Tsinjelo 5
5
Obuchesiyii okhwihaanya akeshifwabwi
1Mwana wanje, rechelesia obuchesi bwanje,
reka amarwi khubumanyilisi bwanje.
2Kho obeetsenje nobwitembelesi,
nomunwakwo kulinde obumanyi.
3Okhuba omunwa kwomukhasi omuheyi kuroonyinjia obuushi,
nomunwakwe nomurelele okhushila amafura.
4Nebutswa obumaliilishibwe nobululu shinga indululusia,
nobuuchi shinga olukanga olwamema tsimbeka tsiombi.
5Ebilenjebie bikholomokhangal enakhufwa;
amakuluke keeshelanga eMakombe;
6shialolanga omuhanda kwobulamu tawe;
nomuchendachendi munjilatsie, ne narateeba ta.
7Kho bulaano, baana banje, mumbulile,
ne murarula khumakhuwa komunwa kwanie tawe.
8Sitia injilayo ehale ninaye,
noreesunda ahambi khumiliango kweinzuye ta.
9Wakhaheelesia abandi oluyalilwo,
nemiyikachio khubahuma tsimbabasi;
10abarende bakheekura ebietsingufutsio,
nemilimochio nichiba munzu yomurende;
11wakheelilila mubumaliilishibwo,
olwa inyamayo nende omubilikwo bikhuhweeleleele,
12noboola ori Ndasinyishilanga endie obuchesiyibwi,
omwoyo kwanje nikuleka okhuloshelwa!
13Kata shindahulila omwoyo kwabeechesia banje ta,
kata okhureka amarwi khubo abanzibaalila.
14Ndali butswa ahambi okhubiiyila elala,
mukari welibukaana nende omukhung'aano.
15Onyweetsenje amatsi akomwiyabolio omwene,
khandi amatsi akafututusinjia mushitahoshio omwene.
16Tsisebeletsio tsisalaasibwe ebulafu,
emialo chiamatsi mumihanda noho?
17Lekha kabe akoko wenyene,
karaba akabarende halala ninawe ta.
18Isebeleyo yiheebwe ikhabi,
nawe osangaalile omukhasiwo omubula.
19Shinga eshitsusu eshikaasu khandi eshisibini eshilayi,
kho tsimbeeletsie tsikhuhele tsindaalo tsiosi;
mana okorelenje khatsotso mubuheelibwe.
20Okhuba nishiina eshichila iwe, mwana wanje, okorele khumukhasi omuheyi,
nofumbeelela eshilifu shiomutamba?
21Shichila tsinjila tsiomundu tsili imbeli wetsimoni tsiOMWAMI,
naye ahenjelesinjia obuchendibwe bwosi.
22Obubii bubwe omwene bulatiila omumayaanu,
ne alahambwa nemikoye chiobwonoonibwe;
23alafwa khulwa okhuhuma oburukwi,
ne mubunji bwobuyingwabwe alakora.
Currently Selected:
Tsinjelo 5: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Tsinjelo 5
5
Obuchesiyii okhwihaanya akeshifwabwi
1Mwana wanje, rechelesia obuchesi bwanje,
reka amarwi khubumanyilisi bwanje.
2Kho obeetsenje nobwitembelesi,
nomunwakwo kulinde obumanyi.
3Okhuba omunwa kwomukhasi omuheyi kuroonyinjia obuushi,
nomunwakwe nomurelele okhushila amafura.
4Nebutswa obumaliilishibwe nobululu shinga indululusia,
nobuuchi shinga olukanga olwamema tsimbeka tsiombi.
5Ebilenjebie bikholomokhangal enakhufwa;
amakuluke keeshelanga eMakombe;
6shialolanga omuhanda kwobulamu tawe;
nomuchendachendi munjilatsie, ne narateeba ta.
7Kho bulaano, baana banje, mumbulile,
ne murarula khumakhuwa komunwa kwanie tawe.
8Sitia injilayo ehale ninaye,
noreesunda ahambi khumiliango kweinzuye ta.
9Wakhaheelesia abandi oluyalilwo,
nemiyikachio khubahuma tsimbabasi;
10abarende bakheekura ebietsingufutsio,
nemilimochio nichiba munzu yomurende;
11wakheelilila mubumaliilishibwo,
olwa inyamayo nende omubilikwo bikhuhweeleleele,
12noboola ori Ndasinyishilanga endie obuchesiyibwi,
omwoyo kwanje nikuleka okhuloshelwa!
13Kata shindahulila omwoyo kwabeechesia banje ta,
kata okhureka amarwi khubo abanzibaalila.
14Ndali butswa ahambi okhubiiyila elala,
mukari welibukaana nende omukhung'aano.
15Onyweetsenje amatsi akomwiyabolio omwene,
khandi amatsi akafututusinjia mushitahoshio omwene.
16Tsisebeletsio tsisalaasibwe ebulafu,
emialo chiamatsi mumihanda noho?
17Lekha kabe akoko wenyene,
karaba akabarende halala ninawe ta.
18Isebeleyo yiheebwe ikhabi,
nawe osangaalile omukhasiwo omubula.
19Shinga eshitsusu eshikaasu khandi eshisibini eshilayi,
kho tsimbeeletsie tsikhuhele tsindaalo tsiosi;
mana okorelenje khatsotso mubuheelibwe.
20Okhuba nishiina eshichila iwe, mwana wanje, okorele khumukhasi omuheyi,
nofumbeelela eshilifu shiomutamba?
21Shichila tsinjila tsiomundu tsili imbeli wetsimoni tsiOMWAMI,
naye ahenjelesinjia obuchendibwe bwosi.
22Obubii bubwe omwene bulatiila omumayaanu,
ne alahambwa nemikoye chiobwonoonibwe;
23alafwa khulwa okhuhuma oburukwi,
ne mubunji bwobuyingwabwe alakora.
Oluluyia Union Version © Bible Society of Kenya 1975