Tsitsabuli 148
148
Ebilonje biosi bichesiyibwa okhwitsoomiu OMWAMI
1Mumwitsoomie OMWAMI.
Mumwitsoomie OMWAMI mwikulu;
mumwitsoomie hekuiu owene.
2Mumwitsoomie inywe abamalaikabe mwesi;
mumwitsoomie, inywe abamaheke mwesi.
3Mumwitsoomie, inywe eliuba nomwesi;
mumwitsoomie, inywe tsinyininyini etsiakhanga;
4mumwitsoomie, iwe likulu elili mwikulu,
nineenyu amatsi akali ikulu welikulu.
5Biitsoomie eliira liOMWAMI,
okhuba yalaka, nabio nibilonjekha.
6Khandi yabiralisia obushia nobushia;
yaraho lilako elirayiirikha ta.
7Mumwitsoomie OMWAMI mushialo,
inywe emiyokha echiomunyanza, nende tsisiba tsiosi;
8omulilo namachina keifula, itsaluchi nelinang'ong'we,
omuyeka kweimbumbuyeka, okuusinjia likhuwalie.
9Tsingulu, nebikulu biosi,
emisaala chiebiamo, nemisiita chiosi;
10tsisolo, nemiruko chiosi;
ebimoolanga, namanyonyi akapulukha.
11Abaruchi beshialo, netsimbia tsiosi tsiabandu;
abakhulundu nende abayaasii abomushialo;
12abasooliili nabakhaana bosi,
abasaakhulu nende abaana.
13Beetsoomie eliira liOMWAMI,
shichila eliira lilie lionyene nilio elichinguulwa;
oluyalilwe luli ikulu weshialo nende likulu.
14Yachinguula abandube,
owitsoomibungwa nabamuheelanga,
nibo abaana baIsiraeli, oluyia lwabandu abali ahambi ninaye.
Mumwitsoomie OMWAMI.
Currently Selected:
Tsitsabuli 148: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
