Yoswa 10
10
AbaAmori nibahulwa
1Ne olwa Adoni-zedeki, omuruchi waYerusalemu, yahulila shinga Yoswa olwa yali nabukuule Ai, nalimululila elala; shinga olwa yali niyakholela Yeriko nomuruchi walio, nolwa yali nakholeele Ai nomuruchi walio; khandi shinga abamenyanga muGibeoni olwa bali nibeesaasaniye nende Isiraeli, nibali hakari wabwe, 2kho yaria muno; shichila Gibeoni liali litookho likhongo, shinga elala khumatookho kabaruchi; khandi shichila liashila Ai, khandi abandu balio bos bali abalulu. 3Kho khulwako Aooni-zedeki omuruchi waYerusalemu yaruma abandu ewaHohamu, omuruchi waHeberoni, newaPiramu omuruchi waYaramutsi, newaYafia omuruchi waLakhishi, khandi ewaDebiri emuruchi waEgeloni; ari 4Tikulushe munzitsile, mukhoonye, khukhupe Gibeoni; okhuba baliile omuuma kwomulembe nende Yoswa nabaana baIsiraeli 5Kho abaruchi abo baraano babaAmori, mbu omuruchi waYerusalemu, nemuruchi waKeberoni, nomuruchi waYaramutsi nomuruchi waLakhishi, nomuruchi waEgeloni, bakhung'aana halala, nibatikulukha namal e kabwe kosi, nibakhupa ikambi ahahengana naGibeeni, nibaliseera lihe.
6Nabo abandu baGibeoni nibahaabila Yoswa khukambi yeGiligali, bari Oratendeyia omukhonokwo khubasumbabo ta; witse bwangu ewa khuli, okhuhabine nokhuhonia; okhuba abaruchi bosi babaAmori abamenya mushialo shiebikulu bakhung'aanile okhukhuseera. 7Kho Yoswa natikulukha okhurula eGiligali, ye nende abandu belihe bosi, nabalulu bosi beitswoni. 8OMWAMI naboolela Yoswa mbu Orabaria ta; okhuba embahaanile mumukhonokwo; omundu yesi khubo shialasinjila imbeliwo ta. 9Kho Yoswa yabatsiila nabasundusia; okhuba yatikulukha okhurula eGiligali eshilo tulu. 10OMWAMI nabakoyaasia inmbeli waIsiraeli, naye nabeera obwiri obukhongo eGibeeni, nabeelusia khunjila yeshisia shiaBetsi-horoni, nabarootsa okhuula eAzeka naMakeda. 11Ne olwa bali nibeelukhanga Isiraeli, nibakholomokhanga khushisia shiaBetsi-horoni, OMWAMI yakwisia amachina amakhongo kelikulu khubo okhuula eAzeka, nibafwa; abeerwa namachina keifula nibaba abanji okhushila abo aba abaana baIsiraeli beera netsinganga.
12Mana Yosua yasungana nOMWAMI khunyanga olwa OMWAMI yahaana abaAmori mumakhono kabaana baIsiraeli; naboola, Isiraeli yosi niyilola, ari
Iwe Eliuba, yema khuGibeoni,
nawe Omwesi, mwibanda liaAiyaloni.
13Eliuba niliema, omwesi nikusinjila,
okhuula lihanga olwa liali nilimalile eshikwoli khubasuku babwe.
Kano shikahandiikwa nmushitabu shiaYashari? Mbu Eliuba liasinjila hakari welikulu, niliraanguha okhuyeela ta, eshise eshihela inyanga inamba. 14Shiyaliho inyanga yosi eyafwanana ninayo, kata khale kata olunyumakhwo ta, olwa OMWAMI yahulila omwoyo kwomundu; okhuba OMWAMI yalwanila Isiraeli.
15Mana Yoswa nakalukha, nende Isiraeli yosi, khukambi yeGiligali.
16Nabo abaruchi baraano tsana nibeelukha nibeebisa mumbinga eyili eMakeda. 17Naye Yoswa naboolelwa ari Abaruchi abo baraano banyoolilwe, nibeebisile mumbinga eMakeda. 18Yoswa nakalusia mbu Selenjesie amachina amakhongo hamunwa kweimbinga, nimuraho abandu mbu babalinde; 19habula inywe murasinjilakhwo ta; londachilile abasuku beenywe, nimukhupa abeinyuma; murabafuchiilila okhwinjila mumataala kabwe ta; okhuba OMWAMI Nyasaye weenywe ubahaanile mumakhono keenywe. 20Kho olwa Yoswa nabaana baIsiraeli bali nibamalile okhubeera obwiri obukhongo, okhuula olwa bali nibamalilaanwe pe, omusikalo okwali nikushitong'a khubo nibeenjiile mumataala ketsingoba, 21abandu bosi bakalushila Yoswa mukambi eMakeda shisale; kata omundu yesi narachinga omunwa okhufukula abaana baIsiraeli ta.
22Mana Yoswa nasunga mbu Yikule omunwa kweimbinga, mundusilie abaruchi abo baraano, okhurula mumbinga. 23Nibakhola bario, nibamurusilia abaruchi abo baraano mumbinga, mbu omuruchi waYerusalemu, nomuruchi waHeberoni, nomuruchi waYarimutsi, nomuruchi waLakhishi, nende omuruchi waEgeloni. 24Mana olwa bali nibamurusiliye Yoswa abaruchi tsana, Yoswa yalanga abandu bosi baIsiraeli, nasunjila abaseesia babandu belihe aba yatsia ninabo, ari Site yino, mure ebilenje bieenywe khumakosi kabaruchi bano. Nabo nibasita ahambi, nibara ebilenje khumakosi kabwe. 25Yoswa nabasunjila mbu Muraria kata okhufwa omwoyo ta; mwitinyie muume ikholo; okhuba nilwo olwa OMWAMI alakholelanga abasuku beenywe bosi abamuseeranga. 26Olunyumakhwo Yoswa nabakhupa, nabeera, nabeeleesia khumisaala chiraano; nibabayo nibeeleelile khumisaala tsana okhuula olwa bweela. 27Mana eliuba olwa liali niliyeela Yoswa yalaka abandu, nabo nibabaakula khumisaala, nibabasukuna mumbinga eya bali nibeebisilemwo, nibara amachina amakhongo khumunwa kweimbinga, akaliho okhuula olwa leelo.
28Yoswa nabukula Makeda inyanga eyo, nalikhupa netsinganga, nende omuruchi walio; yabamalilanila elala, bosi abali nibalimwo, naralekha omundu yesi ta; nakholela omuruchi waMakeda shinga olwa yali niyakholela omuruchi waYeriko.
29Mana Yoswa narula eMakeda, nende abaIsiraeli bosi, nibabira niboola eLibina, nibaseera Libina; 30nalio khandi OMWAMI nalihaana mumakhono kaIsiraeli, nende omuruchi walio, nalikhupa netsinganga, nabosi abali nibalimwo; shiyalekhamwo omundu yesi ta; nakholela omuruchi walio shinga olwa yali niyakholela omuruchi waYeriko.
31Mana Yoswa narula eLibina, nende abaIsiraeli bosi, nibabira niboola eLakhishi; nibaliikalila, nibaliseera; 32OMWAMI nahaana Lakhishi mumukhono kwaIsiraeli, naye nalibukula khunyanga yakhabili, nalikhupa netsinganga, nabosi abali nibalimwo, kosi aka yali nakholeele Libina shinga olwa kali.
33Mana Horamu, omuruchi waGezeri, natikulukha niyeetsa okhuhabina Lakhishi; Yoswa namukhupa, nende abandube, naralekha omundu yesi ta.
34Mana Yoswa narula eLakhishi, nende abaIsiraeli bosi, nibabira niboola eEgeloni; nibaliikalila, nibaliseera; 35nibalibukula khunyanga yeneyo, nibalikhupa netsinganga; ne bosi abali nibalimwo yabamalilanila elala khunyanga yeneyo, kosi aka yali nakholeele Lakhishi shinga olwa kali.
36Mana Yoswa natikulukha okhurula eEgeloni, nende abaIsiraeli bosi, niboola eHeberoni; nibaliseera; 37nibalibukula, nibalikhupa netsinganga, nomuruchi walio, namataala kalio, nabosi abali nibalimwo; shiyalekha omundu yesi ta, kosi aka yali nakholeele Egeloni shinga olwa kali; ne yalimalilanila elala, nabosi abali nibalimwo.
38Mana Yoswa nakalukha, nende abaIsiraeli bosi, niboola eDebiri; nibaliseera; 39nalibukula, nomuruchi walio, namataala kalio; nibabakhupa netsinganga, nibamalilanila elala bosi abali nibalimwo; shiyalekha omundu yesi ta; shinga olwa yali nakholeele Heberoni, nolwa yakholela Debiri nomuruchi walio; khandi shinga olwa yali niyakholela Libina nomuruchi walio.
40Kho Yoswa yahula ario eshialo shiosi, mbu eshialo shiebikulu, naNegebu, neshialo shiolwasi, nebisia, nende abaruchi babio bosi; kata shiyalekha omundu yesi ta; ne yamalilanila elala biosi ebiheelanga omuuya, shinga OMWAMI Nyasaye waIsiraeli olwa yali niyalaka. 41Yoswa nabakhupa okhurula eKadeshi-barinea okhuula eGaza, neshialo shiosi shiaGosheni okhuula eGibeoni. 42Abaruchi abo bosi neshialo shiabwe, Yoswa yabukulila khushise shilala, okhuba OMWAMI Nyasaye waIsiraeli yalwanila Isiraeli. 43Mana Yoswa nakalukha, nende Isiraeli yosi, khukambi yeGiligali.
Currently Selected:
Yoswa 10: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Yoswa 10
10
AbaAmori nibahulwa
1Ne olwa Adoni-zedeki, omuruchi waYerusalemu, yahulila shinga Yoswa olwa yali nabukuule Ai, nalimululila elala; shinga olwa yali niyakholela Yeriko nomuruchi walio, nolwa yali nakholeele Ai nomuruchi walio; khandi shinga abamenyanga muGibeoni olwa bali nibeesaasaniye nende Isiraeli, nibali hakari wabwe, 2kho yaria muno; shichila Gibeoni liali litookho likhongo, shinga elala khumatookho kabaruchi; khandi shichila liashila Ai, khandi abandu balio bos bali abalulu. 3Kho khulwako Aooni-zedeki omuruchi waYerusalemu yaruma abandu ewaHohamu, omuruchi waHeberoni, newaPiramu omuruchi waYaramutsi, newaYafia omuruchi waLakhishi, khandi ewaDebiri emuruchi waEgeloni; ari 4Tikulushe munzitsile, mukhoonye, khukhupe Gibeoni; okhuba baliile omuuma kwomulembe nende Yoswa nabaana baIsiraeli 5Kho abaruchi abo baraano babaAmori, mbu omuruchi waYerusalemu, nemuruchi waKeberoni, nomuruchi waYaramutsi nomuruchi waLakhishi, nomuruchi waEgeloni, bakhung'aana halala, nibatikulukha namal e kabwe kosi, nibakhupa ikambi ahahengana naGibeeni, nibaliseera lihe.
6Nabo abandu baGibeoni nibahaabila Yoswa khukambi yeGiligali, bari Oratendeyia omukhonokwo khubasumbabo ta; witse bwangu ewa khuli, okhuhabine nokhuhonia; okhuba abaruchi bosi babaAmori abamenya mushialo shiebikulu bakhung'aanile okhukhuseera. 7Kho Yoswa natikulukha okhurula eGiligali, ye nende abandu belihe bosi, nabalulu bosi beitswoni. 8OMWAMI naboolela Yoswa mbu Orabaria ta; okhuba embahaanile mumukhonokwo; omundu yesi khubo shialasinjila imbeliwo ta. 9Kho Yoswa yabatsiila nabasundusia; okhuba yatikulukha okhurula eGiligali eshilo tulu. 10OMWAMI nabakoyaasia inmbeli waIsiraeli, naye nabeera obwiri obukhongo eGibeeni, nabeelusia khunjila yeshisia shiaBetsi-horoni, nabarootsa okhuula eAzeka naMakeda. 11Ne olwa bali nibeelukhanga Isiraeli, nibakholomokhanga khushisia shiaBetsi-horoni, OMWAMI yakwisia amachina amakhongo kelikulu khubo okhuula eAzeka, nibafwa; abeerwa namachina keifula nibaba abanji okhushila abo aba abaana baIsiraeli beera netsinganga.
12Mana Yosua yasungana nOMWAMI khunyanga olwa OMWAMI yahaana abaAmori mumakhono kabaana baIsiraeli; naboola, Isiraeli yosi niyilola, ari
Iwe Eliuba, yema khuGibeoni,
nawe Omwesi, mwibanda liaAiyaloni.
13Eliuba niliema, omwesi nikusinjila,
okhuula lihanga olwa liali nilimalile eshikwoli khubasuku babwe.
Kano shikahandiikwa nmushitabu shiaYashari? Mbu Eliuba liasinjila hakari welikulu, niliraanguha okhuyeela ta, eshise eshihela inyanga inamba. 14Shiyaliho inyanga yosi eyafwanana ninayo, kata khale kata olunyumakhwo ta, olwa OMWAMI yahulila omwoyo kwomundu; okhuba OMWAMI yalwanila Isiraeli.
15Mana Yoswa nakalukha, nende Isiraeli yosi, khukambi yeGiligali.
16Nabo abaruchi baraano tsana nibeelukha nibeebisa mumbinga eyili eMakeda. 17Naye Yoswa naboolelwa ari Abaruchi abo baraano banyoolilwe, nibeebisile mumbinga eMakeda. 18Yoswa nakalusia mbu Selenjesie amachina amakhongo hamunwa kweimbinga, nimuraho abandu mbu babalinde; 19habula inywe murasinjilakhwo ta; londachilile abasuku beenywe, nimukhupa abeinyuma; murabafuchiilila okhwinjila mumataala kabwe ta; okhuba OMWAMI Nyasaye weenywe ubahaanile mumakhono keenywe. 20Kho olwa Yoswa nabaana baIsiraeli bali nibamalile okhubeera obwiri obukhongo, okhuula olwa bali nibamalilaanwe pe, omusikalo okwali nikushitong'a khubo nibeenjiile mumataala ketsingoba, 21abandu bosi bakalushila Yoswa mukambi eMakeda shisale; kata omundu yesi narachinga omunwa okhufukula abaana baIsiraeli ta.
22Mana Yoswa nasunga mbu Yikule omunwa kweimbinga, mundusilie abaruchi abo baraano, okhurula mumbinga. 23Nibakhola bario, nibamurusilia abaruchi abo baraano mumbinga, mbu omuruchi waYerusalemu, nomuruchi waHeberoni, nomuruchi waYarimutsi, nomuruchi waLakhishi, nende omuruchi waEgeloni. 24Mana olwa bali nibamurusiliye Yoswa abaruchi tsana, Yoswa yalanga abandu bosi baIsiraeli, nasunjila abaseesia babandu belihe aba yatsia ninabo, ari Site yino, mure ebilenje bieenywe khumakosi kabaruchi bano. Nabo nibasita ahambi, nibara ebilenje khumakosi kabwe. 25Yoswa nabasunjila mbu Muraria kata okhufwa omwoyo ta; mwitinyie muume ikholo; okhuba nilwo olwa OMWAMI alakholelanga abasuku beenywe bosi abamuseeranga. 26Olunyumakhwo Yoswa nabakhupa, nabeera, nabeeleesia khumisaala chiraano; nibabayo nibeeleelile khumisaala tsana okhuula olwa bweela. 27Mana eliuba olwa liali niliyeela Yoswa yalaka abandu, nabo nibabaakula khumisaala, nibabasukuna mumbinga eya bali nibeebisilemwo, nibara amachina amakhongo khumunwa kweimbinga, akaliho okhuula olwa leelo.
28Yoswa nabukula Makeda inyanga eyo, nalikhupa netsinganga, nende omuruchi walio; yabamalilanila elala, bosi abali nibalimwo, naralekha omundu yesi ta; nakholela omuruchi waMakeda shinga olwa yali niyakholela omuruchi waYeriko.
29Mana Yoswa narula eMakeda, nende abaIsiraeli bosi, nibabira niboola eLibina, nibaseera Libina; 30nalio khandi OMWAMI nalihaana mumakhono kaIsiraeli, nende omuruchi walio, nalikhupa netsinganga, nabosi abali nibalimwo; shiyalekhamwo omundu yesi ta; nakholela omuruchi walio shinga olwa yali niyakholela omuruchi waYeriko.
31Mana Yoswa narula eLibina, nende abaIsiraeli bosi, nibabira niboola eLakhishi; nibaliikalila, nibaliseera; 32OMWAMI nahaana Lakhishi mumukhono kwaIsiraeli, naye nalibukula khunyanga yakhabili, nalikhupa netsinganga, nabosi abali nibalimwo, kosi aka yali nakholeele Libina shinga olwa kali.
33Mana Horamu, omuruchi waGezeri, natikulukha niyeetsa okhuhabina Lakhishi; Yoswa namukhupa, nende abandube, naralekha omundu yesi ta.
34Mana Yoswa narula eLakhishi, nende abaIsiraeli bosi, nibabira niboola eEgeloni; nibaliikalila, nibaliseera; 35nibalibukula khunyanga yeneyo, nibalikhupa netsinganga; ne bosi abali nibalimwo yabamalilanila elala khunyanga yeneyo, kosi aka yali nakholeele Lakhishi shinga olwa kali.
36Mana Yoswa natikulukha okhurula eEgeloni, nende abaIsiraeli bosi, niboola eHeberoni; nibaliseera; 37nibalibukula, nibalikhupa netsinganga, nomuruchi walio, namataala kalio, nabosi abali nibalimwo; shiyalekha omundu yesi ta, kosi aka yali nakholeele Egeloni shinga olwa kali; ne yalimalilanila elala, nabosi abali nibalimwo.
38Mana Yoswa nakalukha, nende abaIsiraeli bosi, niboola eDebiri; nibaliseera; 39nalibukula, nomuruchi walio, namataala kalio; nibabakhupa netsinganga, nibamalilanila elala bosi abali nibalimwo; shiyalekha omundu yesi ta; shinga olwa yali nakholeele Heberoni, nolwa yakholela Debiri nomuruchi walio; khandi shinga olwa yali niyakholela Libina nomuruchi walio.
40Kho Yoswa yahula ario eshialo shiosi, mbu eshialo shiebikulu, naNegebu, neshialo shiolwasi, nebisia, nende abaruchi babio bosi; kata shiyalekha omundu yesi ta; ne yamalilanila elala biosi ebiheelanga omuuya, shinga OMWAMI Nyasaye waIsiraeli olwa yali niyalaka. 41Yoswa nabakhupa okhurula eKadeshi-barinea okhuula eGaza, neshialo shiosi shiaGosheni okhuula eGibeoni. 42Abaruchi abo bosi neshialo shiabwe, Yoswa yabukulila khushise shilala, okhuba OMWAMI Nyasaye waIsiraeli yalwanila Isiraeli. 43Mana Yoswa nakalukha, nende Isiraeli yosi, khukambi yeGiligali.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975