Mariko 3
3
Omusacha Womukhono Kwafwokoya
(Mat. 12.9-14; Lk. 6.6-11)
1Nundi kengira musinagogi, omusacha kalimo owomukhono kwafwokoya. 2Ne vamulengera vawone nali khumuwonia olutalo lwesabato kho vamusitake. 3Naye kawolera omusacha womukhono kwafwokoya, “yicha ano.” 4Ne kacheva avanju, “Yiri ng'ali omunju okhukhola amalayi olutalo lwesabato namwe okhwonona, okhuwonia owulamu namwe okhwicha?” Navo vawulera wusa. 5Kava nechima olu kavalengera, kaverera sikira yowomu wemioyo kiawe, kawolera omusacha wafwokoya omukhono, “Kololosa omukhono.” Kakukololosa ne omukhono kukwe kwacherera. 6Avafarisayo vachulamo awene nawene, vakhung'ana vakerakiranira nende avesikhaso sia Herode vakhova nga vali khumumala.
Esituma Siavanju Aanyanja
7Yesu kachulao navalondi vave kachia aanyanja, ne esituma esikali siamulondakho okhuchula Galilaya, avandi vosi vachula Ewuyuda 8nende Yerusalemu, Idumea, engerekha ya Yordani, Tiro nende Sidoni esituma esikhongo, nivawuliyenge kosi akakholire vamwichakho. 9Yesu kawolera avalondi vave okhuchekekha eliacho esikira yesituma, sichacha siamumina. 10Kali awonisie avangi okhwola avamalwaye vosi vali valwanakana okhumutirakho. 11Ne oluvisieno viamuwonangakho wusa, viakwanga aasi emberi wuwe nokhulira, “Niwe Omwana wa Nyasaye.” 12Naye kavikania okhumukhola amanyikhane.
Yesu Achoola Avachumwa Ekhumi na Vaviri
(Mat. 10.1-4; Lk. 6.12-16)
13Yesu kanina khusikulu, kalanga avo vakali ni kenyire, vacha khuniye. 14Kachoola ekhumi navaviri, okhuva naye, nokhuvachuma okhwirwacha 15nokhuvawa owunyali owokhuchusa evisieno. 16Simoni (oyu kakulikha Petero, 17Yakopo omwana wa Sebedayo, nende Yohana omusoliri wawe, ava kaweresa elicha Boanerge, njokhuwola mbo avana volueni), 18Anderea, ni Filipo, ni Bartholomayo, ni Matayo, ni Tomasi, ni Yakopo omusoliri wa Alfayo, Tadayo, ni Simoni Omukanaani, 19nende Yudasi Iskarioti owamuchama. Keera kawao.
Yesu nende Beelsebuli
(Mat. 12.22-32; Lk. 11.14-23; 12.10)
20Esituma siakhung'ana alala nundi, ata vakhaywa nga valia. 21Nolu avoluyia lulwe vawulira vachula vachia okhumutira, sikira avanju vali vawola mbo alalukhire. 22Navo avekesi vamalako avachula Yerusalemu vawola, “Ono ali nende Beelsebuli, omukhongo wevisieno oyu achumikhira okhuchusa evisieno.” 23Naye kavalanga vache ne kavawolera mungaato, “Kakhava kachie Setani atimanie Setani? 24Niva owami wukawukhanamo, owami owo siwunyala wema tawe. 25Niva enju yawukhana eyene khuyene, enju eyo siyinyala yema tawe. 26Setani nikelwania ndi ava akawukhanire ne sianyala kema tawe, nausa ava anasikhanga. 27Ne awumao onyala kengira munju yowamaani kakinga evivie, nasiri okhuchangirira okhuwowa owamaani oyo, kho awukule eviri munju yiye.
28“Mung'ali, khavawolere, owoni wosi wuli lekherwa avanju nevienyaenye viosi vivalomaloma. 29Noyo okholera Roho Muchwenufu esienyaenye awuma owulekheri, nausa ali nowoni wa wuli lwosi owuwuma owulekheri”, 30sikira vali vawoye “Ali nende roho mumayanu”.
Mayi nende Avawandaye va Yesu
(Mat. 12.46-50; Lk. 8.19-21)
31Mayi nende avawandaye va Yesu vacha vema erwanyi vachumania vamulanga. 32Ne esituma siali sikhaye ni simuwotokhanire, vamuwolera, “Mayi nende avawandayo vali erwanyi vanakhuchevanga.” 33Naye kavachipa, “Mayi wange nende wandaye vange njavanu?” 34Naye kalengera khwavo avali nivekhaye nivamuwotokhanire kawola, “Vano nje mayi, nende avana vefwe! 35Oyo okhola elienya lia Nyasaye njomusoliri, omukhana, wandaye ni mayi vange.”
Currently Selected:
Mariko 3: LNTPP
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024
Mariko 3
3
Omusacha Womukhono Kwafwokoya
(Mat. 12.9-14; Lk. 6.6-11)
1Nundi kengira musinagogi, omusacha kalimo owomukhono kwafwokoya. 2Ne vamulengera vawone nali khumuwonia olutalo lwesabato kho vamusitake. 3Naye kawolera omusacha womukhono kwafwokoya, “yicha ano.” 4Ne kacheva avanju, “Yiri ng'ali omunju okhukhola amalayi olutalo lwesabato namwe okhwonona, okhuwonia owulamu namwe okhwicha?” Navo vawulera wusa. 5Kava nechima olu kavalengera, kaverera sikira yowomu wemioyo kiawe, kawolera omusacha wafwokoya omukhono, “Kololosa omukhono.” Kakukololosa ne omukhono kukwe kwacherera. 6Avafarisayo vachulamo awene nawene, vakhung'ana vakerakiranira nende avesikhaso sia Herode vakhova nga vali khumumala.
Esituma Siavanju Aanyanja
7Yesu kachulao navalondi vave kachia aanyanja, ne esituma esikali siamulondakho okhuchula Galilaya, avandi vosi vachula Ewuyuda 8nende Yerusalemu, Idumea, engerekha ya Yordani, Tiro nende Sidoni esituma esikhongo, nivawuliyenge kosi akakholire vamwichakho. 9Yesu kawolera avalondi vave okhuchekekha eliacho esikira yesituma, sichacha siamumina. 10Kali awonisie avangi okhwola avamalwaye vosi vali valwanakana okhumutirakho. 11Ne oluvisieno viamuwonangakho wusa, viakwanga aasi emberi wuwe nokhulira, “Niwe Omwana wa Nyasaye.” 12Naye kavikania okhumukhola amanyikhane.
Yesu Achoola Avachumwa Ekhumi na Vaviri
(Mat. 10.1-4; Lk. 6.12-16)
13Yesu kanina khusikulu, kalanga avo vakali ni kenyire, vacha khuniye. 14Kachoola ekhumi navaviri, okhuva naye, nokhuvachuma okhwirwacha 15nokhuvawa owunyali owokhuchusa evisieno. 16Simoni (oyu kakulikha Petero, 17Yakopo omwana wa Sebedayo, nende Yohana omusoliri wawe, ava kaweresa elicha Boanerge, njokhuwola mbo avana volueni), 18Anderea, ni Filipo, ni Bartholomayo, ni Matayo, ni Tomasi, ni Yakopo omusoliri wa Alfayo, Tadayo, ni Simoni Omukanaani, 19nende Yudasi Iskarioti owamuchama. Keera kawao.
Yesu nende Beelsebuli
(Mat. 12.22-32; Lk. 11.14-23; 12.10)
20Esituma siakhung'ana alala nundi, ata vakhaywa nga valia. 21Nolu avoluyia lulwe vawulira vachula vachia okhumutira, sikira avanju vali vawola mbo alalukhire. 22Navo avekesi vamalako avachula Yerusalemu vawola, “Ono ali nende Beelsebuli, omukhongo wevisieno oyu achumikhira okhuchusa evisieno.” 23Naye kavalanga vache ne kavawolera mungaato, “Kakhava kachie Setani atimanie Setani? 24Niva owami wukawukhanamo, owami owo siwunyala wema tawe. 25Niva enju yawukhana eyene khuyene, enju eyo siyinyala yema tawe. 26Setani nikelwania ndi ava akawukhanire ne sianyala kema tawe, nausa ava anasikhanga. 27Ne awumao onyala kengira munju yowamaani kakinga evivie, nasiri okhuchangirira okhuwowa owamaani oyo, kho awukule eviri munju yiye.
28“Mung'ali, khavawolere, owoni wosi wuli lekherwa avanju nevienyaenye viosi vivalomaloma. 29Noyo okholera Roho Muchwenufu esienyaenye awuma owulekheri, nausa ali nowoni wa wuli lwosi owuwuma owulekheri”, 30sikira vali vawoye “Ali nende roho mumayanu”.
Mayi nende Avawandaye va Yesu
(Mat. 12.46-50; Lk. 8.19-21)
31Mayi nende avawandaye va Yesu vacha vema erwanyi vachumania vamulanga. 32Ne esituma siali sikhaye ni simuwotokhanire, vamuwolera, “Mayi nende avawandayo vali erwanyi vanakhuchevanga.” 33Naye kavachipa, “Mayi wange nende wandaye vange njavanu?” 34Naye kalengera khwavo avali nivekhaye nivamuwotokhanire kawola, “Vano nje mayi, nende avana vefwe! 35Oyo okhola elienya lia Nyasaye njomusoliri, omukhana, wandaye ni mayi vange.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024