Popular Bible Verses from Isaya 60

Share

Buukha, washe; okhuba obulafubwo bwitsile, oluyali lwOMWAMI nalwo lukhufwindile.

Amahanga kaleetsa khubulafubwo, abaruchi nabo nibeetsela okhwakha khwokhufwindakhwo.

Okhuba lola, eshiilima shilafuunikha eshialo, eshiilima eshimali ti shilafwimba tsimbia tsiabandu; ne OMWAMI alakhufwindila iwe, oluyalilwe nalwo lulaloleshela khwiwe.

Omutuutu aleekhola eshikhumila, omuhele naye lihanga liamaani; isie OMWAMI ndalalianguyilisia munduukho yalio.

Omubasu shikulaba obulafubwo khandi mushiteere, kata omwesi shikulakhulangalila obulafu mushilo ta. Nebutswa OMWAMI alabeetsanga khwiwe obulafu oburahwaho ta, khandi Nyasayewo alaba oluyalilwo.

Eliubalio shililakhuyeelela khandi, kata omwesikwo okhukhwilila ta. Okhuba OMWAMI alabeetsanga obulafubwo oburahwaho ta, netsindaalo tsiokhwikhuulakhwo tsilaba nitsiakaame.

Mana olalola, obusangaafu nibukhwashia mumoni, omwoyokwo nakwo kuleekhoya nikwitsiala; okhuba obunji obwomunyanza bulakhushiukhasilibwa, obuyinda bwamahanga bulakhwitsila.

Chinguula tsimonitsio tsimbeka tsiosi, olole; mbu beekhung'aasia halala nibakhwitsila; abaanabo abasiani balarula ehale, abaanabo abakhaana nabo baleetsa, nibahakarwa khukhukunyu.

Abandubo nabo balaba abalunjishi bosi; eshialo shilaba eshiabwe obushia nobushia; babe indombo eyoburaachi bwanje, khandi emilimo chiamakhono kanje, mbu isie eheebwe oluyali.

Akamahababa shikalahulilwakhwo mushialoshio khandi, okhukwisibwa likunda kata okhumululwa hakari wetsinaakhotsio ta; ne olakulikha Obuhonia mbu nolukobalwo ebilibwabio nabio Obwitsoomii.

Bilibwabio bilabeetsanga nibiikuushe obushia nobushia; shibiliikalwakhwo eshiteere kata eshilo ta; mbu abandu bakhuleerele ebiobuyinda bwamahanga, abaruchi babwe nabo nibeemililwa halala ninabo.

Tsingam a tsinyinji tsilakhufuunikha, mbu tsingamia tsimbuukha tsieMidiani nende Efa; baleetsa bosi okhurula eSheba; baleetsa nende itsahaabu nende obubaane, nibatswania ifuma yOMWAMI.

Abarende baloombakha olukobalwo, abaruchi babwe nabo balakhukhalabanila; okhuba muburima bwanje ndakhukhupa, ne mubukoosia bwanje ndakhubeeleele tsimbabasi.

Shinga olwa walekhwa nokiywa, omundu yesi narabira hakari mwiwe ta. Kho ndalakhukhola obe nobukhulundu bwobumeli, omwikhoyo kwebisoni nebisoni.

Olanuuna amabeele kamahanga, nende okhunuuna tsimbeele tsiabaruchi; ne olamanya mbu isie OMWAMI endi omuhoniawo, khandi omununuliwo, Omwene Bunyali waYakobo.