Mariko 4
4
Olukaato Lwomuchaki
(Mat. 13.1-9; Lk. 8.4-8)
1Nundi kachanikha amekeso khunyanja. Esituma siavanju siamuwotokhana, ne kengira kekhala muliacho khunyanja, nesituma siosi siali khulukuku. 2Kavekesa evinju evingi mungaato, mumekeso kake kavawolera, 3“Chekerese! Omuchaki kachia Okhuchaka. 4Nolu kaanya, emwo ndala chiakwa khungira, enyuni chiachiwocha. 5Emwo chindi chiakwa mumakina aa sichiali nelova liolanire ta, nawene chiamera, sikira sichiayira emisi mwilova owulayi ta, 6olu omuvasu kwali omululu, chianiala. 7Emwo chindi chiakwa mumawa namawa kakhula kachimina chiakhaywa okhwama 8Nemwo chindi chiakwa mwilova elayi chiachusa emere, chiakhula, chiametekha chiama amakhavi amakhumi katachu, echindi amakhavi amakhumi sita, nende amakhavi emia.” 9Ne kavawolera, “Oyo oli namachwi kokhuwulira, lekha awulire.”
Esifune sia Engaato
(Mat. 13.10-17; Lk. 8.9-10)
10Olu kali nali yeng'ene, avo avali aambi naye alala navo ekhumi navaviri vamucheva okhulondekhana nende engaato. 11Ne kavawolera, “Enywe mwaweresiwa esiekisa esiowami wa Nyasaye, navo avali erwanyi wulisinju siri mungaato. 12Kho,
‘Vave nivalengera nausa vachawona ta
Vave nivawulira nausa vachamanyirisa,
vachacha vamukoolera nundi ne Nyasaye,
Kavalekhera.’ ”
Yesu Avalayia Olukaato Lwomuchaki
(Mat. 13.18-23; Lk. 8.11-15)
13Yesu kavawolera, “Simumanyire olukaato luno tawe? Khanu munamanye muchie engaato chiosi? 14Omuchaki achaka ekhuwa. 15Avanju valala vali ngemwo yakwa khungira, aekhuwa lianwa, valiwulira, ne Setani awene nawene kacha achusa ekhuwa liva lichakirwe. 16Navandi vali ngechiakwa mumakina, nivo, vawulira ekhuwa, awene nawene valisangalira. 17Khulwokhuva vawuma emisi kiawe avene, ekia okhwetiririsa. Olu owutinyu wicha namatemo akalondekhana nekhuwa chana, vali lwangu okhufwa omwoyo. 18Avandi vali ngeyo eyikwa mumawa, avo njavawulira ekhuwa, 19namatinyu kesialo, nomwikhoyo kwemiandu, neliekomba lievinju vindi, oluvingira, vimina ekhuwa ne likhaywa okhwama. 20Nausa eyo eyaanywa mwilova elayi njavawulira ekhuwa valifukirira vachusa eviamo amakhavi amakhumi katachu, nende amakhavi amakhumi sita, namakhavi emia.”
Etaa Yafunikhwa
(Lk. 8.16-18)
21Ne kavawolera, “Etaa yilechwanga yifunikhirwa musimwero, namwe vache aasi wesitanda, namwe vachanga khusichivi? 22Sikira siwumao esiekisa, esichakhaonekhane, namwe sirikhoo esiekisa, esichalimanyikhana! 23Omunju yesiyesi oli namachwi awulire.”
24Yesu kavawolera, “Chekerese wulayi akamuwulira, esikero esuana, njesikero esunyola, nevingi olikhumetwa. 25Esikira oyo oli navio achia khumetwa, naye owuma, atesio esiali nasio achia okhunulwa.”
Olukaato Lwemwo Yimera
26Yesu kawola, “Owami wa Nyasaye wuli ngomunju anyala okhuanya emwo khulova, 27nachie akone nundi kenyokhe esiro nesiteche, nemwo yimere nundi yikhule, siamanyire esichiririra ta. 28Elova lieana khuliene, khulwamberi olunyasi, esilondakho esiamo, esilondakho silave. 29Nisiakhalava, kechulirisa nengeso sikira ekesa liolire.”
Olukaato lwa Emwo Enditi
(Mat. 13.31-32,34; Lk. 13.18-19)
30Yesu kawola, “Khunyala khwakerania Owami wa Nyasaye khusina, namwe lukaato sina olukhunyala khwekhonyera? 31Yiri ngolumwo lwa eharadali, ni luchakirwe mwilova, njolutiti mwimwo chiosi khusialo, 32Ne niluchakirwe lukhula luva esimera esikali, nesichusa amasaka amakali, ata enyuni chinyala okhwombakha eviswi musisiko wasio.”
33Nende engaato enyingi chichio kavaweresa ekhuwa, nga vali nivanyala okhuliwulira, 34sikavalomalomakho nawuma olukaato ta, nausa nali yeng'ene navalondi vave kavafunukhulira wulisinju.
Yesu Awuleresia Oluucho
(Mat. 8.23-27; Lk. 8.22-25)
35Endalo eyo, engolove niyakhola, kavawolera, “Lekha khwambukhe engerekha eyo.” 36Ne nivakhalekha esituma, vamuwukula vengira naye muliacho, nali wusa nga kali. Amacho kandi kali ninavo. 37Noluwuucho olukhongo lwanja, amase kakhupa eliacho, okhwola nga lianja okhwichula amachi. 38Yesu kali akonire enyuma weliacho khumuto, ne vamwinyosa nivamuwolera, “Omwekesi, suenderakho mbo khusikha tawe?” 39Ne kenyokha kafuchira oluwuucho nundi kawolera enyanja, “Wulera! Yewunjesa!” Ne oluwuucho lwawulera, ne enyanja yewunjesa. 40Ne kavawolera, “Muriye sina, muwuma esuvira?” 41Vava nowuchi, ne vawolerana, “Khanu ono njanu mbo, ata oluwuucho nenyanja vimuwulira?”
Currently Selected:
Mariko 4: LNTPP
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024
Mariko 4
4
Olukaato Lwomuchaki
(Mat. 13.1-9; Lk. 8.4-8)
1Nundi kachanikha amekeso khunyanja. Esituma siavanju siamuwotokhana, ne kengira kekhala muliacho khunyanja, nesituma siosi siali khulukuku. 2Kavekesa evinju evingi mungaato, mumekeso kake kavawolera, 3“Chekerese! Omuchaki kachia Okhuchaka. 4Nolu kaanya, emwo ndala chiakwa khungira, enyuni chiachiwocha. 5Emwo chindi chiakwa mumakina aa sichiali nelova liolanire ta, nawene chiamera, sikira sichiayira emisi mwilova owulayi ta, 6olu omuvasu kwali omululu, chianiala. 7Emwo chindi chiakwa mumawa namawa kakhula kachimina chiakhaywa okhwama 8Nemwo chindi chiakwa mwilova elayi chiachusa emere, chiakhula, chiametekha chiama amakhavi amakhumi katachu, echindi amakhavi amakhumi sita, nende amakhavi emia.” 9Ne kavawolera, “Oyo oli namachwi kokhuwulira, lekha awulire.”
Esifune sia Engaato
(Mat. 13.10-17; Lk. 8.9-10)
10Olu kali nali yeng'ene, avo avali aambi naye alala navo ekhumi navaviri vamucheva okhulondekhana nende engaato. 11Ne kavawolera, “Enywe mwaweresiwa esiekisa esiowami wa Nyasaye, navo avali erwanyi wulisinju siri mungaato. 12Kho,
‘Vave nivalengera nausa vachawona ta
Vave nivawulira nausa vachamanyirisa,
vachacha vamukoolera nundi ne Nyasaye,
Kavalekhera.’ ”
Yesu Avalayia Olukaato Lwomuchaki
(Mat. 13.18-23; Lk. 8.11-15)
13Yesu kavawolera, “Simumanyire olukaato luno tawe? Khanu munamanye muchie engaato chiosi? 14Omuchaki achaka ekhuwa. 15Avanju valala vali ngemwo yakwa khungira, aekhuwa lianwa, valiwulira, ne Setani awene nawene kacha achusa ekhuwa liva lichakirwe. 16Navandi vali ngechiakwa mumakina, nivo, vawulira ekhuwa, awene nawene valisangalira. 17Khulwokhuva vawuma emisi kiawe avene, ekia okhwetiririsa. Olu owutinyu wicha namatemo akalondekhana nekhuwa chana, vali lwangu okhufwa omwoyo. 18Avandi vali ngeyo eyikwa mumawa, avo njavawulira ekhuwa, 19namatinyu kesialo, nomwikhoyo kwemiandu, neliekomba lievinju vindi, oluvingira, vimina ekhuwa ne likhaywa okhwama. 20Nausa eyo eyaanywa mwilova elayi njavawulira ekhuwa valifukirira vachusa eviamo amakhavi amakhumi katachu, nende amakhavi amakhumi sita, namakhavi emia.”
Etaa Yafunikhwa
(Lk. 8.16-18)
21Ne kavawolera, “Etaa yilechwanga yifunikhirwa musimwero, namwe vache aasi wesitanda, namwe vachanga khusichivi? 22Sikira siwumao esiekisa, esichakhaonekhane, namwe sirikhoo esiekisa, esichalimanyikhana! 23Omunju yesiyesi oli namachwi awulire.”
24Yesu kavawolera, “Chekerese wulayi akamuwulira, esikero esuana, njesikero esunyola, nevingi olikhumetwa. 25Esikira oyo oli navio achia khumetwa, naye owuma, atesio esiali nasio achia okhunulwa.”
Olukaato Lwemwo Yimera
26Yesu kawola, “Owami wa Nyasaye wuli ngomunju anyala okhuanya emwo khulova, 27nachie akone nundi kenyokhe esiro nesiteche, nemwo yimere nundi yikhule, siamanyire esichiririra ta. 28Elova lieana khuliene, khulwamberi olunyasi, esilondakho esiamo, esilondakho silave. 29Nisiakhalava, kechulirisa nengeso sikira ekesa liolire.”
Olukaato lwa Emwo Enditi
(Mat. 13.31-32,34; Lk. 13.18-19)
30Yesu kawola, “Khunyala khwakerania Owami wa Nyasaye khusina, namwe lukaato sina olukhunyala khwekhonyera? 31Yiri ngolumwo lwa eharadali, ni luchakirwe mwilova, njolutiti mwimwo chiosi khusialo, 32Ne niluchakirwe lukhula luva esimera esikali, nesichusa amasaka amakali, ata enyuni chinyala okhwombakha eviswi musisiko wasio.”
33Nende engaato enyingi chichio kavaweresa ekhuwa, nga vali nivanyala okhuliwulira, 34sikavalomalomakho nawuma olukaato ta, nausa nali yeng'ene navalondi vave kavafunukhulira wulisinju.
Yesu Awuleresia Oluucho
(Mat. 8.23-27; Lk. 8.22-25)
35Endalo eyo, engolove niyakhola, kavawolera, “Lekha khwambukhe engerekha eyo.” 36Ne nivakhalekha esituma, vamuwukula vengira naye muliacho, nali wusa nga kali. Amacho kandi kali ninavo. 37Noluwuucho olukhongo lwanja, amase kakhupa eliacho, okhwola nga lianja okhwichula amachi. 38Yesu kali akonire enyuma weliacho khumuto, ne vamwinyosa nivamuwolera, “Omwekesi, suenderakho mbo khusikha tawe?” 39Ne kenyokha kafuchira oluwuucho nundi kawolera enyanja, “Wulera! Yewunjesa!” Ne oluwuucho lwawulera, ne enyanja yewunjesa. 40Ne kavawolera, “Muriye sina, muwuma esuvira?” 41Vava nowuchi, ne vawolerana, “Khanu ono njanu mbo, ata oluwuucho nenyanja vimuwulira?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024