TsiaYeremia 4
4
Okhukuumwa khwaSayuni
1Mako, okhung'inang'ina khweitsahaabu khuhweele!
Itsahaabu inzele muno yikalukhaane pe!
Amachina amatakatifu kasalasiibwe khubuchaachilo bwabuli injila.
2Abaana abakoosi baSayuni,
abachelasibwa neitsahaabu inzele,
mako, bapaarwa butswa shinga tsisiongo tsielitoyi,
emilimo chiamakhono komulonji!
3Kata amabwe kanuuninjia abaana bako;
nebutswa omukhaana wabandu banje abula tsimbaoasi,
shinga amahuto mushitsiimi.
4Olulimi Iwomwana ounuuna luhandile mushinakhuna khulwa obuloho;
abaana abahele basab a ebiliibwa,
ne abulaho oubamechela.
5Abali nibaliitsanga ebinulu bafwilanga khunjila;
abo abalelelwa mungubo tsinzakhanyu bahanda khubituuli biamakokha.
6Okhuba obukuumwi bwobumayaanu bwomukhaana wabandu banje
bushila obukuumwi bwobwonooni bwaSodomu eliakwisibwa shialwangu,
aharali omukhono kwosi okhureebwakhwo ta.
7Ab amakurube bali abeeleleshe okhushila itsaluchi;
bali abalafu okhushila amabeele;
emibili chiabwe chiaakhanya okhuushila tsinyuma tsinzakhanyu;
obukondo bwabwe bweengana obweisapiri.
8Bulaano mumoni mwabwe nomumali ti;
nibali khunjila shibamanyikha ta;
likhoba liabwe linialila khumakumba;
lifululuushe, likwile shiolusaala.
9Nabeikhabi abeerwa nolukanga okhushila abeerwa neinzala;
okhuba bo bahweelelela,
nibafumirwa nobutambi bwa ebio ebirula mumikunda.
10Amakhono kabakhasi abeshisa kateeshile abaana babwe abeene;
bakwile ebiliibwa biabwe mukhwonoonekha khwomukhaana wabandu banje.
11Obululu bwOMWAMI burunduushe;
atsushile butsukha oburimabwe obululu;
ahambiye omulilo muSayuni,
nakwo kuliile omuse kwalio pe.
12Abaruchi beshialo shibasuubila ta,
kata bosi abamenyanga mushialo,
mbu omufukuli nomusuku bakheenjila mubilibwa bieYerusalemu.
13Ne keekholile khulwa ebionoono biabanabiibe,
nende obumayaanu bwabakuhanibe,
abeebeenilia hakariwe amabanga kabalunjishi.
14Rahutuuma shinga ababofu khunjila;
bakwile abobukaali khulwa amabanga;
abandu nibaranyala okhufuchiilila okhutiilakhwo khungubo tsiabwe ta.
15Abandu balanganga khubo bari Hweho! Abobukaali!
Khahweho! Khahweho! Muratiilakhwo ta!
Kho beelukha nibakwa abatiimatiimi,
abandu nibasunga mubamahanga bari Shibanyala okhumenya hano khandi ta.
16OMWAWI omwene abasalaasiye;
shialabahengakhwo khandi ta.
Abandu shibaria abakuhani khandi,
kata okhukoosia abakofu ta.
17Tsimoni tsieefwe tsiachoonya khulwa okhuhenga ihabini, niyileetsa ta;
Khwahenga buhenga nikhulindiilila lihanga eliranyala okhukhuhonia ta.
18Bakhurakhwo olutsemba kata shikhunyala okhuchenda khunjila tsieefwe ta;
eshihesi shieefwe shili ahambi, tsindaalo tsieefwe tsihelile;
eshihesi shieefwe shiulile.
19Abakhulondachilila bali abaangu okhushila tsinditsu etsiomwikulu;
bakhulonda mubikulu,
nibakhukoneshela mushitsiimi.
20Owingana shinga omuuya okwomumoolu keefwe,
mbu masihi wOMWAMI, yatiililwa mumako kabwe;
oyo owa khwasungakhwo mbu Mushiinikhashie khulamenya mumahanga.
21Wikhoye nosangaala, iwe omukhaana waEdomu,
oumenya mushialo shiaUzi;
ne eshikombe shilabira nishiula khwiwe wesi;
olameela niwitaakula.
22Obukuumwi bwobumayaanubwo buhweele,
iwe omukhaana waSayuni;
shialakhuyila mubwarwi khandi ta.
Ne obumayaanu bubwo, omukhaana waEdomu, ye alabukuuma;
alafuunula ebionoonobio.
Currently Selected:
TsiaYeremia 4: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
