Isaya 55
55
Omundu yesi owenya, abukule tsimbabasi butswa
1Bayaye, inywe mwesi aba obuloho bulia, mwitse amatsi;
kata ababula amapeesa, mwitse, mukule, nimulia;
Toto, mwitse, mukule idivai nende amabeele harali amapeesa naharali obukusi tawe.
2Mbushiina nimurusinjia amapeesa khulwebio ebirali ebiliibwa,
nimunyakhanila eshio eshiramwikusia ta?
Mureche amarwi butinyu, nimulia eshili eshilayi,
nimwisangaasilia obunefu.
3Reche amarwi, nimunzitsila;
hulile, nimuba mwoyo;
ne ndalakhola nineenywe indakano yobumeli,
mbu okhumuheela nobuheeli oburalilu, shinga olwa ndamuheela Daudi.
4Lola, ndamuhaanile abe omuloli khutsimbia tsiabandu,
omwimilisi khandi omukhulundu khutsimbia tsiabandu.
5Lola, olalanga lihanga elia oramanyile ta,
khandi lihanga elirakhumanyile iwe ta lilakhutetekhanila tsimbilo,
khulwa OMWAMI Nyasayewo,
khandi khulwa Omutakatifu waIsiraeli;
okhuba yakhung'oonile.
6Mumukhaabe OMWAMI olwa ashinyoolekha;
mumuhaabile olwa ashili ahambi;
7Omumayaanu aleshe injilaye,
noyo oubula obulunjishi aleshe amapaaroke;
amukalushile OMWAMI,
naye alamubeela tsimbabasi;
khandi khuNyasaye weefwe,
okhuba alamuleshela elala.
8Okhuba amapaaro kanje shikali niko amapaaro keenywe,
kata tsinjila tsieenywe shitsili nitsio tsinjila tsianje ta;
nolwa OMWAMI aboola.
9Okhuba shinga likulu olwa lieenyiila okhuyomba eshialo,
nolwa tsinjila tsianje tsieenyiila okhuyomba tsinjila tsieenywe,
khandi amapaaro kanje okhuyomba amapaaro keenywe.
10Okhuba shinga ifula olwa yiikhanga, nende itsaluchi, okhurula mwikulu,
nibirakalukhayo ta, nebutswa binyisia eshialo,
nibichila nishiibula, nishimesia ebimela,
nishirusilia omumiitsi imwo, nende oulia eshiokhuliashie;
11nolwa likhuwa lianje lilabeetsanga elirula mumunwa kwanje;
shililangalushila butswa ta;
nebutswa lilamala liusie lienelo elia enzenya,
nilikaasila lienelo elia ndalirumiile.
12Okhuba mularula nende okhwikhoya,
nimwimililwa nomulembe;
imbeli weenywe tsingulu nebikulu bilarundukha munyimbo,
nemisaala chiosi echiomubulimo chilakhupa tsikhofi.
13Mushilenje shieshisia omutaraakwe kulamela,
khandi mushilenje shiolusasaari, omuhatasi kulamela;
ne nikhwo okhulamunyoolela OMWAMI eliira,
eshilolelo shiobumeli, eshiraakama ta.
Currently Selected:
Isaya 55: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Isaya 55
55
Omundu yesi owenya, abukule tsimbabasi butswa
1Bayaye, inywe mwesi aba obuloho bulia, mwitse amatsi;
kata ababula amapeesa, mwitse, mukule, nimulia;
Toto, mwitse, mukule idivai nende amabeele harali amapeesa naharali obukusi tawe.
2Mbushiina nimurusinjia amapeesa khulwebio ebirali ebiliibwa,
nimunyakhanila eshio eshiramwikusia ta?
Mureche amarwi butinyu, nimulia eshili eshilayi,
nimwisangaasilia obunefu.
3Reche amarwi, nimunzitsila;
hulile, nimuba mwoyo;
ne ndalakhola nineenywe indakano yobumeli,
mbu okhumuheela nobuheeli oburalilu, shinga olwa ndamuheela Daudi.
4Lola, ndamuhaanile abe omuloli khutsimbia tsiabandu,
omwimilisi khandi omukhulundu khutsimbia tsiabandu.
5Lola, olalanga lihanga elia oramanyile ta,
khandi lihanga elirakhumanyile iwe ta lilakhutetekhanila tsimbilo,
khulwa OMWAMI Nyasayewo,
khandi khulwa Omutakatifu waIsiraeli;
okhuba yakhung'oonile.
6Mumukhaabe OMWAMI olwa ashinyoolekha;
mumuhaabile olwa ashili ahambi;
7Omumayaanu aleshe injilaye,
noyo oubula obulunjishi aleshe amapaaroke;
amukalushile OMWAMI,
naye alamubeela tsimbabasi;
khandi khuNyasaye weefwe,
okhuba alamuleshela elala.
8Okhuba amapaaro kanje shikali niko amapaaro keenywe,
kata tsinjila tsieenywe shitsili nitsio tsinjila tsianje ta;
nolwa OMWAMI aboola.
9Okhuba shinga likulu olwa lieenyiila okhuyomba eshialo,
nolwa tsinjila tsianje tsieenyiila okhuyomba tsinjila tsieenywe,
khandi amapaaro kanje okhuyomba amapaaro keenywe.
10Okhuba shinga ifula olwa yiikhanga, nende itsaluchi, okhurula mwikulu,
nibirakalukhayo ta, nebutswa binyisia eshialo,
nibichila nishiibula, nishimesia ebimela,
nishirusilia omumiitsi imwo, nende oulia eshiokhuliashie;
11nolwa likhuwa lianje lilabeetsanga elirula mumunwa kwanje;
shililangalushila butswa ta;
nebutswa lilamala liusie lienelo elia enzenya,
nilikaasila lienelo elia ndalirumiile.
12Okhuba mularula nende okhwikhoya,
nimwimililwa nomulembe;
imbeli weenywe tsingulu nebikulu bilarundukha munyimbo,
nemisaala chiosi echiomubulimo chilakhupa tsikhofi.
13Mushilenje shieshisia omutaraakwe kulamela,
khandi mushilenje shiolusasaari, omuhatasi kulamela;
ne nikhwo okhulamunyoolela OMWAMI eliira,
eshilolelo shiobumeli, eshiraakama ta.
Oluluyia Union Version © Bible Society of Kenya 1975