Tsinjelo 1
1
Obulayi bwetsinjelo
1Tsinjelo tsiaSulemani waDaudi, omuruchi waIsiraeli;
2Okhumanyia abandu akobuchesi nende obuchesiyi,
nokhwahukhasia amakhuwa kokhumanyilisia;
3nokhutiila obuchesiyi bwoburechelefu,
obwobulunjishi, obwobukhalachi bwatoto, nobwobukololofu;
4okhubaha amachesi abahuma ninako,
nende khumusooliili, obumanyi nende oburechelefu;
5omuchesi naye ahulile, mana ameeteshe mubwechi;
khandi omundu wokhumanyilisia anyoole ameebaalo kobukholi bwahabwene;
6okhumanyilisia tsinjelo, nende ebifwanani,
amakhuwa kabachesi, nende eminehe chiabwe.
7Okhuria OMWAMI nikhwo obuchaachilo bwobumanyi;
ne abasilu bafwola obuchesi nende obuchesiyi.
Obuchesiyi nende obwibaali
8Mwana wanje, hulila obuchesiyi bwaso,
ne oralekha ameebaalo kamawo ta.
9Okhuba kalaba eshiisiaho shiobukoosia khumurwekwo,
khandi obunyolo mwikosilio.
10Mwana wanje, aboonooni nibaba nibakhuhombelesia,
orafuchiilila tawe.
11Nibaba nibakhuboolela bari Chenda khutsie ninawe,
khukoneshele okhuraatsia amabanga,
khumwiyiichile harali eshifune oyo oubula eshiuku;
12khubamile bilu nibali mwoyo, shinga Makombe,
khandi bukala, shinga abeekhanga muBuko;
13khulanyoola emiandu chiosi chiobukusi obutinyu,
khuleetsusia tsinzu tsieefwe ebiobunuuli;
14wibalile mwifwe;
fwesi nakhube nomufuko mulala;
15Mwana wanje, orachenda khunjila halala ninabo tawe;
yikalila eshilenjeshio shileshe okhulonda khumuhanda kwabwe;
16okhuba ebilenje biabwe biilushilanga obubii,
khandi bayuyukhanilanga okhuraatsia amabanga.
17Okhuba nakabutswa okhureka eshikoye,
linyonyi nililola;
18ne abo beekoneshelanga amabanga kabwe abeene,
beeyiichilanga obulamu bwabwe abeene.
19Nindio tsinjila tsiabuli mundu tsili, oulangushilanga inganga yobukaatii;
yibukulanga obulamu bwabachinyoolanga.
Omulango kwobuchesi
20Obuchesi buchinganga omwoyo khumuhanda;
buyiibukhanga mutsinyanyi;
21bulanjilisinjia habundu hakhongo heliboyochi;
habwakaanilo bwoluyia,
khandi mwitaala, buboolanga amakhuwa kabwo; mbu
22Inywe abahuma amachesi, mulaheelanga obusilu okhuula liina?
Abakokonyi nabo nibachama obukokonyi,
nabayingwa nibasinyishila obumanyi?
23Rechelesie okhulokha khwanje;
lole, ndalamusundulila omwoyo kwanje,
ndalamumanyia amalchuwa kanje.
24Okhuba enanjile, ne mulobile;
emukololosiliye omukhono, ne shiabeeleho omundu outeebile tawe;
25nebutswa muyiniyekhwo emioyo khumeebaalo kanje kosi,
nimureenya okhulokha khwanje ta.
26Nasi siesi ndalatseshelela khunyanga yamasila keenywe;
ndalanyokhoosia olwa aka mwaria koolanga;
27olwa aka mwaria keetsanga shinga ikhumatsi,
namasila keenywe keetsanga shinga imbumbuyeka;
olwa amatinyu nende obusaalili bimuulilanga.
28Nilwo olwa balimbaabila, nasi shindilikalusia tawe;
balikhaaba neshinani, nebutswa shibalinyoola ta;
29okhuba bakiya obumanyi,
nibaralobola okhuria OMWAMI tawe;
30Shibayeenya obwibaali bwanje tawe;
baleka okhulokha khwanje khwosi;
31khulwako balalia khubiamo bieinjila yabwe abeene,
aka barechekha abeene nikabanyala.
32Okhuba okhukalukha inyuma khwabahuma amachesi khulabeera,
ne obwaale bwabayingwa bulabasishia.
33Ne ouba niyambulilanga alamenya eshisichi mulembe,
naba mukhwihootselesia narariitsanga amabii ta.
Currently Selected:
Tsinjelo 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Tsinjelo 1
1
Obulayi bwetsinjelo
1Tsinjelo tsiaSulemani waDaudi, omuruchi waIsiraeli;
2Okhumanyia abandu akobuchesi nende obuchesiyi,
nokhwahukhasia amakhuwa kokhumanyilisia;
3nokhutiila obuchesiyi bwoburechelefu,
obwobulunjishi, obwobukhalachi bwatoto, nobwobukololofu;
4okhubaha amachesi abahuma ninako,
nende khumusooliili, obumanyi nende oburechelefu;
5omuchesi naye ahulile, mana ameeteshe mubwechi;
khandi omundu wokhumanyilisia anyoole ameebaalo kobukholi bwahabwene;
6okhumanyilisia tsinjelo, nende ebifwanani,
amakhuwa kabachesi, nende eminehe chiabwe.
7Okhuria OMWAMI nikhwo obuchaachilo bwobumanyi;
ne abasilu bafwola obuchesi nende obuchesiyi.
Obuchesiyi nende obwibaali
8Mwana wanje, hulila obuchesiyi bwaso,
ne oralekha ameebaalo kamawo ta.
9Okhuba kalaba eshiisiaho shiobukoosia khumurwekwo,
khandi obunyolo mwikosilio.
10Mwana wanje, aboonooni nibaba nibakhuhombelesia,
orafuchiilila tawe.
11Nibaba nibakhuboolela bari Chenda khutsie ninawe,
khukoneshele okhuraatsia amabanga,
khumwiyiichile harali eshifune oyo oubula eshiuku;
12khubamile bilu nibali mwoyo, shinga Makombe,
khandi bukala, shinga abeekhanga muBuko;
13khulanyoola emiandu chiosi chiobukusi obutinyu,
khuleetsusia tsinzu tsieefwe ebiobunuuli;
14wibalile mwifwe;
fwesi nakhube nomufuko mulala;
15Mwana wanje, orachenda khunjila halala ninabo tawe;
yikalila eshilenjeshio shileshe okhulonda khumuhanda kwabwe;
16okhuba ebilenje biabwe biilushilanga obubii,
khandi bayuyukhanilanga okhuraatsia amabanga.
17Okhuba nakabutswa okhureka eshikoye,
linyonyi nililola;
18ne abo beekoneshelanga amabanga kabwe abeene,
beeyiichilanga obulamu bwabwe abeene.
19Nindio tsinjila tsiabuli mundu tsili, oulangushilanga inganga yobukaatii;
yibukulanga obulamu bwabachinyoolanga.
Omulango kwobuchesi
20Obuchesi buchinganga omwoyo khumuhanda;
buyiibukhanga mutsinyanyi;
21bulanjilisinjia habundu hakhongo heliboyochi;
habwakaanilo bwoluyia,
khandi mwitaala, buboolanga amakhuwa kabwo; mbu
22Inywe abahuma amachesi, mulaheelanga obusilu okhuula liina?
Abakokonyi nabo nibachama obukokonyi,
nabayingwa nibasinyishila obumanyi?
23Rechelesie okhulokha khwanje;
lole, ndalamusundulila omwoyo kwanje,
ndalamumanyia amalchuwa kanje.
24Okhuba enanjile, ne mulobile;
emukololosiliye omukhono, ne shiabeeleho omundu outeebile tawe;
25nebutswa muyiniyekhwo emioyo khumeebaalo kanje kosi,
nimureenya okhulokha khwanje ta.
26Nasi siesi ndalatseshelela khunyanga yamasila keenywe;
ndalanyokhoosia olwa aka mwaria koolanga;
27olwa aka mwaria keetsanga shinga ikhumatsi,
namasila keenywe keetsanga shinga imbumbuyeka;
olwa amatinyu nende obusaalili bimuulilanga.
28Nilwo olwa balimbaabila, nasi shindilikalusia tawe;
balikhaaba neshinani, nebutswa shibalinyoola ta;
29okhuba bakiya obumanyi,
nibaralobola okhuria OMWAMI tawe;
30Shibayeenya obwibaali bwanje tawe;
baleka okhulokha khwanje khwosi;
31khulwako balalia khubiamo bieinjila yabwe abeene,
aka barechekha abeene nikabanyala.
32Okhuba okhukalukha inyuma khwabahuma amachesi khulabeera,
ne obwaale bwabayingwa bulabasishia.
33Ne ouba niyambulilanga alamenya eshisichi mulembe,
naba mukhwihootselesia narariitsanga amabii ta.
Oluluyia Union Version © Bible Society of Kenya 1975