Tsinjelo 3
3
Obwibaali bwobuhulili
1Mwana wanje, oreebilila ameebaalo kanje ta;
habula omwoyokwo kulindenje amalako kanje;
2okhuba kalakhumeeta tsindaalo tsinyinji,
nende obuyindifu, nende oburabaale.
3Eshisa nobwatoto birakhurulakhwo tawe;
obibohe mwikosilio;
obihandiiche khukhabaho khomwoyokwo.
4Nindio olanyoola obukoosia nende ifuma indayi
mumoni mwaNyasaye nende omwabandu.
5Wisiichenje OMWAMI nomwoyokwo kwosi,
noreesetamia khukhumanyilisiakhwo omwene tawe.
6Omwiyame munjilatsio tsiosi,
naye alalunjisia emihandachio.
7Oraba omuchesi mumonitsio omwene tawe;
ria OMWAMI, wihaanye obubii.
8Kalaleera obulamu khumubilikwo,
nende amalesi mumakumbako.
9Heelesia OMWAMI oluyali khumianduchio,
khandi nende khubirongole biebiamobio biosi.
10Nolwa ebiachibio bileetsulamwo ebinji,
khandi mutsineemotsio idivai indoro yileetsulamwo niyisundukha hasi.
11Mwana wanje, obuchesiyi bwOMWAMI buleshe okhukhusinya,
kata orachoonyela obuloshelibwe tawe;
12okhuba owa OMWAMI aheelanga, amuhalabilanga,
shinga olwa samwana akholelanga omusianiwe owa achamanga.
13Noweikhabi omundu ounyoola obuchesi,
khandi omundu ounyoola okhumanyilisia.
14Okhuba obukhala bwabwo nobulayi okhushila obukhala bweifeetsa,
ne inganga yabwo neindayi okhushila itsahaabu inzele.
15Bushila tsinyuma tsinzakhanyu;
mubindu biosi ebia wakheekomba shishiliho eshiokhuhelanibwa ninabwo tawe.
16Obuyindifu buli mumukhono kwabwo musaatsa;
nomukhono kwabwo mukhasi mulimwo obuyinda noluyali.
17Tsinjila tsiabwo netsinjila tsingaasu,
emihanda chiabwo chiosi nikwo omulembe.
18Nibwo omusaala kwobulamu khubo ababutiilanga;
noweikhabi buli mundu oubuhandangakhwo.
19Nende obuchesi OMWAMI yakhupa omuse kweshialo;
yakasia likulu nende okhumanyilisia.
20Nende obumanyibwe, tsisiba tsiayabulukhana,
amalesi nako kaamia eliime.
21Mwana wanje, kano kaleshe okhurula mumonitsio;
olindenje obuchesi bwahabwene nende obwitembelesi;
22Nolwa bilaba obulamu khwiwe omwene,
nende eshisiaho mwikosilio.
23Mana olachenda khunjilayo eshisichi mulembe,
eshilenjeshio nashio shishileesichirala tawe.
24Olwa oba niwikhaale, shiolaria tawe;
yee, olakona, ne tsindoolotsio tsilaba tsindayi.
25Oraria oburiisii bwameetsukhana tawe,
kata obwonoonibwi bwabamayaanu olwa bwitsanga.
26Okhuba OMWAMI alaba obusubilobwo,
naye alalindanga eshilenjeshio shileshe okhuhambwa.
27Orabeema abandu amalayi akabakwanile,
olwa oba noli ounyala okhukakhola.
28Oraboolela owashio ori Tsia, ne nokalushe,
ne mukamba nekhuhe;
ne noli ninashio; tawe.
29Orarecheshela owashio amabii ta,
olwa mumenyile ninaye mumulembe.
30Orasoolana nomundu harali eshifune,
olwa arakhukholeele obubii bwosi ta.
31Orakhaaywa omundu owamahababa,
khandi oralobola tsinjilatsie kata nandalakhwo ta.
32Okhuba omurambaatsanu noweshisinyo khuMWAMI;
ne abakololofu nibo abeetsabe abasuubilwa.
33Eshilaamo shiOMWAMI eshiobubii shili munzu yomumayaanu,
ne aheelesinjia obumenyo bwomulunji ikhabi.
34Toto mwene, akokonyelanga abakokonyi;
ne khubeetuutuyi ahaananga obukoosia.
35Abachesi balaamilwa oluyali,
ne tsisoni nitsio obulaame bwabayingwa.
Currently Selected:
Tsinjelo 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Tsinjelo 3
3
Obwibaali bwobuhulili
1Mwana wanje, oreebilila ameebaalo kanje ta;
habula omwoyokwo kulindenje amalako kanje;
2okhuba kalakhumeeta tsindaalo tsinyinji,
nende obuyindifu, nende oburabaale.
3Eshisa nobwatoto birakhurulakhwo tawe;
obibohe mwikosilio;
obihandiiche khukhabaho khomwoyokwo.
4Nindio olanyoola obukoosia nende ifuma indayi
mumoni mwaNyasaye nende omwabandu.
5Wisiichenje OMWAMI nomwoyokwo kwosi,
noreesetamia khukhumanyilisiakhwo omwene tawe.
6Omwiyame munjilatsio tsiosi,
naye alalunjisia emihandachio.
7Oraba omuchesi mumonitsio omwene tawe;
ria OMWAMI, wihaanye obubii.
8Kalaleera obulamu khumubilikwo,
nende amalesi mumakumbako.
9Heelesia OMWAMI oluyali khumianduchio,
khandi nende khubirongole biebiamobio biosi.
10Nolwa ebiachibio bileetsulamwo ebinji,
khandi mutsineemotsio idivai indoro yileetsulamwo niyisundukha hasi.
11Mwana wanje, obuchesiyi bwOMWAMI buleshe okhukhusinya,
kata orachoonyela obuloshelibwe tawe;
12okhuba owa OMWAMI aheelanga, amuhalabilanga,
shinga olwa samwana akholelanga omusianiwe owa achamanga.
13Noweikhabi omundu ounyoola obuchesi,
khandi omundu ounyoola okhumanyilisia.
14Okhuba obukhala bwabwo nobulayi okhushila obukhala bweifeetsa,
ne inganga yabwo neindayi okhushila itsahaabu inzele.
15Bushila tsinyuma tsinzakhanyu;
mubindu biosi ebia wakheekomba shishiliho eshiokhuhelanibwa ninabwo tawe.
16Obuyindifu buli mumukhono kwabwo musaatsa;
nomukhono kwabwo mukhasi mulimwo obuyinda noluyali.
17Tsinjila tsiabwo netsinjila tsingaasu,
emihanda chiabwo chiosi nikwo omulembe.
18Nibwo omusaala kwobulamu khubo ababutiilanga;
noweikhabi buli mundu oubuhandangakhwo.
19Nende obuchesi OMWAMI yakhupa omuse kweshialo;
yakasia likulu nende okhumanyilisia.
20Nende obumanyibwe, tsisiba tsiayabulukhana,
amalesi nako kaamia eliime.
21Mwana wanje, kano kaleshe okhurula mumonitsio;
olindenje obuchesi bwahabwene nende obwitembelesi;
22Nolwa bilaba obulamu khwiwe omwene,
nende eshisiaho mwikosilio.
23Mana olachenda khunjilayo eshisichi mulembe,
eshilenjeshio nashio shishileesichirala tawe.
24Olwa oba niwikhaale, shiolaria tawe;
yee, olakona, ne tsindoolotsio tsilaba tsindayi.
25Oraria oburiisii bwameetsukhana tawe,
kata obwonoonibwi bwabamayaanu olwa bwitsanga.
26Okhuba OMWAMI alaba obusubilobwo,
naye alalindanga eshilenjeshio shileshe okhuhambwa.
27Orabeema abandu amalayi akabakwanile,
olwa oba noli ounyala okhukakhola.
28Oraboolela owashio ori Tsia, ne nokalushe,
ne mukamba nekhuhe;
ne noli ninashio; tawe.
29Orarecheshela owashio amabii ta,
olwa mumenyile ninaye mumulembe.
30Orasoolana nomundu harali eshifune,
olwa arakhukholeele obubii bwosi ta.
31Orakhaaywa omundu owamahababa,
khandi oralobola tsinjilatsie kata nandalakhwo ta.
32Okhuba omurambaatsanu noweshisinyo khuMWAMI;
ne abakololofu nibo abeetsabe abasuubilwa.
33Eshilaamo shiOMWAMI eshiobubii shili munzu yomumayaanu,
ne aheelesinjia obumenyo bwomulunji ikhabi.
34Toto mwene, akokonyelanga abakokonyi;
ne khubeetuutuyi ahaananga obukoosia.
35Abachesi balaamilwa oluyali,
ne tsisoni nitsio obulaame bwabayingwa.
Oluluyia Union Version © Bible Society of Kenya 1975