Olwimbo Olukhulundu 3
3
Amakanilo komweha
1Mushilo khubulili bwanje emukhaabile owa omwoyo kwanje kuheela;
emukhaabile, nindamunyoola ta.
2Bulaano embuushe, enjende mwitaala,
munjila tsialio nomunyanyi,
nimukhaaba owa omwoyo kwanje kuheela.
Emukhaabile nindamunyoola ta.
3Abalindi abalambuulanga litookho nibanyoola;
ndi, Mumuluutsi owa omwoyo kwanje kuheela?
4Ne nindakhababirakhwo,
nimunyoola oyo owa omwoyo kwanje kuheela;
nimutiila, nikhaya okhumulekhuula,
okhuula olwa ndamuleerile munzu yamama,
mushisika shia oyo owanzibula.
5Emukaania, inywe abakhaana beYerusalemu,
khulwa ebitsusu nokhulwa tsimbongo etsiomubulimo,
mbu muleshe okhuyakula obuheeli kata okhububuusia okhuula obwene olwa buchama.
Olupele Iweshiselelo
6Nishiina shilia eshirula mushitsiimi,
shinga isiilo yomwosi,
nishihunya amanemane nobubaane,
nobusie bweshing'aari bwabakholi beinganga?
7Lole, neshichinjilo shiaSulemani;
abalulu amakhumi kasasaba bashifumbila,
abokhubalulu baIsiraeli.
8Bosi nabatiilanga tsinganga;
nabachesi mukelihe;
buli mundu ali nolukangalwe khukhukunyu,
khulwa amariisia akeshilo.
9Omuruchi Sulemani yeekasilia eshichinjilo shiemisaala chieLebanoni.
10Yakhola tsisiilo tsialio etsieifeetsa,
eshiemukongo, shieitsahaabu,
neshiokhwikhalakhwo shieingubo yeisambarao,
hakari walio niling'oonwa nebibaho ebimali,
ebirula khubakhaana beYerusalemu.
11Rule, inywe abakhaana beSayuni, mutsie,
mulole omuruchi Sulemani,
nolusimbi olwa nyina yamurakhwo khunyanga yeshiseleloshie,
khunyanga yobusangaafubwe.
Currently Selected:
Olwimbo Olukhulundu 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
