Tsinjelo 2
2
Amalayi akeetsela oyo oukhaaba obuchesi
1Mwana wanje, noba notiila amakhuwa kanje,
nobiikha amalako kanje obe ninako;
2kho oreche amarwiko khubuchesi,
norakhwo omwoyo khukhumanyilisia.
3Yee, noba nohaabila obwahukhasii,
nochinga omwoyokwo onyoole okhumanyilisia;
4Noba nobukhaaba shinga ifeetsa,
noburunilisia shinga ebiolukoosi ebiayabilwa hasi;
5kho nilwo olwa olamanyilisia okhuria OMWAMI,
nonyoola okhumanya Nyasaye.
6Okhuba OMWAMI ahaananga obuchesi;
mumunwakwe murulangamwo obumanyi nende okhumanyilisia;
7abiishilanga abakololofu obuchesi bwahabwene;
niye ingabo khubo abachendanga mushiilongoole;
8mbu ahenje emihanda chiobukhalachi,
khandi alinde tsinjila tsiabo abamuheelanga.
9Kho nilwo olwa olamanyilisia obulunji nobukhalachi bwatoto,
nende obukololofu, yee, kata nende buli injila indayi.
10Okhuba obuchesi buleenjila mumwoyokwo,
obumanyi nabwo bulakhukaasila;
11obwitembelesi bulakhwaya,
okhumanyilisia khulakhulinda,
12nikhukhuhonia khunjila yobubii,
nokhubandu abo ababoolanga akobukhayikhanu;
13abalekhanga emihanda chiobukololofu,
mbu bachende khunjila tsieshiilima;
14abasangaalanga okhukhola obubii,
nibachama obukhayikhanu bwobubii.
15Abali abashiamu munjila tsiabwe,
abaranlbaatsanu mumihanda chiabwe.
16Olahonibwa khumukhasi omuheyi,
niye omutamba oulombelesinjia namakhuwake;
17oulekhanga omusaatsawe owamubula,
niyeebilila indakano yaNyasayewe;
18okhuba inzuye yiyeshelanga enakhufwa,
ne tsinjilatsie tsiyeshelanga enabiiniini biabaafwa.
19Khubeenjilanga ewa ali, babulaho abakalukhanga khandi,
kata shibatuushiianga emihanda chiobulamu khandi tawe.
20Ochende khunjila yabandu abalayi,
kho olalonda khumihanda chiabalunji.
21Okhuba abakololofu balamenya mushialo,
nabo abahabwene balatong'amwo.
22Nebutswa abamayaanu balaatisibwa okhurula mushialo,
nabakholanga akobukhobani baleehwa okhurula mushio.
Currently Selected:
Tsinjelo 2: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Tsinjelo 2
2
Amalayi akeetsela oyo oukhaaba obuchesi
1Mwana wanje, noba notiila amakhuwa kanje,
nobiikha amalako kanje obe ninako;
2kho oreche amarwiko khubuchesi,
norakhwo omwoyo khukhumanyilisia.
3Yee, noba nohaabila obwahukhasii,
nochinga omwoyokwo onyoole okhumanyilisia;
4Noba nobukhaaba shinga ifeetsa,
noburunilisia shinga ebiolukoosi ebiayabilwa hasi;
5kho nilwo olwa olamanyilisia okhuria OMWAMI,
nonyoola okhumanya Nyasaye.
6Okhuba OMWAMI ahaananga obuchesi;
mumunwakwe murulangamwo obumanyi nende okhumanyilisia;
7abiishilanga abakololofu obuchesi bwahabwene;
niye ingabo khubo abachendanga mushiilongoole;
8mbu ahenje emihanda chiobukhalachi,
khandi alinde tsinjila tsiabo abamuheelanga.
9Kho nilwo olwa olamanyilisia obulunji nobukhalachi bwatoto,
nende obukololofu, yee, kata nende buli injila indayi.
10Okhuba obuchesi buleenjila mumwoyokwo,
obumanyi nabwo bulakhukaasila;
11obwitembelesi bulakhwaya,
okhumanyilisia khulakhulinda,
12nikhukhuhonia khunjila yobubii,
nokhubandu abo ababoolanga akobukhayikhanu;
13abalekhanga emihanda chiobukololofu,
mbu bachende khunjila tsieshiilima;
14abasangaalanga okhukhola obubii,
nibachama obukhayikhanu bwobubii.
15Abali abashiamu munjila tsiabwe,
abaranlbaatsanu mumihanda chiabwe.
16Olahonibwa khumukhasi omuheyi,
niye omutamba oulombelesinjia namakhuwake;
17oulekhanga omusaatsawe owamubula,
niyeebilila indakano yaNyasayewe;
18okhuba inzuye yiyeshelanga enakhufwa,
ne tsinjilatsie tsiyeshelanga enabiiniini biabaafwa.
19Khubeenjilanga ewa ali, babulaho abakalukhanga khandi,
kata shibatuushiianga emihanda chiobulamu khandi tawe.
20Ochende khunjila yabandu abalayi,
kho olalonda khumihanda chiabalunji.
21Okhuba abakololofu balamenya mushialo,
nabo abahabwene balatong'amwo.
22Nebutswa abamayaanu balaatisibwa okhurula mushialo,
nabakholanga akobukhobani baleehwa okhurula mushio.
Oluluyia Union Version © Bible Society of Kenya 1975