Tsinjelo 22
22
1Nobulayi okhulobola eliira lilayi okhushila obuyinda obunji,
khandi obukoosia okhushila ifeetsa neitsahaabu.
2Abayinda nende abamanani baakaanilanga halala;
OMWAMI niye omulonji wabwe bosi.
3Omundu omuchesi alolanga obubii, mana yeebisa;
ne ababula amachesi babira bubira, mana banyoola amatinyu.
4Amatani kobwituutuyi nende okhuria OMWAMI niko obuyinda, nende oluyali, nende obulamu.
5Amareko nende amahwa kaliho munjila yabakhayikhanu;
ne owilindanga aleehaanya khuko.
6Wechesie omwana munjila eya akwanile okhukhulilamwo,
mana kata olwa aba nakofuule shialachirulakhwo ta.
7Omuyinda arukanga omumanani;
ne ouholanga nomukholi wa oyo oumuhosinjia ebindu.
8Ouraakanga obubii alachesa amasila;
ne indabushi yoburimabwe yilaakama.
9Omuhaani alaba neikhabi,
okhuba aheelesinjia abamanani khubiliibwabie.
10Yilusia omukokonyi, mana obusoolo bularula;
yee, obwinjililani nende amaseyo bilaakama.
11Oyo ouheelanga obweleleshe bwomwoyo,
nali owobukoosia mukhuboolakhwe, omuruchi alaba omwitsawe.
12Tsimoni tsiOMWAMI tsilindanga obumanyi,
ne afumaminjia amakhuwa komundu oubula obwisiikwa.
13Omukara aboolanga ari Italanyi yili elwanyi;
ndakheerelwa khumihanda.
14Eminwa chiabakhasi abaheyi nobuko oburambi;
ne owa OMWAMI asinyishilanga alakwamwo.
15Obusilu buboheele mumwoyo kwomwana,
nebutswa obusaala lwobuchesiyi lulabwilusia emale okhurula muye.
16Oumiinanga abamanani mbu mana yeenyoolele mganga,
kata ouhaanilanga abayinda, yoolanga butswa khubutakha.
Ameebaalo nende obuchesiyii
17Oreche amarwi, ohulile amakhuwa kabachesi,
norakhwo omwoyo khumubanyi bwanje.
18Okhuba nobulayi noba nokabiikhanga mwiwe,
nikamenya khululimi;
19Isie ekhumanyiyekhwo amakhuwa tsana leelo, yee, iwe omwene,
mbu mana obwisiichibwo bube muMWAMI.
20Nasi shikhuhandiichiile amakhuwa kataru,
akameebaalo nende obumanyi?
21Mbu omanye obwatieeli bwamakhuwa katoto,
kho mana obakalusilie abo abakhurumanga amakhuwa katoto noho?
22Oranuula omumanani, shichila nomumanani, tawe,
kata oramiina oukhupanga khushibii muluyia.
23Okhuba OMWAMI alabafunaanila eshiina shiabwe,
nabanuula obulamu abo ababanuulanga ebindu.
24Orahambana obwitsa nomundu ounalile oburaasi,
kata orachenda halala nomundu woburima ta;
25wakheeka tsinjilatsie, notiilwa mushireko.
26Oraba mulala khubo abapatananga amakhono,
nohomba khubo abeekholanga emisingo khulwa amakobi ta.
27Noba norali neshiokhurunga,
mbushiina yakhayila eshitalishio eshia okonilekhwo?
28Oreeha eshimanyilo shiolwakho shiakhale ta,
eshia abakuukabo basimikha.
29Koo: ololanga omundu ouli omusitsa mumulimokwe noho?
Oyo alasinjila imbeli wabaruchi;
shialasinjila imbeli wabandu abaramanyikhana tawe.
Currently Selected:
Tsinjelo 22: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
