Olwimbo Olukhulundu 2
2
1Endi eshimuli shieSharoni,
litaanye eliomumabanda.
2Shinga litaanye mubisisia,
nolwa omwitsa wanje ali mubakhaana.
3Shinga omupeela mumisaala chiomutsuru,
nolwa omuheelwa wanje ali mubasiani.
Ndeekhala mushiinikhashie nokhusangaala okhunji,
ebiamobie nibiba ebimilamili muno mumunwa kwanje.
4Yandeera munzuye yamasabo,
ipendelaye ikulu wanje niyiba obuheeli.
5Mundinyisie netsinzabibu tsinyumu,
musakulusie namapeela;
okhuba endi omuteshele khulwa obuheeli.
6Omukhonokwe mukhasi kube hasi womurwe kwanje,
omukhonokwe musaatsa nikufumbeelela.
7Emukaania, inywe abakhaana beYerusalemu,
khulwa ebitsusu nokhulwa tsimbongo etsiomubulimo,
mbu muleshe okhuyakula obuheeli kata okhububuusia
okhuula obwene olwa buchama.
8Omwoyo kwomuheelwa wanje ngwokwo!
Lola, yeetsanga,
naruuma khutsingulu,
nasiila khubikulu.
9Omuheelwa wanje yeengana eshitsusu kata ipuri imbuukha.
Lola, ngwoyo, asinjiile inyuma welisiisi lieefwe,
nahenjela mumatirisha;
nalolela mushianzwi.
10Omuheelwa wanje asunga,
niyamboolela mbu Buukha, omwitsa wanje,
owelikondo wanje, chenda khuhweho.
11Okhuba lola, tsindaalo tsiomunyiri tsibirile,
irootso yakaame, yihweele;
12ebimuli bimulikhanga khushialo;
induukho yokhwimba yulile,
omwoyo kwelikuukuu nikuhuliilikha mushialo shieefwe.
13Omukhuyu kwama amakhuyu kakwo,
emitsabibu nachio nichimulikha,
nichirusia eshiuya eshilayi.
Buukha, omwitsa wanje, owelikondo wanje;
chenda khuhweho.
14E, iwe lihuusi lianje, mumbangatsi etsiomunyanda,
habundu hamabiswi ahomunjengulukho,
endole mumonimwo;
embulile omwoyokwo;
okhuba omwoyokwo nokwokhuchamisia,
mumonimwo nomukaasu.
15Mukhutiilile amabwe,
amabwe ako amatiiti,
akoonooninjia emikunda chiemitsabibu,
okhuba emikunda chieefwe chiemitsabibu chimuliishe.
16Omuheelwa wanje niye owanje, nasi enli owuwe;
yaayanga ebiayobie mumataanye.
17Okhuula isi olwa yinyira,
ebiiniini nibiilukhana,
shiukhana, omuheelwa wanje,
obe shinga eshitsusu kata ipuri imbuukha khubikulu bietsinjengulukho.
Currently Selected:
Olwimbo Olukhulundu 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
