Isaya 60
60
Oluyali olwitsa okhuba khuSayuni
1Buukha, washe; okhuba obulafubwo bwitsile,
oluyali lwOMWAMI nalwo lukhufwindile.
2Okhuba lola, eshiilima shilafuunikha eshialo,
eshiilima eshimali ti shilafwimba tsimbia tsiabandu;
ne OMWAMI alakhufwindila iwe,
oluyalilwe nalwo lulaloleshela khwiwe.
3Amahanga kaleetsa khubulafubwo,
abaruchi nabo nibeetsela okhwakha khwokhufwindakhwo.
4Chinguula tsimonitsio tsimbeka tsiosi, olole;
mbu beekhung'aasia halala nibakhwitsila;
abaanabo abasiani balarula ehale,
abaanabo abakhaana nabo baleetsa, nibahakarwa khukhukunyu.
5Mana olalola, obusangaafu nibukhwashia mumoni,
omwoyokwo nakwo kuleekhoya nikwitsiala;
okhuba obunji obwomunyanza bulakhushiukhasilibwa,
obuyinda bwamahanga bulakhwitsila.
6Tsingam a tsinyinji tsilakhufuunikha,
mbu tsingamia tsimbuukha tsieMidiani nende Efa;
baleetsa bosi okhurula eSheba;
baleetsa nende itsahaabu nende obubaane,
nibatswania ifuma yOMWAMI.
7Ebiayo biosi biaKedari bilakhukhung'aasibwa,
amamiiku kaNebayotsi nako kalakhukhalaba kaleetsa nikafuchiililwa khushimalilo shianje,
nasi ndalang'oona inzu yanje ing'oonefu.
8Nibeena bano abeeyuula shinga lileesi,
khandi shinga orukuukuu niruhenjile mutsikhombe tsiarwo?
9Nitoto, tsinguku tsilanindiilila.
Amaaro kaTarashishi kalaraniilila okhurusia abaanabo abasiani okhurula ehale feetsa yabwe neitsahaabu yabwe halala ninabok khulwa eliira liOMWAMI Nyasayewo,
khandi khulwa Omutakatifu waIsiraeli,
shichila yakholile owoluyali.
10Abarende baloombakha olukobalwo,
abaruchi babwe nabo balakhukhalabanila;
okhuba muburima bwanje ndakhukhupa,
ne mubukoosia bwanje ndakhubeeleele tsimbabasi.
11Bilibwabio bilabeetsanga nibiikuushe obushia nobushia;
shibiliikalwakhwo eshiteere kata eshilo ta;
mbu abandu bakhuleerele ebiobuyinda bwamahanga,
abaruchi babwe nabo nibeemililwa halala ninabo.
12Okhuba lihanga elo kata abobwami obwo abarakhukhalabanila iwe ta, balatiba;
toto mwene, amahanga ako kalamululilwa elala.
13Oluyali lwaLebanoni lulakhwitsila,
omutaraakwe, nomutitsari, nomuteyashuri, chiosi halala,
okhung'oona habundu wanje ahatakatifu;
nasi ndalaheelesia habundu webilenje bianje oluyali.
14Abaana ba abo abakhusandia balakhwitsila nibondile;
nabeenabo abakhuleka balabunama hasi habilenjebio;
ne balakhulanga mbu Litookho liOMWAMI,
mbu Sayuni liatsana liOmutakatifu waIsiraeli.
15Shinga olwa walekhwa nokiywa,
omundu yesi narabira hakari mwiwe ta.
Kho ndalakhukhola obe nobukhulundu bwobumeli,
omwikhoyo kwebisoni nebisoni.
16Olanuuna amabeele kamahanga,
nende okhunuuna tsimbeele tsiabaruchi;
ne olamanya mbu isie OMWAMI endi omuhoniawo,
khandi omununuliwo, Omwene Bunyali waYakobo.
17Mushilenje shiomukasa endeera itsahabu,
ne mushilenje shieshibia endeera ifeetsa ne mushilenje shiemisaala, omukasa,
ne mushilenje shiamachina, eshibia;
khandi ekhola omulembe kube oburukwibwo,
obulunjishi nabwo bukhuruche.
18Akamahababa shikalahulilwakhwo mushialoshio khandi,
okhukwisibwa likunda kata okhumululwa hakari wetsinaakhotsio ta;
ne olakulikha Obuhonia mbu nolukobalwo ebilibwabio nabio Obwitsoomii.
19Omubasu shikulaba obulafubwo khandi mushiteere,
kata omwesi shikulakhulangalila obulafu mushilo ta.
Nebutswa OMWAMI alabeetsanga khwiwe obulafu oburahwaho ta,
khandi Nyasayewo alaba oluyalilwo.
20Eliubalio shililakhuyeelela khandi,
kata omwesikwo okhukhwilila ta.
Okhuba OMWAMI alabeetsanga obulafubwo oburahwaho ta,
netsindaalo tsiokhwikhuulakhwo tsilaba nitsiakaame.
21Abandubo nabo balaba abalunjishi bosi;
eshialo shilaba eshiabwe obushia nobushia;
babe indombo eyoburaachi bwanje, khandi emilimo chiamakhono kanje,
mbu isie eheebwe oluyali.
22Omutuutu aleekhola eshikhumila,
omuhele naye lihanga liamaani;
isie OMWAMI ndalalianguyilisia munduukho yalio.
Currently Selected:
Isaya 60: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
