Obubali 15
15
Amalako khukebihaanwa
1OMWAMI naboolela Musa mbu 2Boolela abaana baIsiraeli ori Olwa muba nimwinjiile mushialo eshia muli okhumenyamwo, eshia emuheelesia, 3nimuhaanila OMWAMI okhurula mubiayo kata mung'ombe eshihaanwa eshikholelwa omulilo, mbu omusango omusambe, kata omusango kundi, okhuusia eshiitsubo, kata eshihaanwa eshia ohaana khulwa okhuchama, kata munduukho tsiamasabo, okhukholela OMWAMI eshiuya eshilayi; 4kho ouleera eshihaanwashie aleerele OMWAMI omusango kweimele, mbu eshitonye shielikhumi shia efa yobusie obunyushe obutsokasiibwemwo amafura eshitonye shiakhane shia hini ndala; 5nende idivai yomusango kwokhutsushila, eshitonye shiakhane shia hini, ochikasie halala nomusango omusambe kata omusango kundi, khulwa likondi lieshimwamwane. 6Kata khulwa limiiku, okasie omusango kweimele, mbu ebitonye bibili bielikhumi bia efa yobusia obunyushe obutsokasiibwemwo amafura eshitonye shiakhataru shia hini; 7ne khulwa omusango kwokhutsushila oleere idivai eshitonye shiakhataru shia hini, eyeshiuya eshilayi khuMWAMI. 8Ne olwa oba nokasia ing'ombe khulwa omusango omusambe, kata omusango kundi, okhuusia eshiitsubo, kata khulwa omusango kundi khwishia khuMWAMI, 9kho halala neing'ombe tsana, ouhaana aleere omlusango kweimele, mbu ebitonye bitaru bielikhumi bia efa yobusie obunyushe obutsokasiibwemwo amafura inusu ya hini. 10Ne oleere khulwa omusango kwokhutsushila idivai inusu ya hini khulwa eshihaanwa eshikholelwa omulilo, shieshiuya eshilayi khuMWAMI.
11Nolwa okholele buli surusi, kata buli limiiku, kata buli likondi lieshimwamwane, kata buli shimeeme shieimbusi. 12Obunji bwabio ebia okasinjia shinga olwa buli, nolwa okholele buli shilala, obunji bwabio shinga olwa buli. 13Bosi abali abeebule bakhole amakhuwa kano khunjila yino, nibaleera eshihaanwa eshikholelwa omulilo, shieshiuya eshilayi khuMWAMI 14Ne omurende naba namenya mwinywe, kata omundu yesi oubeetsanga mwinywe munzibulo tsieenywe, niyeenya okhuleera eshihaanwa eshikholelwa omulilo, shieshiuya eshilayi khuMWAMI, kho akhole shinga inywe olwa mukholanga. 15Khubelibukana, Iilako lilabeetsangaho elala, khulweenywe khandi khulwa omurende ouba namenya mwinywe, lilako elilabeetsangaho tsindaalo tsiosi munzibulo tsieenywe tsiosi; shinga inywe olwa muli, nolwa omurende oyo alabeetsanga ario imbeli wOMWAMI. 16Amalako kabe malala, khandi obukhalachi bulala, khulweenywe khandi khulwa omurende oumenya mwinywe.
17OMWAMI naboolela Musa mbu 18Boolela abaana baIsiraeli ori Olwa muba nimwinjiile mushibala eshia emuyilayo, 19kho olwa muba nimuliakhwo khubiliibwa bieshibala eshio, muhaanile OMWAMI isadaka. 20Khubusie bweenywe obuhandaale obwambeli, muhaane eliandasi libe isadaka; shinga olwa mukholanga isadaka yolutse, mushihaane murio. 21Iihubusie bweenywe obuhandaale obwambeli, muhaanilenje OMWAMI isadaka munzibulo tsieenywe tsiosi.
22Ne olwa muba nimukosile, nimurakhola akamalako kano kosi aka OMWAMI yaboolela Musa ta, 23niko kosi aka OMWAMI yamulaka mumunwa kwaMusa, okhurula khunyanga olwa OMWAMI yalachilisia, nokhutsiililila khurio munzibulo tsieenywe tsiosi, 24kho kabe kari nanwa; mbu niliba niliakholwa khulwa okhukorwa, abomukhung'aano nibaramanyilenje ta, kho abomukhung'aano kwosi baleere ihuunwa ndala yomusango kwokhusambwa, khulwa eshiuya eshilayi khuMWAMI, halala nomusango kweimele kwayo, nomusango kwokhutsushila kwayo, obukhalachi shinga olwa buli; khandi ikhole ndala yomusango kwobwonooni. 25Naye omukuhani atise omukhung'aano kwosi kwabaana baIsiraeli, nabo balaleshelwaokhuba liali likosa, ne bulaano baleerile eshihaanwa shiabwe, mbu eshihaanwa eshikholelwa omulilo khuMWAMI khandi nende omusango kwabwe kwobwonooni imbeli wOMWAMI, khulwa likosa liabwe. 26Kho omukhung'aano kwosi kwabaana baIsiraeli baleshelwe, halala nomurende ouba namenya mubo; okhuba khulubeka lwabandu bosi, liakholwa khulwa okhukorwa.
27Kata omundu mulala naba niyoonoona khulwa okhukorwa, kho aleere imbusi isibiini yomuyika mulala eyomusango kwobwonooni. 28Naye omukuhani atise omundu oyo owakosa, olwa yoonoona khulwa okhukorwa, imbeli w, okhumutisa; mana alaleshelwa. 29Mube namalalio malala khulwoyo oukhola likhuwa liosi khulwa okhukorwa, khulwoyo ouli omwibule mubaana baIsiraeli, khandi khulwa omurende ouba namenya mubo. 30Nebutswa omundu oukhola likhuwa liosi chiminiyai, kata nali omwibule kata omurende, omwenoyo anyekanga OMWAMI; omundu oyo yaakamibwe mubandu babwe. 31Okhuba yaleka likhuwa liaNyasaye, niyoonoonia lilakolie, omundu oyo yaakamilibwe elala; obumayaanubwe bube khuye.
Owoonooninjia isabato yalaswa namachina
32Olwa abaana baIsiraeli bali nibali mushitsiimi banyoola omundu nareenya tsikhwi khunyanga yaSabato. 33Nabo abamunyoola nareenya bamuleera khuMusa naHaruni, nokhumukhung'aano kwosi. 34Nibamura mundindi, shichila shikali nikarumbuulwe aka akhoyile okhukholelwa ta. 35OMWAMI namuboolela Musa mbu Omundu oyo yeerwe bwirwa; abomukhung'aano kwosi bamulase namachina elwanyi weikambi. 36Abomukhung'aano kwosi nibamuyila elwanyi weil ambi, nibamulasa namachina, nafwa; shinga OMWAMI olwa yamulaka Musa.
Akamayebeyo khubiifwalo
37OMWAMI naboolela Musa ari 38Boolela abaana baIsiraeli nobabiila mbu bakhole amayebeyo khumikhanda chietsingubo tsiabwe munzibulo tsiabwe tsiosi, khandi mbu khumayebeyo kabuli mukhanda barekhwo olutsaha Iweibuluu. 39Nako kalaba khwinywe amayebeyo akokhuhenga nimwitsulila amalako kosi kOMWAMI, nimukakhola; mbu muleshenje okhulonda akemioyo chieenywe netsimoni tsieenywe, ebia muyinyanga okhulonda shinga abaheyi. 40Kho mwitsulilenje amalako kanje kosi, nimukakhola, nimuba abatakatifu khuNyasaye weenywe. 41Nisie OMWAMI Nyasaye weenywe, owamurusia mushibala shiaMisiri, mbu embe Nyasaye weenywe; nisie OMWAMI Nyasaye weenywe.
Currently Selected:
Obubali 15: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
