Isaya 57
57
1Omulunjishi afwitsanga nahwaho,
nabulaho oulipaarakhwo mumwoyokwe ta;
abariitsanga Nyasaye nabo babukulwa,
nabulaho ouyililisia;
omulunjishi ayiniibwe mububii obwitsanga.
2Yeenjilamumulembe;
bakonanga khubulili bwabwe,
buli mundu ouchendanga mubulunjishibwe.
3Nebutswa, site ahambi hano,
inywe abaana bowebitsohelo,
olwibulo lwomuyilani nende omuheyi.
4Niwina owa mubalabalanga?
Niwina owa mwasamilanga omunwa mmuIembela olulimi?
Shimuli abaana bobukhayi,
olwibulo lwobubeeyi?
5Inywe abeelaasinjia mumiruba,
mubuli musaala omutendeemu,
abeeranga abaana mumabanda,
mumbangatsi tsietsinyanda.
6Omukabokwo kuli hakari wamachina amarelele akomwibanda;
yako niko ikha yiyo;
kata niko aka wasundulila eshihaanwa shiokhutsushiililwa,
aka wahaanila eshihaanwa shieimele.
Nasi ndakhahotselesilibwa ebindu bino noho?
7Khushikulu eshirambi eshiachinguukha muno nishio eshia waalakhwo obulilibwo;
khandi nishio eshia watikulushilakhwo okhumala omusango.
8Ne nyuma wemiliango nebiyindi wasinjisia eshiitsuliloshio;
okhuba niwiyahukhasiye ninasi, wafuunula obulilibwo,
nobuniinakhwo,
nobubambusia,
niwikholela indakano ninabo;
walola obulili bwabwe, nobuheela.
9Khandi wamutsiila Moleku niwibashila amafura,
nomeetakhwo amalesiko keshing'aari,
noruma abarumebo ehale,
kata okhuula eMakombe.
10Oburambi bweinjilayo bwakhuchoonyia;
ne shiwaboola mbu Shikanyalikha ta, tawe;
wanyoola obulamusii bwamaaniko;
khulwako shiwatoreelela ta.
11Ne niwina owa wariitsanga nomutechelela,
nikachila nobeeha,
noranzitsulila isie ta,
kata okhumbaarakhwo mumwoyo?
Shindaholeela, nikhutimbila tsimoni?
Kho shiwayaria ta.
12Ndalaboolanga akobulunjishibwo,
nemilimochio nachio nibutswa.
13Olwa olakaya, ebiabutswa ebia wakhung'aasia bikhuhonie;
nebutswa omuyeka kulabiyila,
emiuya butswa chilabichinga biosi;
ne owisiikanga isie alalaamilwa eshialo,
nalia eshikulu shianje eshitakatifu.
Obukhoonyi bwaNyasaye, nende obuhoniabwe
14Ne kalasungwa mbu
Bucheho, bucheho,
mukasie injila,
murusieho eshisichirasio khunjila yabandu banje.
15Okhuba kano niko aka Omwenoyo ouli hekulu nachinguukha,
oumenyanga mubumeli, owa eliiralie niye Omutakatifu,
asunga; mbu
Isie emenyanga habundu aheechingu, hatakatifu
halala nende oyo owomwoyo omwituutuyi okwinyushile,
okhulamusia roho tsiabeetuutuyi,
khandi okhubalamusia aba emioyo chiabwe chinyushile.
16Shichila shindalayingananga nabandu tsindaalo tsiosi,
kata okhubeetsanga noburima obushia nobushia ta;
okhuba roho yarula khwisie;
nasi nisie owalonga ebili mwoyo.
17Khulwa obumayaanu bweingangaye eyobunuuli ndatiilwa oburima;
naye yatsiililila nobukhayikhanu munjila yomumwoyokwe omwene.
18Ndaluutsi tsinjilatsie, ne ndalamuhonia;
khandi ndalamwimilila nimukalusilia obulemia,
nende abo abamwikhuula,
namakhuwa akarula mumunwa kwanje; mbu
19Omulembe kwatoto khu oyo ouli ehale nende khu oyo ouli ahambi;
ne nolwa ndalamuhonia;
nolwa OMWAMI aboola.
20Ne abamayaanu bafwana shinga inyanza olwa yiirunda;
okhuba shiyinyala okhuyenzeela ta,
namatsi kayo karusinjia amatoyi nende amakokha.
21Nyasaye wanje aboola mbu Khubamayaanu kubulaho omulembe.
Currently Selected:
Isaya 57: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 57
57
1Omulunjishi afwitsanga nahwaho,
nabulaho oulipaarakhwo mumwoyokwe ta;
abariitsanga Nyasaye nabo babukulwa,
nabulaho ouyililisia;
omulunjishi ayiniibwe mububii obwitsanga.
2Yeenjilamumulembe;
bakonanga khubulili bwabwe,
buli mundu ouchendanga mubulunjishibwe.
3Nebutswa, site ahambi hano,
inywe abaana bowebitsohelo,
olwibulo lwomuyilani nende omuheyi.
4Niwina owa mubalabalanga?
Niwina owa mwasamilanga omunwa mmuIembela olulimi?
Shimuli abaana bobukhayi,
olwibulo lwobubeeyi?
5Inywe abeelaasinjia mumiruba,
mubuli musaala omutendeemu,
abeeranga abaana mumabanda,
mumbangatsi tsietsinyanda.
6Omukabokwo kuli hakari wamachina amarelele akomwibanda;
yako niko ikha yiyo;
kata niko aka wasundulila eshihaanwa shiokhutsushiililwa,
aka wahaanila eshihaanwa shieimele.
Nasi ndakhahotselesilibwa ebindu bino noho?
7Khushikulu eshirambi eshiachinguukha muno nishio eshia waalakhwo obulilibwo;
khandi nishio eshia watikulushilakhwo okhumala omusango.
8Ne nyuma wemiliango nebiyindi wasinjisia eshiitsuliloshio;
okhuba niwiyahukhasiye ninasi, wafuunula obulilibwo,
nobuniinakhwo,
nobubambusia,
niwikholela indakano ninabo;
walola obulili bwabwe, nobuheela.
9Khandi wamutsiila Moleku niwibashila amafura,
nomeetakhwo amalesiko keshing'aari,
noruma abarumebo ehale,
kata okhuula eMakombe.
10Oburambi bweinjilayo bwakhuchoonyia;
ne shiwaboola mbu Shikanyalikha ta, tawe;
wanyoola obulamusii bwamaaniko;
khulwako shiwatoreelela ta.
11Ne niwina owa wariitsanga nomutechelela,
nikachila nobeeha,
noranzitsulila isie ta,
kata okhumbaarakhwo mumwoyo?
Shindaholeela, nikhutimbila tsimoni?
Kho shiwayaria ta.
12Ndalaboolanga akobulunjishibwo,
nemilimochio nachio nibutswa.
13Olwa olakaya, ebiabutswa ebia wakhung'aasia bikhuhonie;
nebutswa omuyeka kulabiyila,
emiuya butswa chilabichinga biosi;
ne owisiikanga isie alalaamilwa eshialo,
nalia eshikulu shianje eshitakatifu.
Obukhoonyi bwaNyasaye, nende obuhoniabwe
14Ne kalasungwa mbu
Bucheho, bucheho,
mukasie injila,
murusieho eshisichirasio khunjila yabandu banje.
15Okhuba kano niko aka Omwenoyo ouli hekulu nachinguukha,
oumenyanga mubumeli, owa eliiralie niye Omutakatifu,
asunga; mbu
Isie emenyanga habundu aheechingu, hatakatifu
halala nende oyo owomwoyo omwituutuyi okwinyushile,
okhulamusia roho tsiabeetuutuyi,
khandi okhubalamusia aba emioyo chiabwe chinyushile.
16Shichila shindalayingananga nabandu tsindaalo tsiosi,
kata okhubeetsanga noburima obushia nobushia ta;
okhuba roho yarula khwisie;
nasi nisie owalonga ebili mwoyo.
17Khulwa obumayaanu bweingangaye eyobunuuli ndatiilwa oburima;
naye yatsiililila nobukhayikhanu munjila yomumwoyokwe omwene.
18Ndaluutsi tsinjilatsie, ne ndalamuhonia;
khandi ndalamwimilila nimukalusilia obulemia,
nende abo abamwikhuula,
namakhuwa akarula mumunwa kwanje; mbu
19Omulembe kwatoto khu oyo ouli ehale nende khu oyo ouli ahambi;
ne nolwa ndalamuhonia;
nolwa OMWAMI aboola.
20Ne abamayaanu bafwana shinga inyanza olwa yiirunda;
okhuba shiyinyala okhuyenzeela ta,
namatsi kayo karusinjia amatoyi nende amakokha.
21Nyasaye wanje aboola mbu Khubamayaanu kubulaho omulembe.
Oluluyia Union Version © Bible Society of Kenya 1975