Yoswa 11
11
Yabini nende abashie bahulzua
1Ne olwa Yabini, omuruchi waHazori, yahulilakhwo, yaruma abandu ewaYobabu omuruchi waMadoni, nende omuruchi waShimironi nomuruchi waAkhishafu, 2nende ewabaruchi abali enotsi, mushialo shiebikulu, nomuAraba elubeka Iwesautsi weKhinerotsi, nomushialo shilwasi, nomuNafotsi-dori mumbo; 3ewabaKanaani abali ebukwe nende mumbo, nabaAmori, nabaHiti, nabaPerizi, nabaYebusi abomushialo shiebikulu, nabaHiwi abali mundaalila yaHeremoni mushialo shiaMizipa. 4Nabo nibarula, namahe kabwe kosi, abandu abanji muno, obunji shinga omuyeshe okwokhulukuku Iweinyanza, netsifarasi tsinyinji muno, namakaari. 5Abaruchi abo bosi nibakhung'aana halala; nibeetsa nibakhupa tsikambi halala hamatsi kaMeromu, okhuseera Isiraeli.
6OMWAMI naboolela Yoswa mbu Orariitsanga khulwabwe ta; okhuba mukamba khusaa yino nembahaane bosi, nibamalile okhwirwa, mumakhono kaIsiraeli; olarema tsifarasi tsiosi emisi chiebilenje, nokhupa mumakaari kabwe omulilo. 7Kho Yoswa niyeetsa, nabandu belihe bosi, nibabaseera hamatsi kaMeromu, nibabasundusia nibabarootsa. 8OMWAMI nabahaana mumukhono kwaIsiraeli, nibabakhupa, nibabeelusia okhuula eSidoni likali, khandi okhuula eMisirefotsi-maimu, khandi okhuula khwibanda lieMizipe ebukwe; nibabarootsa okhuula olwa baralekha omundu yesi ta. 9Yoswa yabakholela shinga OMWAMI olwa yamulaka; yarema tsifarasi tsiabwe emisi chiebilenje, nakhupa mumakaari kabwe omulilo.
10Mana habwenaho Yoswa yashiukhana nabukula Hazori, nakhupa omuruchi walio nolukanga; okhuba khale Hazori nilio eliali omurwe kwoburuchi obwo bwosi. 11Nibakhupa bosi abali nibalimwo netsinganga, nibabamalilanila elala; shishiasikalaho eshindu shiosi eshiheela omuuya ta; nasamba Hazori nomulilo. 12Yoswa nabukula amatookho kosi kabaruchi abo, nabaruchi bako bosi, nabakhupa netsinganga, nabamalilanila elala; shinga Musa omusumba w olwa yali niyalaka. 13Nebutswa amataala akasinjila khubituuli, abaIsiraeil shibakasambakhwo tn, habula Hazori lionyene; lienelo Yoswa yalisamba. 14Ne ebiyaayo biamataala ako, nemiruko, abaana baIsiraeli babibukula bibe ebioluyiitsi biabwe; habula bakhupa buli mundu nolukanga, okhuula olwa bali nibabamalilaane; kata shibalekha eshindu shiosi eshiheela omuuya ta. 15Shinga OMWAMI olwa yalaka Musa omusumbawe, nolwa Musa yalaka Yoswa; khandi nolwa Yoswa yakhola ario; shiyachweya okhukhola likhuwa liosi mukosi aka OMWAMI yalaka Musa ta.
Yoswa yabukula eshialo shiosi
16Kho Yoswa yabukula ario eshialo eshio shiosi; mbu eshialo shiebikulu, naNegebu shiosi, neshialo shiosi shiaGosheni, neshialo shiolwasi naAraba, neshialo shiebikulu shiaIsiraeli, neshialo shiolwasi shiayo; 17okhurula khushikulu shiaHalaki, elichinguukha elubeka IweSeiri, okhuula eBaali-gadi mwibanda liaLebanoni, mundaalila weshikulu shiaHeremoni; yabukula abaruchi babwe bosi, nabakhupa, nabeera 18Yoswa naseerana nabaruchi abo bosi lihe oluhoono. 19Shilialiho litaala liosi elialia omuuma kwomulembe nabaana baIsiraeli ta, habula abaHiwi abamenya muGibeoni bonyene; bakabukulila kosi mwihe. 20Shichila yali OMWAMI owatinyia emioyo chiabwe, okhwitsa okhuseera Isiraeli lihe, mbu abatibilie elala, barabeelwakhwo tsimbabasi ta, ne mbu abasishie, shinga OMWAMI olwa yali niyamulaka Musa.
21Mana habwenaho Yoswa niyeetsa, nasishia abaAnaki okhurula mushialo shiebikulu, nokhurula muHeberoni, nokhurula muDebiri, nokhurula muAnabu, nokhurula mushialo shiebikulu shiosi shiaYuda, nokhurula mushialo shiebikulu shiosi shiaIsiraeli; Yoswa nabamalilanila elala, namataala kabwe kosi. 22Kata shibasikalakhwo abokhubaAnaki mushialo shiabaana balsiraeli ta habula muGaza, nomuGatsi, nomuAshidodi, nimwo omwa abandi basikala. 23Kho Yoswa yashibukula ario eshialo shiosi, kosi aka OMWAMI yaboolela Musa shinga olwa kali; Yoswa nashihaana shibe obulaame bwalsiraeli, emikabo chietsimbia tsiabwe shinga olwa chiali, eshialo nishihuluukha khwihe.
Currently Selected:
Yoswa 11: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Yoswa 11
11
Yabini nende abashie bahulzua
1Ne olwa Yabini, omuruchi waHazori, yahulilakhwo, yaruma abandu ewaYobabu omuruchi waMadoni, nende omuruchi waShimironi nomuruchi waAkhishafu, 2nende ewabaruchi abali enotsi, mushialo shiebikulu, nomuAraba elubeka Iwesautsi weKhinerotsi, nomushialo shilwasi, nomuNafotsi-dori mumbo; 3ewabaKanaani abali ebukwe nende mumbo, nabaAmori, nabaHiti, nabaPerizi, nabaYebusi abomushialo shiebikulu, nabaHiwi abali mundaalila yaHeremoni mushialo shiaMizipa. 4Nabo nibarula, namahe kabwe kosi, abandu abanji muno, obunji shinga omuyeshe okwokhulukuku Iweinyanza, netsifarasi tsinyinji muno, namakaari. 5Abaruchi abo bosi nibakhung'aana halala; nibeetsa nibakhupa tsikambi halala hamatsi kaMeromu, okhuseera Isiraeli.
6OMWAMI naboolela Yoswa mbu Orariitsanga khulwabwe ta; okhuba mukamba khusaa yino nembahaane bosi, nibamalile okhwirwa, mumakhono kaIsiraeli; olarema tsifarasi tsiosi emisi chiebilenje, nokhupa mumakaari kabwe omulilo. 7Kho Yoswa niyeetsa, nabandu belihe bosi, nibabaseera hamatsi kaMeromu, nibabasundusia nibabarootsa. 8OMWAMI nabahaana mumukhono kwaIsiraeli, nibabakhupa, nibabeelusia okhuula eSidoni likali, khandi okhuula eMisirefotsi-maimu, khandi okhuula khwibanda lieMizipe ebukwe; nibabarootsa okhuula olwa baralekha omundu yesi ta. 9Yoswa yabakholela shinga OMWAMI olwa yamulaka; yarema tsifarasi tsiabwe emisi chiebilenje, nakhupa mumakaari kabwe omulilo.
10Mana habwenaho Yoswa yashiukhana nabukula Hazori, nakhupa omuruchi walio nolukanga; okhuba khale Hazori nilio eliali omurwe kwoburuchi obwo bwosi. 11Nibakhupa bosi abali nibalimwo netsinganga, nibabamalilanila elala; shishiasikalaho eshindu shiosi eshiheela omuuya ta; nasamba Hazori nomulilo. 12Yoswa nabukula amatookho kosi kabaruchi abo, nabaruchi bako bosi, nabakhupa netsinganga, nabamalilanila elala; shinga Musa omusumba w olwa yali niyalaka. 13Nebutswa amataala akasinjila khubituuli, abaIsiraeil shibakasambakhwo tn, habula Hazori lionyene; lienelo Yoswa yalisamba. 14Ne ebiyaayo biamataala ako, nemiruko, abaana baIsiraeli babibukula bibe ebioluyiitsi biabwe; habula bakhupa buli mundu nolukanga, okhuula olwa bali nibabamalilaane; kata shibalekha eshindu shiosi eshiheela omuuya ta. 15Shinga OMWAMI olwa yalaka Musa omusumbawe, nolwa Musa yalaka Yoswa; khandi nolwa Yoswa yakhola ario; shiyachweya okhukhola likhuwa liosi mukosi aka OMWAMI yalaka Musa ta.
Yoswa yabukula eshialo shiosi
16Kho Yoswa yabukula ario eshialo eshio shiosi; mbu eshialo shiebikulu, naNegebu shiosi, neshialo shiosi shiaGosheni, neshialo shiolwasi naAraba, neshialo shiebikulu shiaIsiraeli, neshialo shiolwasi shiayo; 17okhurula khushikulu shiaHalaki, elichinguukha elubeka IweSeiri, okhuula eBaali-gadi mwibanda liaLebanoni, mundaalila weshikulu shiaHeremoni; yabukula abaruchi babwe bosi, nabakhupa, nabeera 18Yoswa naseerana nabaruchi abo bosi lihe oluhoono. 19Shilialiho litaala liosi elialia omuuma kwomulembe nabaana baIsiraeli ta, habula abaHiwi abamenya muGibeoni bonyene; bakabukulila kosi mwihe. 20Shichila yali OMWAMI owatinyia emioyo chiabwe, okhwitsa okhuseera Isiraeli lihe, mbu abatibilie elala, barabeelwakhwo tsimbabasi ta, ne mbu abasishie, shinga OMWAMI olwa yali niyamulaka Musa.
21Mana habwenaho Yoswa niyeetsa, nasishia abaAnaki okhurula mushialo shiebikulu, nokhurula muHeberoni, nokhurula muDebiri, nokhurula muAnabu, nokhurula mushialo shiebikulu shiosi shiaYuda, nokhurula mushialo shiebikulu shiosi shiaIsiraeli; Yoswa nabamalilanila elala, namataala kabwe kosi. 22Kata shibasikalakhwo abokhubaAnaki mushialo shiabaana balsiraeli ta habula muGaza, nomuGatsi, nomuAshidodi, nimwo omwa abandi basikala. 23Kho Yoswa yashibukula ario eshialo shiosi, kosi aka OMWAMI yaboolela Musa shinga olwa kali; Yoswa nashihaana shibe obulaame bwalsiraeli, emikabo chietsimbia tsiabwe shinga olwa chiali, eshialo nishihuluukha khwihe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975