Tsitsabuli 135
135
Obukhongo bwOMWAMI, nende obukhaya bwebifwanani ebiinamilungwe
1Mumwitsoomie OMWAMI; mwitsoomie eliira liOMWAMI;
mumwitsoomie, inywe abasumba bOMWAMI,
2inywe abasinjiile munzu yOMWAMI,
mulwanyi lweinzu yaNyasaye weefwe.
3Mumwitsoomie OMWAMI, okhuba OMWAMI niye omulayi;
mwimbe, nimuliitsoomia eliiralie, shichila nelikaasu.
4Okhuba OMWAMI yeelobolela omwene Yakobo,
nende Isiraeli okhuba omwandukwe kwolukoosi.
5Okhuba emanyile shinga OMWAMI olwa ali omukhongo,
shinga Omwami weefwe olwa ashila abanyasaye bosi.
6Aka OMWAMI yachama kosi, niko aka akhola,
mwikulu nomushialo, munyanza nende mutsisiba tsiosi.
7Neniye ouniininjia olucheka okhurula khundulo weshialo,
nakhola tsimbenu khulwa ifula,
narusia omuyeka mwibiishilolie.
8Neniye oweera abeekulanda muMisiri,
babandu nabemiruko bosi.
9Yaleera ebilolelo nebiamakana mwiwe, Misiri,
khuFarao nende khubasumbabe bosi.
10Neniye owakhupa amahanga amakhongo,
niyeera abaruchi bobunyali;
11mbu Sihoni omuruchi wabaAmori,
nende Ogu omuruchi waBashani,
nende oburuchi bwosi bwaKanaani,
12nahaana eshialo shiabwe shibe obulaame,
mbu obulaame bwabandube, Isiraeli.
13E OMWAMI, eliiralio neliobumeli;
eshiitsuliloshio, OMWAMI, neshiebisoni nebisoni.
14Okhuba OMWAMI alahula eshiina shiabandube,
nababeela abasumbabe eshisa.
15Ebifwanani ebia abamahanga beenamilanga neifeetsa nende itsahaabu,
nemilimo chiamakhono kabandu.
16Bili neminwa, ne shibiboola ta;
tsimoni bili ninatsio, ne shibilola ta;
17bili namarwi, ne shibihulila ta,
kata omuuya kubula muminwa chiabio.
18Ababibaatsanga bafwanana ninabio,
kata abo bosi ababiisiikanga bali bario.
19Iwe eshilibwa shiaIsiraeli, mumwitsoomie OMWAMI;
iwe eshilibwa shiaHaruni, mumwitsoomie OMWAMI;
20iwe eshilibwa shiaLawi, mumwitsoomie OMWAMI;
inywe abariitsanga OMWAMI, mumwitsoomie OMWAMI.
21Abali muSayuni bamwitsoomie OMWAMI,
ye oumenyanga muYerusalemu.
Mumwitsoomie OMWAMI.
Currently Selected:
Tsitsabuli 135: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
