Abamalaika baliiza basoroore abantu ababbi omu baikiiri, 50leke babanage omu nyaibeyenga wa muuro, omulibba okukunga nʼokulumwa omuno.”
51OYesu nʼababuulya ati, “Ebyo byona byona mubyetejerye?” Ni bamwiramu bati, “Tubyetejerye.” 52Nʼabakoba ati, “Ale ati, buli mwegesya wʼamateeka nafookere omwegesebwa omu bukama obwa mwiguru, aisanisibwa omukama wa nyumba awuluca omwibiikiro ryamwe, ebintu ebiyaaka nʼebikaire.”
Aba Nazaaleesi bakugaana okwikiriza oYesu
(Mak 6:1-6; Luk 4:16-30)
53OYesu niyamaare okwegeserya omu nfumo ezo, nʼaliga omu kifo ekyo, 54nairayo omu kibuga kya waabwe. Nʼayegesya abantu omwikumbaaniro ryabwe. Era abantu ni beewuunya, nibakukoba bati, “Omusaiza oni amagezi gani nʼamaani gaakukolesya ebyamaano yabiiyire ayi? 55Ti niye omutaani wa mubaizi? OMalyamu ti niye ma waamwe? Nʼabaganda baamwe ti nibo oYakobo, oYusufu, oSimooni nʼoYuda? 56Abanyaanya boona boona tibabba naiswe omu Naazaleesi muni? Ati ebyo byona byona yabiiyire ayi?” 57Awo ni bamukwatirwa obwiya ni bagaana okumwikiriza.
Baitu nʼabakoba ati, “Omulangi ateebwamu ekitiinisya woona woona, okutoolaku omu nsi ya waabwe, nʼomu baganda baamwe.”#Yok 4:44 58Olwa butaikiriza bwabwe, eyo tiyakoleireyo byamaano bingi.
Currently Selected:
:
Highlight
Share
Copy
Want to have your highlights saved across all your devices? Sign up or sign in