Obubali 27
27
Okhusaba khwabakhaana baZelofehadi
1Mana abakhaana baZelofehadi waHeferi, waGileadi, waMakhiri, waManase, owokhutsinzu tsiaManase waYusufu, nibasita ahambi. Ameera kabakhaanabe ngakano, mbu Mala, naNoa, naHogila, naMilika, naTirisa. 2Nibasinjila imbeli waMusa, khandi imbeli waEleazari omukuhani, khandi imbeli wabakhulundu nomuKhung'aano kwosi, hamuliango weliheema liokhwakaana, nibasunga bari 3Seefwe yafwila mushitsiimi, ne shiyali nali mumukanda kwa abo abakhung'aana OkhufukuIa OMWAMI mumukanda kwabanga Kora ta; ne yafwa mubwonooni bubwe omwene; ne shiyalikhwo nabaana abasiani ta. 4Kho eliira liaseefwe liyinibwe mubeinzu yabwe mbushiina, shichila shiyali nomwana omusiani ta? Mukhuheelesie ebiakhaba ebieefwe mubaana babwe seefwe.
5Kho Musa naleera amakhuwa kabwe imbeli wOMWAMI. 6OMWAMI namuboolela Musa ari 7Abakhaana baZelofehadi bateechile; okhuha obaheelesie ebiba ebiabwe biobulaame mubasiani babwe saabwe; obaheelesie obulaame bwasaabwe. 8Khandi oboolele abaana baIsiraeli ori Omundu naba nafwa, ne naralikhwo nomwana emusiani ta, kho muheelesie omwanawe omukhaana obulaamebwe. 9Ne naba naralikhwo nomwana omukhaana ta, kho muheelesie abaana babwe obulaamebwe. 10Ne naba naralikhwo nabaana babwe ta, kho muheelesie abaana babwe samwana obulaamebwe. 11Ne kata samwana naba naralikhwo nabaana babwe ta, kho muheelesie omuluyiawe ouli ahambi naye munzu yabwe obulaamebwe, bube obubwe; ne kalababeela abaana barsiraeli obukhalachi obulachilisibwa, shinga OMWAMI olwa yamulaka Musa.
Musa Okhwela Yosua akalushe mushilenjeshie
(Okhuka. 31.1-8)
12Mana OMWAMI naboolela Musa mbu Niina otsie khushikulu shino shiaAbarimu, ohenje eshialo eshia ndabaheelesia abaana baIsiraeli. 13Ne olwa olaba noshiluutsi, iwe wesi olalonda abandubo, shinga Haruni omwana weenywe olwa yabalonda; 14shichila mwakhaya likhuwa lianje mushitsiimi shieZini, mubuyingani bwomukhung'aano, okhunzahula kamatsi ako imbeli wabwe. Niko amatsi kaMeriba eKadeshi mushitsiimi shieZini. 15Mana Musa nasunjila OMWAMI ari 16OMWAMI, Nyasaye wetsiroho tsiabandu bosi, areho omundu aruche emukhung'aano kuno; 17oulasamulanga nibalola, noulachelelanga nibalola; oulabasamusinjia nabachelesia; mbu omukhung'aano kwOMWAMI kuleshe okhuba shinga amakondi abakula omwayi. 18OMWAMI namuboolela Musa ari Bukula Yoswa waNuni, omundu owa roho ali muye, omurekhwo omukhono; 19mana omure imbeli waEleazari omukuhani, khandi imbeli womukhung'zano kwosi; nawe omulachilisie, bo nibalola. 20Mana olamukabilakhwo khuluyalilwo, mbu bosi abomukhung'aano kwabaana baIsiraeli bamuhulilenje. 21Asinjile imbeli waEleazari omukuhani, naye amureebele munjila yobukhalachi bwaUrimu imbeli wOMWAMI. Khwikhuwa lilie balasamulanga, khandi khwikhuwalie balachelelanga, ye omwene nende abaana baIsiraeli bosi, nibo omukhung'aano kwosi. 22Kho Musa nakhola shinga OMWAMI olwa yamulaka; yabukula Yoswa, namura imbeli waEleazari omukuhani, khandi imbeli womukhung'aano kwosi; 23namurakhwo amakhono, namulachilisia, shinga OMWAMI olwa yaboela mumunwa kwaMusa.
Currently Selected:
Obubali 27: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
