Matayo 14
14
OYokaana oMubatiza akwitibwa
(Mak 6:14-29; Luk 9:7-9)
1Omu biro ebyo, omukama oKerode eyaali omufugi wa Galiraaya, nʼawura oYesu byeyaali akukola era nʼokwegesya. 2Nʼakoba abaweereza baamwe ati, “Oni niye oYokaana oMubatiza ayimbookere; nikyo abbeereire nʼobuyinza okukola ebyamaano.”
3OKerode yabazire atyo kubba yaali akwaite oYokaana namubbwere era namutaire omu nkomyo olwa Kerodiya omukali wa mugande oFiripo. 4Kubba oYokaana yakobere oKerode ati, “Tikiikire mu mateeka ga Musa we okubandula omukali wa mugandaawo.”#Lev 18:16; 20:21 5OKerode nʼayendya okwita oYokaana, baitu nʼatiina abantu, kubba baali bakumutwala nkʼomulangi.
6Baitu oku kiro ekya kubyalibwa kwa Kerode, omwara wa Kerodiya nʼabina omu maiso gʼabantu. OKerode nʼasemeerwa, 7nʼamusuubiza nʼekirayiro okumuweerya kyeyakamusaba. 8Nakukoora oku magezi ga nyina, omwala nʼamukoba ati, “Mpeerya ani oku lwowo omutwe gwa Yokaana oMubatiza.” 9Awo omukama nʼawura enaku, baitu olwa kirayiro kyeyakoore nʼabagenyi baamwe nibakuwura, nʼalagira kyeyasabire kimukoorwe. 10Nʼatuma omu nkomyo, oYokaana nʼatemwaku omutwe, 11ni baguleetera oku lwowo, ni baguweerya omwala, nʼomwala nʼagutwara onyina. 12Abeegesebwa ba Yokaana ni baiza ni batwala omulambo gwamwe, ni baguziika. Ni baaba ni bakobera oYesu.
OYesu akuliisya abantu enkumi eitaanu
(Mak 6:30-44; Luk 9:10-17; Yok 6:1-14)
13OYesu niyawuliire ebyaikire oku Yokaana, nʼatemba obwato nʼaliga omu kifo ekyo, nʼayaba omu kifo ekyenagire leke yeesorooreku. Abantu abaingi ni bakyeteja, ni baliga omu bibuga byabwe ni bamusengeerya, nibakwakaara oku mutala. 14OYesu niyaligire mu bwato, nʼabona abantu baingi abakumbaine, nʼabakwatirwa ekisa, nʼatamba abalwaire baabwe.
15Eisana niriri ampi okugwa, abeegesebwa baamwe ni baiza waali, ni bamukoba bati, “Ekifo kini kyenagire, nʼeisana riri ampi okugwa. Abantu balage, baabe beeguure emere omu byalo.”
16OYesu nʼabakoba ati, “Nywe mubaweerye emere balye.”
17Ni bamwiramu bati, “Tulina emigaati etaanu, nʼencwi ibiri byonkai.”
18OYesu nʼakoba ati, “Mubindeetere ani.” 19Nʼalagira abantu okwikaara okwisubi, nʼakwata emigaati etaanu nʼencwi eibiri, nʼaimula amaiso nʼaroleera eiguru, ni yeebalya oKanca. Nʼayendayenda emigaati, nʼagiweerya abeegesebwa, nʼabeegesebwa ni bagigabira abantu. 20Boona boona ni balya ni baikuta. Abeegesebwa ni bakomakoma obutundutundu obwasigairewo, ni baizulya ebiibbo ikumi na bibiri. 21Abaaliire baali abasaiza nkʼenkumi itaanu, otabaliireku bakali nʼabaana.
OYesu akutambuura oku maizi
(Mak 6:45-52; Yok 6:15-21)
22Ebyo nibyakawa, oYesu nʼalagira abeegesebwa baamwe basaabale mu bwato bamwebemberemu, baabe enseeri wa nyanja, nga ye acaalaga abantu. 23Niyamaare okubalaga, nʼatemba oku lusozi yenkai okusaba. Eisana ryagwire nali eyo yenkai. 24Omukaire ako obwato abeegesebwa mwebaali bwali bweyongeireyo muno omu nyanja nibukukubbwa ebinyege, kubba ompungo yaali akubuzwa mu maiso.
25Obwire nibwali buli ampi okuca, oYesu nʼayaba gyebali nakutambuura oku maizi. 26Abeegesebwa baamuboine nakutambuura oku maizi, ni batiina ni bakoba bati, “Ogwo muzumu!” Ni bakokooma olwa kutiina. 27Baitu amangu ago oYesu nʼabakoba nti, “Mugume omyoyo, ninje, mutatiina!” 28Awo oPeetero nʼamwiramu ati, “Mukama wange, niwaabba dala nga niiwe, ndagira njeena nyize egyoli ninkutambuura oku maizi.” 29OYesu nʼamukoba ati, “Iza.” OPeetero nʼaliga omu bwato, nʼatambuura oku maizi nakwaba egiri oYesu. 30Baitu ni yaboine ompungo, nʼatiina. Nʼatandika okumirwa amaizi, nʼakokooma ati, “Mukama wange, njuna!” 31Amangu ago oYesu nʼamusononkeera, nʼamukwata omukono nʼamukoba ati, “Okwikiriza kwamu ka kudooli! Lwaki oguluciryegulucirye?” 32Bakali babiri ni batemba bwato, nʼompungo nʼalekera awo okuwunga. 33Abaali omu bwato ni bawaisya nibakukoba bati, “Ddala oli Mwana wa Kanca!”
OYesu akutamba abalwaire e Genesareeti
(Mak 6:53-56)
34Nibazwire oku nyanja, ni baika omu kitundu ekyetebwa Genesareeti. 35Abantu baayo nibeetejerye oYesu, ni batumisya abalwaire okuzwa omu bitundu byona byona ebyerereirewo. Abantu ni bamuleetera abalwaire baabwe boona boona; 36ni bamwesengeerya aikirize, akirimbe bakwate oku mugo gwa kizwalibwa kyamwe. Era boona boona abaakagukwaiteku ni bawona.
Currently Selected:
Matayo 14: RUULI-NYALA
Highlight
Share
Copy
Want to have your highlights saved across all your devices? Sign up or sign in
Matayo 14
14
OYokaana oMubatiza akwitibwa
(Mak 6:14-29; Luk 9:7-9)
1Omu biro ebyo, omukama oKerode eyaali omufugi wa Galiraaya, nʼawura oYesu byeyaali akukola era nʼokwegesya. 2Nʼakoba abaweereza baamwe ati, “Oni niye oYokaana oMubatiza ayimbookere; nikyo abbeereire nʼobuyinza okukola ebyamaano.”
3OKerode yabazire atyo kubba yaali akwaite oYokaana namubbwere era namutaire omu nkomyo olwa Kerodiya omukali wa mugande oFiripo. 4Kubba oYokaana yakobere oKerode ati, “Tikiikire mu mateeka ga Musa we okubandula omukali wa mugandaawo.”#Lev 18:16; 20:21 5OKerode nʼayendya okwita oYokaana, baitu nʼatiina abantu, kubba baali bakumutwala nkʼomulangi.
6Baitu oku kiro ekya kubyalibwa kwa Kerode, omwara wa Kerodiya nʼabina omu maiso gʼabantu. OKerode nʼasemeerwa, 7nʼamusuubiza nʼekirayiro okumuweerya kyeyakamusaba. 8Nakukoora oku magezi ga nyina, omwala nʼamukoba ati, “Mpeerya ani oku lwowo omutwe gwa Yokaana oMubatiza.” 9Awo omukama nʼawura enaku, baitu olwa kirayiro kyeyakoore nʼabagenyi baamwe nibakuwura, nʼalagira kyeyasabire kimukoorwe. 10Nʼatuma omu nkomyo, oYokaana nʼatemwaku omutwe, 11ni baguleetera oku lwowo, ni baguweerya omwala, nʼomwala nʼagutwara onyina. 12Abeegesebwa ba Yokaana ni baiza ni batwala omulambo gwamwe, ni baguziika. Ni baaba ni bakobera oYesu.
OYesu akuliisya abantu enkumi eitaanu
(Mak 6:30-44; Luk 9:10-17; Yok 6:1-14)
13OYesu niyawuliire ebyaikire oku Yokaana, nʼatemba obwato nʼaliga omu kifo ekyo, nʼayaba omu kifo ekyenagire leke yeesorooreku. Abantu abaingi ni bakyeteja, ni baliga omu bibuga byabwe ni bamusengeerya, nibakwakaara oku mutala. 14OYesu niyaligire mu bwato, nʼabona abantu baingi abakumbaine, nʼabakwatirwa ekisa, nʼatamba abalwaire baabwe.
15Eisana niriri ampi okugwa, abeegesebwa baamwe ni baiza waali, ni bamukoba bati, “Ekifo kini kyenagire, nʼeisana riri ampi okugwa. Abantu balage, baabe beeguure emere omu byalo.”
16OYesu nʼabakoba ati, “Nywe mubaweerye emere balye.”
17Ni bamwiramu bati, “Tulina emigaati etaanu, nʼencwi ibiri byonkai.”
18OYesu nʼakoba ati, “Mubindeetere ani.” 19Nʼalagira abantu okwikaara okwisubi, nʼakwata emigaati etaanu nʼencwi eibiri, nʼaimula amaiso nʼaroleera eiguru, ni yeebalya oKanca. Nʼayendayenda emigaati, nʼagiweerya abeegesebwa, nʼabeegesebwa ni bagigabira abantu. 20Boona boona ni balya ni baikuta. Abeegesebwa ni bakomakoma obutundutundu obwasigairewo, ni baizulya ebiibbo ikumi na bibiri. 21Abaaliire baali abasaiza nkʼenkumi itaanu, otabaliireku bakali nʼabaana.
OYesu akutambuura oku maizi
(Mak 6:45-52; Yok 6:15-21)
22Ebyo nibyakawa, oYesu nʼalagira abeegesebwa baamwe basaabale mu bwato bamwebemberemu, baabe enseeri wa nyanja, nga ye acaalaga abantu. 23Niyamaare okubalaga, nʼatemba oku lusozi yenkai okusaba. Eisana ryagwire nali eyo yenkai. 24Omukaire ako obwato abeegesebwa mwebaali bwali bweyongeireyo muno omu nyanja nibukukubbwa ebinyege, kubba ompungo yaali akubuzwa mu maiso.
25Obwire nibwali buli ampi okuca, oYesu nʼayaba gyebali nakutambuura oku maizi. 26Abeegesebwa baamuboine nakutambuura oku maizi, ni batiina ni bakoba bati, “Ogwo muzumu!” Ni bakokooma olwa kutiina. 27Baitu amangu ago oYesu nʼabakoba nti, “Mugume omyoyo, ninje, mutatiina!” 28Awo oPeetero nʼamwiramu ati, “Mukama wange, niwaabba dala nga niiwe, ndagira njeena nyize egyoli ninkutambuura oku maizi.” 29OYesu nʼamukoba ati, “Iza.” OPeetero nʼaliga omu bwato, nʼatambuura oku maizi nakwaba egiri oYesu. 30Baitu ni yaboine ompungo, nʼatiina. Nʼatandika okumirwa amaizi, nʼakokooma ati, “Mukama wange, njuna!” 31Amangu ago oYesu nʼamusononkeera, nʼamukwata omukono nʼamukoba ati, “Okwikiriza kwamu ka kudooli! Lwaki oguluciryegulucirye?” 32Bakali babiri ni batemba bwato, nʼompungo nʼalekera awo okuwunga. 33Abaali omu bwato ni bawaisya nibakukoba bati, “Ddala oli Mwana wa Kanca!”
OYesu akutamba abalwaire e Genesareeti
(Mak 6:53-56)
34Nibazwire oku nyanja, ni baika omu kitundu ekyetebwa Genesareeti. 35Abantu baayo nibeetejerye oYesu, ni batumisya abalwaire okuzwa omu bitundu byona byona ebyerereirewo. Abantu ni bamuleetera abalwaire baabwe boona boona; 36ni bamwesengeerya aikirize, akirimbe bakwate oku mugo gwa kizwalibwa kyamwe. Era boona boona abaakagukwaiteku ni bawona.
Currently Selected:
:
Highlight
Share
Copy
Want to have your highlights saved across all your devices? Sign up or sign in