Mariko 2
2
Yesu Awonia Owafwokoya
(Mat. 9.1-8; Lk. 5.17-26)
1Olu kakoola Kafarnaumu endalo ni chiakhavichakho, kawolekha mbo ali engo. 2Avangi olu vali nivakhung'anire alala, vakhaywa aavema, ata mumuliango, kali averwachira ekhuwa. 3Ne vacha, nivalecha owafwokoya nakingirwe nende avasacha vane. 4Oluvakhaywa okhwola aambi naye esikira yesituma siavanju, vasakuula esisuli. Embaka olu yali yakhola, veserao omukeka oku owafwokoya kali nakonirekho. 5Olu Yesu kawona esuvira liawe, kawolera owafwokoya, “Mwana wange, olekheywe embi chichio.” 6Khanu valala khuvekesi vamalako valiwo nivekhaye, vecheva mumioyo kiawe, 7“Sikira sina omusacha ono nalomaloma achi? Esienyaenye! Njanu onyala okhulekhera embi nachali Nyasaye yeng'ene?” 8Ne awene nawene Yesu kamanyirisa mumwoyo mbo vecheva avene, kavawolera, “Mwecheva sikira sina mumioyo kienywe? 9Sina esiangu, okhuwolera owafwokoya, ‘Embi chichio olekheywe,’ namwe omuwolere, ‘Yinyokha, wukula omukeka kukwo okende?’ 10Kho mumanye mbo Omwana womunju ali nowunyali khusialo okhulekhera embi”, kawolera owafwokoya. 11“Ekhuwolera, yinyokha, wukula omukeka kukwo oweo.” 12Omunju oyo kenyokha awene nawene, kawukula omukeka kukwe kachula emberi wawe vosi. Vosivosi vawuka, vafumia Nyasaye, nivawola, “Khusiri okhuwonakho esinju sichi tawe!”
Yesu Alanga Lawi
(Mat. 9.9-13; Lk. 5.27-32)
13Yesu kachula nundi kachia khunyanja; ne esituma siosi siakhung'ana aakali, ne kavekesa. 14Olu kali nachianakana, kawona Lawi omusoliri wa Alfayo nikekhaye aachoseranga owusuru, kamuwolera, “Nondekho.” Kenyokha kamulondakho.
15Olu kali nikekhaye aamesa munju ya Lawi, avachoosi vowusuru avangi navoni vali vekhaye ni Yesu nende avalondi vave, sikira valio avangi avali nivamulondirekho. 16Avekesi vamalako nende Avafarisayo olu vawona nanalianga nende avoni nende avachoosi vowusuru, vacheva avalondi vave, “Esikira sina nalia nende avachoosi vowusuru navoni?” 17Olu Yesu kawulira, kavawolera, “Avo avalamu sivali nelienya liomusirikhi ta, nausa avalwala. Sinacha, okhulanga avalungi ta nausa avoni.”
Echeva khu Eonga
(Mat. 9.14-17; Lk. 5.33-39)
18Evise evio avalondi va Yohana nende Avafarisayo vali veyima esiokhulia khulwa amasayo. Avanju vamwichakho vamucheva, “Sikira sina avalondi va Yohana nende Avafarisayo veyima esiokhulia, navalondi vavo sivakholangakho vachio ta?”
19Yesu kavachipa, “Avakeni vesiserero vanyala okhweyima esiokhulia omusoliri wesiserero nasiri ninavo? Nivasiri nende omusoliri wesiserero, sivanyala okhuonga enjala tawe. 20Enyinga chicha olumusoliri wesiserero aliwukulwa okhuchula khunivo, ndwolu vachia okhweyima esiokhulia. 21Awumao osoneranga esiraka sienguo yisiri okhwekhuna khunguo ekhale; nakhola achio esiraka siekhunanga, esiyakha okhuchula khusikhale ne siosukha owuvi muno. 22Nundi awumao ochukhanga edivai embiakha muvisero vikhale, nakhola achio, edivai yichundula evisero, yetikha, mana evisero viononokha, nausa edivai embiakha yevisero viyakha.”
Echeva khu Sabato
(Mat. 12.1-8; Lk. 6.1-5)
23Esabato ndala Yesu kali avicha mumukunda kwengano, nolu vali nivavicha avalondi vave vanja okhunoka evichwe viengano. 24Ne Avafarisayo vamuwolera, “Lengera, mbo sina nivakhola esinju sichali awene okhukhola endalo ya Esabato?” 25Ne naye kavachipa, “Simwasomakho aka Daudi kakhola olu kali nenjala, niye nende ava kali navo ta. 26Olu kengira munju ya Nyasaye, olu Abiatha kali omukuhani mukhongo, kalia emikati kiokhuwali eki avakuhani vong'ene venyekha valie, nundi kaweresa ava kali navo valia?” 27Ne kavawolera, “Esabato yalomberwa omunju, simunju owalomberwa esabato ta. 28Kho Omwana womunju mwami ata owa Esabato.”
Currently Selected:
Mariko 2: LNTPP
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024
Mariko 2
2
Yesu Awonia Owafwokoya
(Mat. 9.1-8; Lk. 5.17-26)
1Olu kakoola Kafarnaumu endalo ni chiakhavichakho, kawolekha mbo ali engo. 2Avangi olu vali nivakhung'anire alala, vakhaywa aavema, ata mumuliango, kali averwachira ekhuwa. 3Ne vacha, nivalecha owafwokoya nakingirwe nende avasacha vane. 4Oluvakhaywa okhwola aambi naye esikira yesituma siavanju, vasakuula esisuli. Embaka olu yali yakhola, veserao omukeka oku owafwokoya kali nakonirekho. 5Olu Yesu kawona esuvira liawe, kawolera owafwokoya, “Mwana wange, olekheywe embi chichio.” 6Khanu valala khuvekesi vamalako valiwo nivekhaye, vecheva mumioyo kiawe, 7“Sikira sina omusacha ono nalomaloma achi? Esienyaenye! Njanu onyala okhulekhera embi nachali Nyasaye yeng'ene?” 8Ne awene nawene Yesu kamanyirisa mumwoyo mbo vecheva avene, kavawolera, “Mwecheva sikira sina mumioyo kienywe? 9Sina esiangu, okhuwolera owafwokoya, ‘Embi chichio olekheywe,’ namwe omuwolere, ‘Yinyokha, wukula omukeka kukwo okende?’ 10Kho mumanye mbo Omwana womunju ali nowunyali khusialo okhulekhera embi”, kawolera owafwokoya. 11“Ekhuwolera, yinyokha, wukula omukeka kukwo oweo.” 12Omunju oyo kenyokha awene nawene, kawukula omukeka kukwe kachula emberi wawe vosi. Vosivosi vawuka, vafumia Nyasaye, nivawola, “Khusiri okhuwonakho esinju sichi tawe!”
Yesu Alanga Lawi
(Mat. 9.9-13; Lk. 5.27-32)
13Yesu kachula nundi kachia khunyanja; ne esituma siosi siakhung'ana aakali, ne kavekesa. 14Olu kali nachianakana, kawona Lawi omusoliri wa Alfayo nikekhaye aachoseranga owusuru, kamuwolera, “Nondekho.” Kenyokha kamulondakho.
15Olu kali nikekhaye aamesa munju ya Lawi, avachoosi vowusuru avangi navoni vali vekhaye ni Yesu nende avalondi vave, sikira valio avangi avali nivamulondirekho. 16Avekesi vamalako nende Avafarisayo olu vawona nanalianga nende avoni nende avachoosi vowusuru, vacheva avalondi vave, “Esikira sina nalia nende avachoosi vowusuru navoni?” 17Olu Yesu kawulira, kavawolera, “Avo avalamu sivali nelienya liomusirikhi ta, nausa avalwala. Sinacha, okhulanga avalungi ta nausa avoni.”
Echeva khu Eonga
(Mat. 9.14-17; Lk. 5.33-39)
18Evise evio avalondi va Yohana nende Avafarisayo vali veyima esiokhulia khulwa amasayo. Avanju vamwichakho vamucheva, “Sikira sina avalondi va Yohana nende Avafarisayo veyima esiokhulia, navalondi vavo sivakholangakho vachio ta?”
19Yesu kavachipa, “Avakeni vesiserero vanyala okhweyima esiokhulia omusoliri wesiserero nasiri ninavo? Nivasiri nende omusoliri wesiserero, sivanyala okhuonga enjala tawe. 20Enyinga chicha olumusoliri wesiserero aliwukulwa okhuchula khunivo, ndwolu vachia okhweyima esiokhulia. 21Awumao osoneranga esiraka sienguo yisiri okhwekhuna khunguo ekhale; nakhola achio esiraka siekhunanga, esiyakha okhuchula khusikhale ne siosukha owuvi muno. 22Nundi awumao ochukhanga edivai embiakha muvisero vikhale, nakhola achio, edivai yichundula evisero, yetikha, mana evisero viononokha, nausa edivai embiakha yevisero viyakha.”
Echeva khu Sabato
(Mat. 12.1-8; Lk. 6.1-5)
23Esabato ndala Yesu kali avicha mumukunda kwengano, nolu vali nivavicha avalondi vave vanja okhunoka evichwe viengano. 24Ne Avafarisayo vamuwolera, “Lengera, mbo sina nivakhola esinju sichali awene okhukhola endalo ya Esabato?” 25Ne naye kavachipa, “Simwasomakho aka Daudi kakhola olu kali nenjala, niye nende ava kali navo ta. 26Olu kengira munju ya Nyasaye, olu Abiatha kali omukuhani mukhongo, kalia emikati kiokhuwali eki avakuhani vong'ene venyekha valie, nundi kaweresa ava kali navo valia?” 27Ne kavawolera, “Esabato yalomberwa omunju, simunju owalomberwa esabato ta. 28Kho Omwana womunju mwami ata owa Esabato.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024