Popular Bible Verses from Isaya 54

Share

Buli shimanulwa shiosi eshikholwa okhukhuyinga shishilakaasa u; khandi buli lulimi lwosi olukhurulilakhwo mubuyaasii, olaluhula mushiina. Buno nibwo obulaame bwabasumba bOMWAMI, khandi obuhulibwe burula khwisie; nolwa OMWAMI aboola.

Okhuba tsingulu tsiakhanyala okhuhwaho, ebikulu nabio nibiyinibwaho; nebutswa obuheeli bwanje oburalilu shibulakhuhweelaho, kata indakano yanje yomulembe okhuyinibwaho ta; nolwa OMWAMI oukhubeela tsimbabasi aboola.

Oraria tawe; okhuba shiolaba netsisoni, kata okhufwimbwa omurwe, kata okhuhambibwa tsisoni ta; okhuba oleebilila tsisoni tsiobukhaanabwo, nokhuseywa khwobulekhwabwo shioleetsulila khandi ta.

Okhuba Omulonjiwo niye omusaatsawo; eliiralie niye OMWAMI omwene mahe; khandi Omutakatifu waIsiraeli niye omununuliwo; alalangungwa mbu Nyasaye webialo biosi.

Yanguula habundu weliheemalio, mana babambule tsingubo tsiebimenyobio; orayinjila ta; rambiyia emikoyechio, noralisia ebibambobio.

Abaanabo bosi nabo baleechesibwa nende OMWAMI; noburabaale bwabaanabo nobukhongo.

Khulwa oburima obuyombeelela ndakhubisila tsimoni tsianje eshise eshitiiti; ne ndalakhubeela tsimbabasi nende obuheeli bwobumeli; nolwa OMWAMI omununuliwo aboola.

Eshise eshitiiti ndakhuleshile; nebutswa ndalakhukhwesa nende tsimbabasi tsinyinji.

Okhuba kano kali khwisie shinga tsindaalo tsiaNoa; shichila sbinga olwa ndeetsuba mbu amatsi akali kaNoa shikalabira khushialo khandi ta, nolwa ndeetsuba mbu shindalakhutiililwa oburima kata okhukhukondeshela tawe.

Khandi ekhola eminaarachio chieikatikoti, nende ebilibwabio amachina kobung'inang'inu, nende tsinzakhotsio tsiosi amachina akolukoosi.