Abalawi 1
1
Emisango emisambe
1OMWAMI yalanga Musa, nasungana ninaye okhurula ewa yali mwiheema liokhwakaana, ari 2Sungana nabaana baIsiraeli, nobaboolela mbu Olwa omundu yesi khwinywe aba naleerela OMWAMI eshihaanwashie, aleere eshihaanwashie eshiokhumiruko, mbu khung'ombe kata khubiayo.
3Eshihaanwashie nishiba nishili omusango kwokhusambwa okwokhung'ombe, aleere isaatsa eyibula obulema; achileere hamuliango weliheema liokhwakaana, mbu afuchiililwe imbeli wOMWAMI. 4Mana are omukhonokwe khumurwe kwomusango kwokhusambwa; nakwo kulafuchiililwa khululwe, okhumutisa. 5Kho yeere ing'ombe tsana imbeli w; mana abaana baHaruni, abakuhani, baleere amalasile, nibakooha amalasile tsana khumbeka tsiosi tsieshimalilo eshili hamuliango weliheema liokhwakaana. 6Mana abaache omusango kwokhusambwa nakufwona ebitonye. 7Nabo abaana baHaruni omukuhani babwane omulilo khushimalilo, nibaanzakhwo tsikhwi khumulilo; 8khandi abakuhani abaana baHaruni baanzekhwo ebitonye tsana, halala nomurwe namasinya, khukhwi etsio khumulilo okuli khushimalilo; 9nebutswa amala nebilenje, abiosie namatsi; mana omukuhani achisambile yosi khushimalilo yibe omusango omusambe, eshihaanwa eshikholelwa omulilo, shieshiuya eshilayi khuMWAMI.
10Kata eshihaanwashie nishiba nishili eshiokhubiayo, khumakondi kata khumbusi, khulwa omusango kwokhusambwa, aleere eshisaatsa eshibula obulema. 11Ashiirile elubeka Iweshimalilo enotsi, imbeli w; nabo abaana baHaruni, abakuhani, boohe amalasile kashio khushimalilo tsimbeka tsiosi. 12Mana ashifwone ebitonye, halala nomurwe namasinya; naye omukuhani abianzekhwo khukhwi etsiokhumulilo okuli khushimalilo 13nebutswa amala nebilenje, abiosie namatsi; mana omukuhani ashileere shiosi, ashisambile khushimalilo; nomusango omusambe, eshihaanwa eshikholelwa omulilo, shieshiuya eshilayi khuMWAMI.
14Kata eshihaanwashie khuMWAMI nishiba nishili omusango kwokhusambwa kwamanyonyi, kho aleere eshihaanwashie shiamahuusi kata emisosole chiamakuuku. 15Omukuhani alileere khushimalilo, aborole likosi nafwonola omurwe nalisambila khushimalilo; amalasile kalio nako karaatsile khulubeka Iweshimalilo; 16mana ayiniemwo libootselo namabaha, nabisukuna mushibero weshimalilo ebukwe, habundu welikoshe, 17naliabula tsimbaha, oburaliarasilia elala ta; mana omukuhani alisambile khushimalilo, khukhwi etsiokhumulilo; nomusango omusambe, eshihaanwa eshikholelwa omulilo, shieshiuya eshilayi khuMWAMI.
Currently Selected:
Abalawi 1: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
