Matayo 1

Obubyale bwa Yesu

(Luk 3:23-38)

1Buni nibwo bubyale bwa Yesu Kurisito, omwizukulu wa Dawudi, oDawudi omwizukulu wa Ibbulaimu.

2OIbbulaimu niye yaali ite wa Isaaka, oIsaaka nʼabyala oYakobo, oYakobo nʼabyala oYuda nʼabagande.

3OYuda nʼabyala oPereezi nʼoZeera omu Tamali, oPereezi nʼabyala oKezirooni, oKezirooni nʼabyala oRaamu,

4oRaamu nʼabyala Aminadabbu, Aminadabbu nʼabyala oNasoni, oNasoni nʼabyala oSalumooni;

5oSalumooni nʼabyala oBbowaazi omu Rakabbu. OBbowaazi nʼabyala Obbedi omu Luusi, Obbedi nʼabyala oYese.

6OYese nʼabyala oDawudi omukama, oDawudi nʼabyala oSolomooni omu mukali eyaali owa Wuliya.

7OSolomooni nʼabyala oRekobowaamu, oRekobowaamu nʼabyala Abbiya, Abbiya nʼabyala Asa;

8Asa nʼabyala oYekosofaati, oYekosofaati nʼabyala oYolaamu, oYolaamu nʼabyala oWuziya,

9oWuziya nʼabyala oYosamu, oYosamu nʼabyala Akazi, Akazi nʼabyala oKezeekiya,

10oKezeekiya nʼabyala oManaase, oManaase nʼabyala Amoni, Amoni nʼabyala oYosiya;

11oYosiya nʼabyala oYekoniya nʼabagande, omu biro abantu ba Isirairi mwebaabatwaliire omu bunyage e Bbabbulooni.

12Nibamaare okutwalibwa omu bunyage e Bbabbulooni, oYekoniya nʼabyala oSeyalutyeri, oSeyalutyeri nʼabyala oZerubbabbeeri,

13oZerubbabbeeri nʼabyala Abiwuudi, Abiwuudi nʼabyala Eriyakimu, Eriyakimu nʼabyala Azori,

14Azori nʼabyala oZadoki, oZadoki nʼabyala Akimu, Akimu nʼabyala Eriwuudi,

15Eriwuudi nʼabyala Eriyazaali, oEriyazaali nʼabyala oMatani, oMatani nʼabyala oYakobo,

16oYakobo nʼabyala oYusufu oiba wa Malyamu, oMalyamu eyabyaire oYesu ayetebwa oKurisito.#1:16 Kini kitiinisya kya Yesu ekimanyisya nti, “Eyasukiibweku amafuta.”

17Ebyo bikumanyisa nti emirembe gyona, okuzwa okwIbbulaimu okwika oku Dawudi, giri ikumi nʼenai; okuzwa oku Dawudi okwika oku kutwalibwa omu bunyage e Bbabbulooni, ikumi nʼenai; era okuzwa oku kutwalibwa omu bunyage e Bbabbulooni okwika oku Kurisito, ikumi nʼenai.

Okubyalibwa kwa Yesu Kurisito

(Luk 2:1-7)

18Okubyalibwa kwa Yesu Kurisito kwali kuti: oMalyamu onyina niyaali nakwogerezebwa oYusufu, ni batakasumbiirwengaine, nʼaboneka nali nda oku bwa Mwoyo Akwera. 19Awo oYusufu oiba waamwe,#1:19 Oiba waamwe Omu ngeso yʼaBayudaaya oYusufu yaali akubalibwa okubba oiba wa Malyamu. kubba yaali muntu mwikiiri nʼatayendya kumuwemula, nʼalowooza okumulekayo mwibbise. 20Yaali acaalowooza ebyo, omalaika wa Mukama nʼamubonekera omu kirooto, nʼamukoba ati, “Yusufu, omwizukulu wa Dawudi, leka kutiina kubandula Malyamu, kubba enda gyalina agitoire oku bwa maani ga Mwoyo Akwera. 21Alibyala omwana wa bwojo, nʼomwalika eibara Yesu;#Isa 7:14 kubba niye alijuna abantu baamwe omu bibbi byabwe.” 22Ebyo byona byabbairewo, okwikiirya oMukama kyeyakobere omu balangi nti: 23“Omwala onteeka alitoola enda, nʼabyala omwana wa bwojo eibara ryamwe, alyetebwa Emanweri” erimanyisya nti, “OKanca ali naiswe”.

24OYusufu niyasusumukire, nʼakola nkʼomalaika wa Mukama niyamulagiire: nʼabandula oMalyamu. 25Baitu tiyamumaite okwica niyamaare okubyala era oYusufu nʼayalika omwana oyo eibara Yesu.

Currently Selected:

Matayo 1: RUULI-NYALA

Highlight

Copy