Isaya 56
56
Oulinda indakano yOMWAMI anyoole amatani
1Kano niko aka OMWAMI aboola, mbu Mulindenje obuyaasii bwatoto, nimukhola obulunjishi;
shichila obuhonia bwanje buli ahambi okhuula,
khandi obulunjishi bwanje buli ahambi okhufwimbukha.
2Noweikhabi omundu oukholanga kano,
khandi omwana womundu oukatinyangakhwo;
oulindanga isabato oburachibiiyia ta,
nalinda omukhonokwe kuleshe okhukhola libii liosi ta.
3Kata oyo omurende owiyunjile khuMWAMI, aleshe okhuboola ari
Toto mwene, OMWAMI alanzahukhasia nende abandube;
kata omulate okhusunga ari
Lole, endi omusaala omuumu; tawe.
4Shichila kano niko aka OMWAMI aboola, mbu Khubalate abo abalindanga tsisabato tsianje,
nibalobola akeenako akanjamisia isie,
nibatinya khundakano yanje,
5ndalabaheelesia abo, munzu yanje khandi hakari welisiisi lianje,
eshiitsulilo nende eliira,
ebishila abaana abasiani nende abakhaana;
ndalabaheelesia eliira liobumeli, Eliiraakama ta.
6Khandi abarende nabo, abeeyunga khuMWAMI,
mbu bamukhalabanile nibaheela eliira liOMWAMI,
okhuba abasumbabe,
buli mundu oulindanga isabato oburachibiiyia ta,
natinya khundakano yanje;
7nabo ndalabaleera mushikulu shianje eshitakatifu,
nimbeekhoyesia munzu yanje yokhusaayilamwo;
ebihaanwa biabwe ebisambe nende emisango chiabwe chilafuchiililwa khushimalilo shianje;
shichila inzu yanje yilalangwa mbu inzu eyokhusaayilamwo khubetsimbia tsiosi.
8Omwami NYASAYE, oukhung'aasia abaIsiraeli abo abaarwa,
aboola mbu Eshimukhung'aasilia abandi khandi,
okhushila abo abamalile okhukhung'aasibwa.
Eshiina khuwinamili bwebifwanani bwaIsiraeli
9Inywe tsisolo tsinabulimo, mwitse murindule,
kata inywe tsisolo tsinamutsuru.
10Abalindibe babofuule tsimoni, bosi shibamanya likhuwa ta;
bosi netsimbwa tsisilu,
shibanyala okhusema ta;
balooranga, bakonanga,
baheelanga butswa tsindoolo.
11Toto mwene, tsimbwa netsinangu;
shitsinyala okhwikura ta;
nabo abaayi bakhaywa okhutiila khushisina;
bakotoole bosi khunjila yabwe abeene,
bosi pe, buli mundu khunganga yiye.
12Bari Mwitse, enyende idivai,
khunyalishe amalwa;
mukamba nayibe shinga leelo,
inyanga ikhulundu eyirachelekha ta.
Currently Selected:
Isaya 56: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 56
56
Oulinda indakano yOMWAMI anyoole amatani
1Kano niko aka OMWAMI aboola, mbu Mulindenje obuyaasii bwatoto, nimukhola obulunjishi;
shichila obuhonia bwanje buli ahambi okhuula,
khandi obulunjishi bwanje buli ahambi okhufwimbukha.
2Noweikhabi omundu oukholanga kano,
khandi omwana womundu oukatinyangakhwo;
oulindanga isabato oburachibiiyia ta,
nalinda omukhonokwe kuleshe okhukhola libii liosi ta.
3Kata oyo omurende owiyunjile khuMWAMI, aleshe okhuboola ari
Toto mwene, OMWAMI alanzahukhasia nende abandube;
kata omulate okhusunga ari
Lole, endi omusaala omuumu; tawe.
4Shichila kano niko aka OMWAMI aboola, mbu Khubalate abo abalindanga tsisabato tsianje,
nibalobola akeenako akanjamisia isie,
nibatinya khundakano yanje,
5ndalabaheelesia abo, munzu yanje khandi hakari welisiisi lianje,
eshiitsulilo nende eliira,
ebishila abaana abasiani nende abakhaana;
ndalabaheelesia eliira liobumeli, Eliiraakama ta.
6Khandi abarende nabo, abeeyunga khuMWAMI,
mbu bamukhalabanile nibaheela eliira liOMWAMI,
okhuba abasumbabe,
buli mundu oulindanga isabato oburachibiiyia ta,
natinya khundakano yanje;
7nabo ndalabaleera mushikulu shianje eshitakatifu,
nimbeekhoyesia munzu yanje yokhusaayilamwo;
ebihaanwa biabwe ebisambe nende emisango chiabwe chilafuchiililwa khushimalilo shianje;
shichila inzu yanje yilalangwa mbu inzu eyokhusaayilamwo khubetsimbia tsiosi.
8Omwami NYASAYE, oukhung'aasia abaIsiraeli abo abaarwa,
aboola mbu Eshimukhung'aasilia abandi khandi,
okhushila abo abamalile okhukhung'aasibwa.
Eshiina khuwinamili bwebifwanani bwaIsiraeli
9Inywe tsisolo tsinabulimo, mwitse murindule,
kata inywe tsisolo tsinamutsuru.
10Abalindibe babofuule tsimoni, bosi shibamanya likhuwa ta;
bosi netsimbwa tsisilu,
shibanyala okhusema ta;
balooranga, bakonanga,
baheelanga butswa tsindoolo.
11Toto mwene, tsimbwa netsinangu;
shitsinyala okhwikura ta;
nabo abaayi bakhaywa okhutiila khushisina;
bakotoole bosi khunjila yabwe abeene,
bosi pe, buli mundu khunganga yiye.
12Bari Mwitse, enyende idivai,
khunyalishe amalwa;
mukamba nayibe shinga leelo,
inyanga ikhulundu eyirachelekha ta.
Oluluyia Union Version © Bible Society of Kenya 1975