Tsitsabuli 136
136
Obwitsoomii khulwa obuheeli oburalilu bwOMWAMI
1Mukhupile OMWAMI orio, okhuba niye omulayi,
okhuba obuheelibwe oburalilu nobwobumeli.
2Mukhupile Nyasaye wabanyasaye orio,
okhuba obuheelibwe oburalilu nobwobumeli.
3Mukhupile Omwami wabaami orio,
okhuba obuheelibwe oburalilu nobwobumeli.
4Niye yenyene oukholanga akamangaliimwa amakhongo;
okhuba obuheelibwe oburalilu nobwobumeli;
5owakhola likulu nobuchesi;
okhuba obuheelibwe oburalilu nobwobumeli;
6owaala eshialo hekulu khumatsi;
okhuba obuheelibwe oburalilu nobwobumeli;
7owakhola ebiashilo ebikhongo;
okhuba obuheelibwe oburalilu nobwobumeli;
8eliuba okhuruka mushiteere;
okhuba obuheelibwe oburalilu nobwobumeli;
9omwesi netsinyininyini okhuruka mushilo;
okhuba obuheelibwe oburalilu nobwobumeli.
10Neniye oweera abeekulanda baMisiri;
okhuba obuheelibwe oburalilu nobwobumeli;
11narusia Isiraeli hakari mubo;
okhuba obuheelibwe oburalilu nobwobumeli;
12nomukhono kwamaani nomukhono okunyiililwe;
okhuba obuheelibwe oburalilu nobwobumeli.
13Neniye owakabula Inyanza Inzakhanyu hakari,
okhuba obuheelibwe oburalilu nobwobumeli;
14nabisia Isiraeli hakari muyo,
okhuba obuheelibwe oburalilu nobwobumeli;
15nabungulula Farao nende amaheke muNyanza Inzakhanyu,
okhuba obuheelibwe oburalilu nobwobumeli.
16Neniye oweemilila abandube mushitsiimi;
okhuba obuheelibwe oburalilu nobwobumeli;
17neniye owakhupa abaruchi bobunyali,
okhuba obuheelibwe oburalilu nobwobumeli;
18niyeera abaruchi abeifuma;
okhuba obuheelibwe oburalilu nobwobumeli;
19mbu Sihoni omuruchi wabaAmori,
okhuba obuheelibwe oburalilu nobwobumeli;
20nende Ogu omuruchi waBashani,
okhuba obuheelibwe oburalilu nobwobumeli;
21nahaana eshialo shiabwe shibe obulaame,
okhuba obuheelibwe oburalilu nobwobumeli;
22mbu obulaame bwaIsiraeli omusumbawe;
okhuba obuheelibwe oburalilu nobwobumeli.
23Neniye owakhwitsulila mukhutiitiyibwa khweefwe,
okhuba obuheelibwe oburalilu nobwobumeli;
24nakhuhonia mubafukuli beefwe;
okhuba obuheelibwe oburalilu nobwobumeli.
25Aheelesinjia ebiemibili biosi eshiokhulia;
okhuba obuheelibwe oburalilu nobwobumeli.
26Mukhupile Nyasaye owomwikulu orio,
okhuba obuheelibwe oburalilu nobwobumeli.
Currently Selected:
Tsitsabuli 136: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
