Obubali 17
17
Indabushi yaHaruni
1OMWAMI naboolela Musa ari 2Sungana nabaana baIsiraeli, nobukula okhurula mumakhono kabwe tsindabushi, ndala khulwa buli shilibwa, khubakhulundu bebilibwa biabwe shinga olwa bali, mbu tsindabushi ekhumi natsibili; nohandiika eliira liabuli mundu khundabushiye. 3Ohandiiche eliira liaHaruni khundabushi yaLawi; okhuba indabushi yilabaho ndala khulwa buli mwimilisi weshilibwa. 4Mana otsibiishe mwiheema liokhwakaana imbeli wOburumbusi tsana, ewa enzakaanilanga nineenyu 5Ne kalaba mbu omundu owa ndalalobola, indabushiye yilakanikha; nolwa ndaleeyakamilia obubuutsuluuli bwabaana baIsiraeli, obwa bamubuutsuluulilanga. 6Kho Musa nasungana nabaana baIsiraeli, ne abakhulundu babwe bosi nibamuheelesia tsindabushi, ndala yabuli mukhulundu, ebilibwa biabwe shinga olwa biali, mbu tsindabushi ekhumi natsibili; nayo indabushi yaHaruni yali niyili mundabushi tsiabwe 7Musa nabiikha tsindabushi etsio imbeli wOMWAMI mwiheema liOburumbusi.
8Mana mukamba Musa niyeenjila mwiheema liOburumbusi; ne lole, indabushi yaHaruni eyali yeinzu yaLawi yali niyikaniishe, niyirusia amakanikha, niyimulikha ebimuli, niyama amalusi ameengu. 9Mana Musa narusia tsindabushi etsio tsiosi okhurula ewa tsiali imbeli wOMWAMI, natsileera ewa abaana baIsiraeli bali nabo nibahenga, nibabukula buli mundu indabushiye. 10OMWAMI namuboolela Musa mbu Kalusia indabushi yaHaruni imbeli wOburumbusi, yibiikhwe yibe eshilolelo okhufukula abeinduli; mbu wakamilie elala okhubuutsuluula khwabwe okhwa bambuutsuluulilanga, baleshe okhufwa. 11Musa nakhola ario; shinga OMWAMI olwa yamulaka, nindio yakhola.
12Nabo abaana baIsiraeli nibasunjila Musa bari Lola, khuli okhusikha; khuhweele; fwesi khuhweele pe. 13Buli mundu yesi ousita ahambi, ousitila eshimenyo shiOMWAMI ahambi, afwitsanga. Khulasikha fwesi noho?
Currently Selected:
Obubali 17: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
