Tsinjelo 4
4
Obulayi obwa obuchesi buleerela abandu
1Inywe abaana banje, hulile obuchesiyii bwaseenywe,
murechelesie, munyoole okhumanyilisia;
2okhuba emwechesinjia ameeko amalayi;
muralekha ameebaalo kanje tawe.
3Okhuba nasi siesi ndali omusiani wapapa,
omutoro, omuteelwa wamama.
4Ne papa yanzechesia, niyamboolela ari Omwoyokwo kutinye khumakhuwa kanje;
linda amalako kanje, mana obeetsenje mwoyo.
5Onyoole obuchesi, onyoole okhumanyilisia;
orabiibilila ta, kata orashiukhana okhurula khumakhuwa komunwa kwanje tawe;
6orabulekha ta, nabwo bulakhukura;
obuheele, nabwo bulakhulinda.
7Akaranjilila ngakano, mbu onyoole obuchesi;
yee, nahalala nabiosi ebia onyoolile, onyoole okhumanyilisia;
8obuhandekhwo, nabwo bulakhuchinguula;
bulakhuleerela oluyali noba nobufumbeelela.
9Bwo bulakhurunga eshiisiaho shiobukoosia khumurwekwo;
bulakhuheelesia olusimbi lweing'oono.
10Iwe omwana wanje, hulila notiila amasungo kanje;
emiyika chiobulamubwo nachio chilaba eminji.
11Ndakhwechesiye injila yobuchesi;
ndakhwimiliile mumihanda chiobukololofu.
12Olwa ochenda, ebilenjebio shibilatiyikha tawe;
ne noba niwilukha, shioleesichirala ta.
13Tiila obuchesiyi butinyu; orabulekhuula tawe;
obutinyekhwo; okhuba bwo nobulamubwo.
14Oreenjila mumuhanda kwabamayaanu ta,
kata orachenda munjila yabandu ababii tawe.
15Wibatsule khuyo, oralondakhwo ta;
wikwenye khuyo, ne obire bubira.
16Okhuba shibakonanga nibarakholile obubii ta;
tsindoolo tsirulile mumoni tsiabwe, okhuula olwa beesichirasiakhwo omundu.
17Okhuba baliitsanga ebiliibwa biobumayaanu,
nibanywa idivai yamahababa.
18Nebutswa omuhanda kwabalunji kuli shinga omubasu nikuronga,
okwimeetelanga okhwakha okhuula khushiteere eshilamba.
19Injila yabamayaanu yiingana eshiilima ti;
Shibamanyile eshia beesichiralangakhwo tawe.
20Mwana wanje, rechelesia amakhuwa kanje;
reka amarwi khumasungo kanje.
21Kararula mumonitsio ta;
okabiishe mukari mumwoyokwo.
22Okhuba kali obulamu khubo abakanyoolanga,
khandi nobuhoni khumibili chiabwe chiosi.
23Olinde omwoyokwo neshinani shiosi;
okhuba mubwenomwo mulimwo ebinoko biobulamu.
24Wiyiniekhwo amakhuwa amashiamu, karule khwiwe,
nora ehale ninawe amakhuwa koburambaatsanu.
25Tsimonitsio tsihenjenje imbeli tiili,
ebisichebio nabio bihenjenje imbeliwo eshilunji.
26Oreleesie omuhanda kwebilenjebio,
kho tsinjilatsio tsiosi tsilaralila.
27Orashiukhana khumukhono mukhasi kata khumusaatsa ta;
yinia eshilenjeshio shirule mububii.
Currently Selected:
Tsinjelo 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Tsinjelo 4
4
Obulayi obwa obuchesi buleerela abandu
1Inywe abaana banje, hulile obuchesiyii bwaseenywe,
murechelesie, munyoole okhumanyilisia;
2okhuba emwechesinjia ameeko amalayi;
muralekha ameebaalo kanje tawe.
3Okhuba nasi siesi ndali omusiani wapapa,
omutoro, omuteelwa wamama.
4Ne papa yanzechesia, niyamboolela ari Omwoyokwo kutinye khumakhuwa kanje;
linda amalako kanje, mana obeetsenje mwoyo.
5Onyoole obuchesi, onyoole okhumanyilisia;
orabiibilila ta, kata orashiukhana okhurula khumakhuwa komunwa kwanje tawe;
6orabulekha ta, nabwo bulakhukura;
obuheele, nabwo bulakhulinda.
7Akaranjilila ngakano, mbu onyoole obuchesi;
yee, nahalala nabiosi ebia onyoolile, onyoole okhumanyilisia;
8obuhandekhwo, nabwo bulakhuchinguula;
bulakhuleerela oluyali noba nobufumbeelela.
9Bwo bulakhurunga eshiisiaho shiobukoosia khumurwekwo;
bulakhuheelesia olusimbi lweing'oono.
10Iwe omwana wanje, hulila notiila amasungo kanje;
emiyika chiobulamubwo nachio chilaba eminji.
11Ndakhwechesiye injila yobuchesi;
ndakhwimiliile mumihanda chiobukololofu.
12Olwa ochenda, ebilenjebio shibilatiyikha tawe;
ne noba niwilukha, shioleesichirala ta.
13Tiila obuchesiyi butinyu; orabulekhuula tawe;
obutinyekhwo; okhuba bwo nobulamubwo.
14Oreenjila mumuhanda kwabamayaanu ta,
kata orachenda munjila yabandu ababii tawe.
15Wibatsule khuyo, oralondakhwo ta;
wikwenye khuyo, ne obire bubira.
16Okhuba shibakonanga nibarakholile obubii ta;
tsindoolo tsirulile mumoni tsiabwe, okhuula olwa beesichirasiakhwo omundu.
17Okhuba baliitsanga ebiliibwa biobumayaanu,
nibanywa idivai yamahababa.
18Nebutswa omuhanda kwabalunji kuli shinga omubasu nikuronga,
okwimeetelanga okhwakha okhuula khushiteere eshilamba.
19Injila yabamayaanu yiingana eshiilima ti;
Shibamanyile eshia beesichiralangakhwo tawe.
20Mwana wanje, rechelesia amakhuwa kanje;
reka amarwi khumasungo kanje.
21Kararula mumonitsio ta;
okabiishe mukari mumwoyokwo.
22Okhuba kali obulamu khubo abakanyoolanga,
khandi nobuhoni khumibili chiabwe chiosi.
23Olinde omwoyokwo neshinani shiosi;
okhuba mubwenomwo mulimwo ebinoko biobulamu.
24Wiyiniekhwo amakhuwa amashiamu, karule khwiwe,
nora ehale ninawe amakhuwa koburambaatsanu.
25Tsimonitsio tsihenjenje imbeli tiili,
ebisichebio nabio bihenjenje imbeliwo eshilunji.
26Oreleesie omuhanda kwebilenjebio,
kho tsinjilatsio tsiosi tsilaralila.
27Orashiukhana khumukhono mukhasi kata khumusaatsa ta;
yinia eshilenjeshio shirule mububii.
Oluluyia Union Version © Bible Society of Kenya 1975