Yoswa 9
9
Obukaatii bwabaGibeoni
1Ne abaruchi bosi abali injelekha weYorodani, mushialo shiebikulu nomushialo shiolwasi, nokhulukuku lwosi lweinyanza ikhongo imbeli waLebanoni, mbu abaHiti, nabaAmori, nabaKanaani, nabaPerizi, nabaHiwi, nabaYebusi, olwa bahulilakhwo, 2bakhung'aana halala okhuseera Yoswa naIsiraeli, nomwoyo mulala.
3Ne abamenyanga muGibeoni olwa bahulila aka Yoswa yali nakholeele Yeriko nende Ai, 4nabo nibakhola akobuchesichesi, nibeekasilia ebiokhulia, nibabukula amak-lmia amakhulu khutsisishili tsiabwe, nebisiikolo biamaseelo bieidivai, ebikhulu ebiarandukha nibiboheelelwa; 5nebilaaro ebikofuule mubilenje biabwe, ebiakhupwa ebiraka, netsingubo tsiabwe etsikofuule; nomukaate kwosi kwebiokhulia biabwe nikuli omuumu nikwakhupa olukukhu. 6Nibatsia ewa Yoswa yali mukambi yeGiligali, nibamusunjila halala uabaIsiraeli, bari Ifwe khurulile mushialo shiehale; kho chende khulie nineenyu omuuma. 7Nabo abaIsiraeli nibasunjila abaHiwi bari Haundi mwakhaba nimumenyanga hakari weefwe; khwakhanyala khurie okhulia nineenyu omuuma? 8Nibasunjila Yoswa bari Nifwe abasumba beenywe. Yoswa nabareeba mbu Ninywe beena? Murula heena? 9Nabo nibamukalusia mbu Ifwe abasumbabo khurulile mushialo shiehale muno, khulwa eliira liOMWAMI Nyasayewo; okhuba khwahuliile akeifumaye, nende kosi aka yakholela muMisiri, 10nakosi aka yakholela abaruchi abo babili babaAmori abali injelekha weYorodani, mbu Sihoni omuruchi waHeshiboni naOgu omuruchi waBashani, owali namenya eAshitarotsi. 11Kho abakofu beefwe, nabamenyanga mushialo shieefwe bosi, nibakhuboolela mbu Bukule ebiokhuliila khunjila mubichinjilo bieenywe, mutsie mubaakaanile, nimubasunjila mbu Nifwe abasumba beenywe; bulaano khulie nineenyu omuuma. 12Emikaate chieefwe chino khwarusia munzu tsieefwe nichishiyiile chibe ebiokhulia bieefwe ebiokhunjila, khunyanga eya khwarulila okhumwitsila; ne bulaano lole, kumalile okhuuma, nikukhupa olukhu. 13Kata nende ebisiikolo bino bieidivai, ebia khweetsusia nibili ebiyia; ne lole, biarandukha; kata tsinoubo tsieefwe nebilaaro bieefwe nabio biakofulila khuluchendo luno olurambi muno. 14Ne abandu baliakhwo khubiokhulia biabwe, nibarasaba obwibaali ewOMWAMI ta. 15Yoswa nalia ninabo omuuma kwemulembe, nakhola indakano ninabo, okhubalekha babe mwoyo; abakhulundu bomukhung'aano nabo nibabeetsubila bario.
16Nebutswa olunyuma lwetsindaalo tsitaru nibamalile okhulia ninabo omuuma, bahulila shinga olwa bali abamenyani babwe, khanai mbu bamenyanga hakari wabwe. 17Kho abaana baIsiraeli nibabuusia oluchendo, niboola khumataala kabwe khunyanga yakhataru. Nako amataala kabwe kali Gibeoni, naKhefira, naBeerotsi, naKiriatsi-yearimu. 18Ne abaana baIsiraeli shibabeera ta, shichila abakhulundu bomukhung'aano bali nibabeetsubiile khuMWAMI, Nyasaye waIsiraeli. Abomukhung'aano bosi nibabuutsuluulila abakhulundu tsana. 19Nebutswa abakhulundu basunjila abomukhung'aano kwosi mbu Khwabeetsubila khuMWAMI, Nyasaye waIsiraeli; kho bulaano shikhunyala okhubatiilakhwo ta. 20Lino nilio elia khulabakholela, nikhubalekha babe mwoyo; oburima buleshe okhuba khwifwe, khulwa eshiitsubo eshia khwabeetsubiile. 21Abakhulundu nibasunga mbu Lekha babe mwoyo. Kho nibakwa abaasiachi betsikhwi nabatsii bamatsi khumukhung'aano kwosi, shinga abakhulundu olwa bali nibababeoleele.
22Mana Yoswa nabalanga, nasungana ninabo nabareeba mbu Mbushiina nimukhukaatia, nimusunga mbu Khubeetsanga ehale muno nineenyu, khane nimumenyanga hakari weerwe? 23Kho bulaano muli mushilaamo shiobubii; shibalachweya okhubaho khwinywe abali abasumba, abaasiachi betsikhwi nabatsii bamatsi khulwa inzu yaNyasaye wanje ta. 24Nabo nibakalusia Yoswa nibasunga mbu Shichila ifwe abasumbabo khwaboolelwa toto shinga olwa OMWAMI Nyasayewo yalaka omusumbawe Musa okhumuheelesia eshialo shhlo shiosi, nokhutibia abamenyanga mushialo bosi bahweho imbeli weenywe; niko akachila nikhuria muno akobulamu bweefwe khulweenywe, nikhukhola likhuwa lino. 25Ne bulaano, lola, khuli mumukhonokwo; okLukholele aka oluutsi amalayi akakhukhoyeele. 26Naye nabakholela ari, nabahonia mumakhono kabaana baIsiraeli, baleshe okhubeera. 27Yoswa nabakholainyanga eyo babe abaasiachi betsikhwi nabatsii bamatsi khulwa omukhung'aano, khandi khulwa eshimalilo shiemisango shiOMWAMI, okhuula olwa leelo, habundu tsana aha yakhalobola.
Currently Selected:
Yoswa 9: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Yoswa 9
9
Obukaatii bwabaGibeoni
1Ne abaruchi bosi abali injelekha weYorodani, mushialo shiebikulu nomushialo shiolwasi, nokhulukuku lwosi lweinyanza ikhongo imbeli waLebanoni, mbu abaHiti, nabaAmori, nabaKanaani, nabaPerizi, nabaHiwi, nabaYebusi, olwa bahulilakhwo, 2bakhung'aana halala okhuseera Yoswa naIsiraeli, nomwoyo mulala.
3Ne abamenyanga muGibeoni olwa bahulila aka Yoswa yali nakholeele Yeriko nende Ai, 4nabo nibakhola akobuchesichesi, nibeekasilia ebiokhulia, nibabukula amak-lmia amakhulu khutsisishili tsiabwe, nebisiikolo biamaseelo bieidivai, ebikhulu ebiarandukha nibiboheelelwa; 5nebilaaro ebikofuule mubilenje biabwe, ebiakhupwa ebiraka, netsingubo tsiabwe etsikofuule; nomukaate kwosi kwebiokhulia biabwe nikuli omuumu nikwakhupa olukukhu. 6Nibatsia ewa Yoswa yali mukambi yeGiligali, nibamusunjila halala uabaIsiraeli, bari Ifwe khurulile mushialo shiehale; kho chende khulie nineenyu omuuma. 7Nabo abaIsiraeli nibasunjila abaHiwi bari Haundi mwakhaba nimumenyanga hakari weefwe; khwakhanyala khurie okhulia nineenyu omuuma? 8Nibasunjila Yoswa bari Nifwe abasumba beenywe. Yoswa nabareeba mbu Ninywe beena? Murula heena? 9Nabo nibamukalusia mbu Ifwe abasumbabo khurulile mushialo shiehale muno, khulwa eliira liOMWAMI Nyasayewo; okhuba khwahuliile akeifumaye, nende kosi aka yakholela muMisiri, 10nakosi aka yakholela abaruchi abo babili babaAmori abali injelekha weYorodani, mbu Sihoni omuruchi waHeshiboni naOgu omuruchi waBashani, owali namenya eAshitarotsi. 11Kho abakofu beefwe, nabamenyanga mushialo shieefwe bosi, nibakhuboolela mbu Bukule ebiokhuliila khunjila mubichinjilo bieenywe, mutsie mubaakaanile, nimubasunjila mbu Nifwe abasumba beenywe; bulaano khulie nineenyu omuuma. 12Emikaate chieefwe chino khwarusia munzu tsieefwe nichishiyiile chibe ebiokhulia bieefwe ebiokhunjila, khunyanga eya khwarulila okhumwitsila; ne bulaano lole, kumalile okhuuma, nikukhupa olukhu. 13Kata nende ebisiikolo bino bieidivai, ebia khweetsusia nibili ebiyia; ne lole, biarandukha; kata tsinoubo tsieefwe nebilaaro bieefwe nabio biakofulila khuluchendo luno olurambi muno. 14Ne abandu baliakhwo khubiokhulia biabwe, nibarasaba obwibaali ewOMWAMI ta. 15Yoswa nalia ninabo omuuma kwemulembe, nakhola indakano ninabo, okhubalekha babe mwoyo; abakhulundu bomukhung'aano nabo nibabeetsubila bario.
16Nebutswa olunyuma lwetsindaalo tsitaru nibamalile okhulia ninabo omuuma, bahulila shinga olwa bali abamenyani babwe, khanai mbu bamenyanga hakari wabwe. 17Kho abaana baIsiraeli nibabuusia oluchendo, niboola khumataala kabwe khunyanga yakhataru. Nako amataala kabwe kali Gibeoni, naKhefira, naBeerotsi, naKiriatsi-yearimu. 18Ne abaana baIsiraeli shibabeera ta, shichila abakhulundu bomukhung'aano bali nibabeetsubiile khuMWAMI, Nyasaye waIsiraeli. Abomukhung'aano bosi nibabuutsuluulila abakhulundu tsana. 19Nebutswa abakhulundu basunjila abomukhung'aano kwosi mbu Khwabeetsubila khuMWAMI, Nyasaye waIsiraeli; kho bulaano shikhunyala okhubatiilakhwo ta. 20Lino nilio elia khulabakholela, nikhubalekha babe mwoyo; oburima buleshe okhuba khwifwe, khulwa eshiitsubo eshia khwabeetsubiile. 21Abakhulundu nibasunga mbu Lekha babe mwoyo. Kho nibakwa abaasiachi betsikhwi nabatsii bamatsi khumukhung'aano kwosi, shinga abakhulundu olwa bali nibababeoleele.
22Mana Yoswa nabalanga, nasungana ninabo nabareeba mbu Mbushiina nimukhukaatia, nimusunga mbu Khubeetsanga ehale muno nineenyu, khane nimumenyanga hakari weerwe? 23Kho bulaano muli mushilaamo shiobubii; shibalachweya okhubaho khwinywe abali abasumba, abaasiachi betsikhwi nabatsii bamatsi khulwa inzu yaNyasaye wanje ta. 24Nabo nibakalusia Yoswa nibasunga mbu Shichila ifwe abasumbabo khwaboolelwa toto shinga olwa OMWAMI Nyasayewo yalaka omusumbawe Musa okhumuheelesia eshialo shhlo shiosi, nokhutibia abamenyanga mushialo bosi bahweho imbeli weenywe; niko akachila nikhuria muno akobulamu bweefwe khulweenywe, nikhukhola likhuwa lino. 25Ne bulaano, lola, khuli mumukhonokwo; okLukholele aka oluutsi amalayi akakhukhoyeele. 26Naye nabakholela ari, nabahonia mumakhono kabaana baIsiraeli, baleshe okhubeera. 27Yoswa nabakholainyanga eyo babe abaasiachi betsikhwi nabatsii bamatsi khulwa omukhung'aano, khandi khulwa eshimalilo shiemisango shiOMWAMI, okhuula olwa leelo, habundu tsana aha yakhalobola.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975