Mariko 1
1
Okhwirwacha khwa Yohana Omuvatisi
(Mat. 3.1-12; Lk. 3.1-18; Yoh. 1.19-28)
1Okhwanja khwa Injili ya Yesu Kristo, Omwana wa Nyasaye. 2Nga yaandikwa mu Isaya omunabii,
“Wona, enjuma omuchumwa wange emberi wuwo
olikhukhucheresera engira,
3omwoyo kwa mulala olangirisa musichimi:
Cherese engira ya Omwami,
lombe engira chichie chikololokhe”
4Yohana omuvatisi kawonekhana musichimi, nikerwacha owuvatiso wokhwekanira nende okhulekherwa owoni. 5Avesialo sia Yudea nende avanju va Yerusalemu vosi vamuchiakho, ne vavatiswa mumwalo kwa Yordani, nivekanira owoni wawe. 6Yohana kali afwaye enguo yowoya wengamia, ne kewoyire olukhova lwesisero musiuno, ne kalianga esike nowukhi womusuku. 7Ne kerwacha, nawola, “Enyuma wange kacha oyo omukali okhumbicha, sinolanire okhwinama ngangulule olusiya lwesiracho sisie tawe. 8Nakhavavatisa namachi; nausa niye ali khuvavatisa nende Roho Muchwenufu.”
Okhuvatiswa nende Etemwa lia Yesu
(Mat. 3.13—4.11; Lk. 3.21-22; 4.1-13)
9Munyinga echio Yesu kacha okhuchula Nazareti ya Galilaya ne Yohana kamuvatisa mumwalo kwa Yordani 10Nolu kachula mumachi, awenao kawona ekulu nilikukha ne Roho kamwikhakho ngamburuku, 11Omwoyo kwachula mwikulu nikuwola, “Niwe Omwana wange omusime, esimiswa ninawe.”
12Roho awene nawene kamuyira musichimi. 13Ne kali musichimi endalo amakhumi kane natemwa ni Setani, ne kali nende esolo, mana engelosi chiamukhalavanira.
Yesu Alanga Avalovi Vane
(Mat. 4.12-22; Lk. 4.14-15; 5.1-11)
14Khanu Yohana nikakhamala okhutirwa, Yesu kacha Galilaya, nikerwacha Injili ya Nyasaye, 15nawola, “Evise violire, ne Owami wa Nyasaye wuli aambi, yekanire, musuvire Amakhuwa Malayi.”
16Nolu kali navicha khulukuku lwenyanja ya Galilaya, kawona Simoni nende Anderea omusoliri wawe nivatupa olukhanda munyanja; sikira vali avalovi. 17Yesu kavawolera, “Nondekho nenjia okhuvakhola avalovi vavanju.” 18Evise evio valekha ekhanda chiawe vamulondakho. 19Vasutakho atiti, vawona Yakopo omwana wa Sebedayo nende Yohana omusoliri wawe muliacho liawe nivacheresa ekhanda. 20Awene nawene kavalanga, ne valekha papa wawe Sebedayo muliacho nende avakhalavani, ne vamulondakho.14
Omunju Wali Nesisieno
(Lk. 4.31-37)
21Ne vachia Kafernaumu, muvise via enyinga ya esabato Yesu kengira musinagogi kekesa. 22Ne vawuka khumekeso kake, esikira kekesa nga mulala ali nowunyali, okhwawukhana khuvekesi vamalako. 23Evise evio kaliwo musinagogi wawe omwo omunju wali nesisieno. 24Omunju oyo kayula, “Wenya sina nafwe Yesu wa Nazareti, kho wichire okhuchusisia? Emanyire mboniwe anu, Omuchwenufu wa Nyasaye.” 25Nausa Yesu kafuchira esisieno nawola, “Wulera, ne omuchulemo!” 26Ne esisieno siamusukusa siamukhupa aasi nokhwayula, siamuchulamo. 27Vosi vawuka, vachevana avene khuvene, nivawola, “Siosina sino? Mekeso mayakha! Nowunyali ayivira evisieno ne vimuria.” 28Ne lwangulwangu efuma yiye yalanda mulukongo lwosi olwa Galilaya.
Yesu Awonia Avanju Avangi
(Mat. 8.14-17; Lk. 4.38-41)
29Ne lwangu kachula musinagogi kengira munju ya Simoni nende Anderea, nali nende Yakopo ni Yohana. 30Mayi masala wa Simioni kali akonire nalwala okuyaka, awene nawene vamuwolera nga kali. 31Kacha kamutira omukhono kamwinyosa, okuyaka kwamulekha ne kavatenda.
32Engolove eyo, enyanga niyikwa, vamulechera vosi avali nivalwala nende avali nende evisieno. 33Etookho liosi liakhung'ana aamuliango. 34Ne kaonia avangi avali namalwaye kawukhanire, kachusa evisieno evingi, sikavilekhera okhulomaloma tawe, sikira viali vimumanyire.
Yesu Kerwacha Galilaya
(Lk. 4.42-44)
35Mumaweriweri, enyanga niyisiri okhuchula, kenyokha kachia awunju yeng'ene kasala. 36Simoni nende avo avali naye vamulondakho, 37vamunyola mana vamuwolera, “Wulimunju anakhutakhatakhanga.” 38Naye kavawolera, “Lekhe khuchie mumatookho kandi mbo nirwacheyo yosi, njesifune sinachira.” 39Ne kakenda mu Galilaya yosi, nikerwacha musinagogi chiosi nende okhuchusa evisieno.
Yesu Awonia Owamakere
(Mat. 8.1-4; Lk. 5.12-16)
40Ne owamakere kamwichira kamwikalikhira, nasikamire kamusava, “Nusima, onyala okhundavia.” 41Namuwoneye esisa, kanyira omukhono kukwe kamutirakho, mana kamuwolera, “Esimire, lava.” 42Ne evise vienevio amakere kamuchulakho kawoniwa. 43Ne kamukesiya kamuwolera achule achie lwangu, 44kamuwolera, “ochawolerakho yesiyesi esinju tawe, nausa chia wiyekese khumukuhani, nochuse esianwa nga Musa kalaka, sive esimanyiro khuvanju.” 45Nausa niye kachula erwanyi kachanikha okhulomaloma awulafu akekholekhire, ne kalandaasa ekhuwa elio, kho Yesu sikanyala okhwingira awulafu mwitookho ta, nausa katong'a erwanyi, navanju vamwichira okhuchula embeka chiosi.
Currently Selected:
Mariko 1: LNTPP
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024
Mariko 1
1
Okhwirwacha khwa Yohana Omuvatisi
(Mat. 3.1-12; Lk. 3.1-18; Yoh. 1.19-28)
1Okhwanja khwa Injili ya Yesu Kristo, Omwana wa Nyasaye. 2Nga yaandikwa mu Isaya omunabii,
“Wona, enjuma omuchumwa wange emberi wuwo
olikhukhucheresera engira,
3omwoyo kwa mulala olangirisa musichimi:
Cherese engira ya Omwami,
lombe engira chichie chikololokhe”
4Yohana omuvatisi kawonekhana musichimi, nikerwacha owuvatiso wokhwekanira nende okhulekherwa owoni. 5Avesialo sia Yudea nende avanju va Yerusalemu vosi vamuchiakho, ne vavatiswa mumwalo kwa Yordani, nivekanira owoni wawe. 6Yohana kali afwaye enguo yowoya wengamia, ne kewoyire olukhova lwesisero musiuno, ne kalianga esike nowukhi womusuku. 7Ne kerwacha, nawola, “Enyuma wange kacha oyo omukali okhumbicha, sinolanire okhwinama ngangulule olusiya lwesiracho sisie tawe. 8Nakhavavatisa namachi; nausa niye ali khuvavatisa nende Roho Muchwenufu.”
Okhuvatiswa nende Etemwa lia Yesu
(Mat. 3.13—4.11; Lk. 3.21-22; 4.1-13)
9Munyinga echio Yesu kacha okhuchula Nazareti ya Galilaya ne Yohana kamuvatisa mumwalo kwa Yordani 10Nolu kachula mumachi, awenao kawona ekulu nilikukha ne Roho kamwikhakho ngamburuku, 11Omwoyo kwachula mwikulu nikuwola, “Niwe Omwana wange omusime, esimiswa ninawe.”
12Roho awene nawene kamuyira musichimi. 13Ne kali musichimi endalo amakhumi kane natemwa ni Setani, ne kali nende esolo, mana engelosi chiamukhalavanira.
Yesu Alanga Avalovi Vane
(Mat. 4.12-22; Lk. 4.14-15; 5.1-11)
14Khanu Yohana nikakhamala okhutirwa, Yesu kacha Galilaya, nikerwacha Injili ya Nyasaye, 15nawola, “Evise violire, ne Owami wa Nyasaye wuli aambi, yekanire, musuvire Amakhuwa Malayi.”
16Nolu kali navicha khulukuku lwenyanja ya Galilaya, kawona Simoni nende Anderea omusoliri wawe nivatupa olukhanda munyanja; sikira vali avalovi. 17Yesu kavawolera, “Nondekho nenjia okhuvakhola avalovi vavanju.” 18Evise evio valekha ekhanda chiawe vamulondakho. 19Vasutakho atiti, vawona Yakopo omwana wa Sebedayo nende Yohana omusoliri wawe muliacho liawe nivacheresa ekhanda. 20Awene nawene kavalanga, ne valekha papa wawe Sebedayo muliacho nende avakhalavani, ne vamulondakho.14
Omunju Wali Nesisieno
(Lk. 4.31-37)
21Ne vachia Kafernaumu, muvise via enyinga ya esabato Yesu kengira musinagogi kekesa. 22Ne vawuka khumekeso kake, esikira kekesa nga mulala ali nowunyali, okhwawukhana khuvekesi vamalako. 23Evise evio kaliwo musinagogi wawe omwo omunju wali nesisieno. 24Omunju oyo kayula, “Wenya sina nafwe Yesu wa Nazareti, kho wichire okhuchusisia? Emanyire mboniwe anu, Omuchwenufu wa Nyasaye.” 25Nausa Yesu kafuchira esisieno nawola, “Wulera, ne omuchulemo!” 26Ne esisieno siamusukusa siamukhupa aasi nokhwayula, siamuchulamo. 27Vosi vawuka, vachevana avene khuvene, nivawola, “Siosina sino? Mekeso mayakha! Nowunyali ayivira evisieno ne vimuria.” 28Ne lwangulwangu efuma yiye yalanda mulukongo lwosi olwa Galilaya.
Yesu Awonia Avanju Avangi
(Mat. 8.14-17; Lk. 4.38-41)
29Ne lwangu kachula musinagogi kengira munju ya Simoni nende Anderea, nali nende Yakopo ni Yohana. 30Mayi masala wa Simioni kali akonire nalwala okuyaka, awene nawene vamuwolera nga kali. 31Kacha kamutira omukhono kamwinyosa, okuyaka kwamulekha ne kavatenda.
32Engolove eyo, enyanga niyikwa, vamulechera vosi avali nivalwala nende avali nende evisieno. 33Etookho liosi liakhung'ana aamuliango. 34Ne kaonia avangi avali namalwaye kawukhanire, kachusa evisieno evingi, sikavilekhera okhulomaloma tawe, sikira viali vimumanyire.
Yesu Kerwacha Galilaya
(Lk. 4.42-44)
35Mumaweriweri, enyanga niyisiri okhuchula, kenyokha kachia awunju yeng'ene kasala. 36Simoni nende avo avali naye vamulondakho, 37vamunyola mana vamuwolera, “Wulimunju anakhutakhatakhanga.” 38Naye kavawolera, “Lekhe khuchie mumatookho kandi mbo nirwacheyo yosi, njesifune sinachira.” 39Ne kakenda mu Galilaya yosi, nikerwacha musinagogi chiosi nende okhuchusa evisieno.
Yesu Awonia Owamakere
(Mat. 8.1-4; Lk. 5.12-16)
40Ne owamakere kamwichira kamwikalikhira, nasikamire kamusava, “Nusima, onyala okhundavia.” 41Namuwoneye esisa, kanyira omukhono kukwe kamutirakho, mana kamuwolera, “Esimire, lava.” 42Ne evise vienevio amakere kamuchulakho kawoniwa. 43Ne kamukesiya kamuwolera achule achie lwangu, 44kamuwolera, “ochawolerakho yesiyesi esinju tawe, nausa chia wiyekese khumukuhani, nochuse esianwa nga Musa kalaka, sive esimanyiro khuvanju.” 45Nausa niye kachula erwanyi kachanikha okhulomaloma awulafu akekholekhire, ne kalandaasa ekhuwa elio, kho Yesu sikanyala okhwingira awulafu mwitookho ta, nausa katong'a erwanyi, navanju vamwichira okhuchula embeka chiosi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©The Bible Society of Kenya, 2024