Isaya 54
54
Obuheeli bwOMWAMI khuIsiraeli bubula eshiakamo
1Yimba, iwe omukumba oureebulanga ta;
rundukha munyimbo, nokhupa tsingalakala,
iwe ouralumwa okhwibula omwana ta;
okhuba abaana ba oyo owalekhwa nabanji okhushila aba oyo owateeshibwa; nolwa OMWAMI aboola.
2Yanguula habundu weliheemalio,
mana babambule tsingubo tsiebimenyobio;
orayinjila ta; rambiyia emikoyechio,
noralisia ebibambobio.
3Okhuba olalandaala khumukhono musaatsa nende khumukhasi;
nolwibulolwo balalia amahanga,
nibachila amakunda kamenywemwo.
4Oraria tawe; okhuba shiolaba netsisoni, kata okhufwimbwa omurwe,
kata okhuhambibwa tsisoni ta;
okhuba oleebilila tsisoni tsiobukhaanabwo,
nokhuseywa khwobulekhwabwo shioleetsulila khandi ta.
5Okhuba Omulonjiwo niye omusaatsawo;
eliiralie niye OMWAMI omwene mahe;
khandi Omutakatifu waIsiraeli niye omununuliwo;
alalangungwa mbu Nyasaye webialo biosi.
6Okhuba OMWAMI akhulanjile shinga omukhasi owalekhwa natsuunwa omwoyo muno,
shinga omukhasi omubula, olwa yeelusibwa;
nolwa Nyasayewo aboola.
7Eshise eshitiiti ndakhuleshile;
nebutswa ndalakhukhwesa nende tsimbabasi tsinyinji.
8Khulwa oburima obuyombeelela ndakhubisila tsimoni tsianje eshise eshitiiti;
ne ndalakhubeela tsimbabasi nende obuheeli bwobumeli;
nolwa OMWAMI omununuliwo aboola.
9Okhuba kano kali khwisie shinga tsindaalo tsiaNoa;
shichila sbinga olwa ndeetsuba mbu amatsi akali kaNoa shikalabira khushialo khandi ta,
nolwa ndeetsuba mbu shindalakhutiililwa oburima kata okhukhukondeshela tawe.
10Okhuba tsingulu tsiakhanyala okhuhwaho,
ebikulu nabio nibiyinibwaho;
nebutswa obuheeli bwanje oburalilu shibulakhuhweelaho,
kata indakano yanje yomulembe okhuyinibwaho ta;
nolwa OMWAMI oukhubeela tsimbabasi aboola.
Yerusalemu liyia
11E iwe ousandile, oureesiibwe neimbumbuyeka, noralemibwa omwoyo ta,
lola, ehandia amachinako muranji imali,
nikhupila omusekwo tsisapiri.
12Khandi ekhola eminaarachio chieikatikoti,
nende ebilibwabio amachina kobung'inang'inu,
nende tsinzakhotsio tsiosi amachina akolukoosi.
13Abaanabo bosi nabo baleechesibwa nende OMWAMI;
noburabaale bwabaanabo nobukhongo.
14Olatinyisibwa mubulunjishi;
olaba ehale nende obumiinwi, shichila shiolaria ta;
khandi olaba ehale nende amariisia, shichila shikalakhusitakhwo ahambi ta.
15Lola, nibaba nibayakula obusoolo,
shikakhaba nikarula khwisie ta;
omundu yesi oukhuyakulila iwe obusoolo,
alakwa khululwo.
16Lola, ndalonga omwiraanyi ouhuutsa omulilo kwamanda,
narusia eshimanulwa khumilimo chiashio;
khandi ndalonga omusasii owonoonia.
17Buli shimanulwa shiosi eshikholwa okhukhuyinga shishilakaasa u;
khandi buli lulimi lwosi olukhurulilakhwo mubuyaasii, olaluhula mushiina.
Buno nibwo obulaame bwabasumba bOMWAMI,
khandi obuhulibwe burula khwisie;
nolwa OMWAMI aboola.
Currently Selected:
Isaya 54: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
