Isaya 46
46
1Beli kwinaame, Nebo kubunaame,
ebifwanani biachio ebia mwachesiyenje mulupeli bituushilwe khumiruko, nokhung'ombe;
nemisiiko khumiruko echiluyiliile.
2Chibunaame, nichiinamila halala;
chiakhayilwe okhuhonia emisiiko,
ne echiene chiatsiile mubuhambe.
3Murechele amarwi, inywe abeinzu yaYakobo,
nende omusikalo kwosi kwabeinzu yaIsiraeli,
aba enjinganga okhurula munda,
abachingwa okhurula khulubeleshelo;
4khandi okhuula khubukofu, nisie ye,
nokhuula khutsimbutsi ndalakhuchinganga;
ndakhola, khandi ndalachinga;
toto, ndalachinga nende okhuhonia.
5Mulafwanania nende wina, kata okhuneng'asia ninaye,
nokhunjelasia ninaye, mbu khufwanane?
6Abo abasundula itsahaabu busundula okhurula muloloti,
nibachela ifeetsa mushiitenjelesio,
bahandiika omwiraanyi, naye achikhola omunyasaye;
beekhupa hasi, nibamwinamila.
7Bamuchinga khwibeka, bamuyila,
nibamurenjekha habunduwe, naye nasinjila;
shialasikukha okhurula habunduwe tawe;
oundi muhaabila, ne shianyala okhukalusia kata okhumuhonia mumatinyuke ta.
8Yitsulile kano, inywe abeinduli;
mwiyitsusie khandi, inywe abakhayi.
9Yitsulile amakhuwa akambeli, akakhale;
okhuba nisie Nyasaye, nabulaho oundi;
nisie Nyasaye, nabulaho oufwanana ninasi;
10owilwatsanga akobumaliilishi okhurula khukhuchaaka,
khandi okhurula khale amakhuwa akashili okhwikhola ta;
ousunga mbu Tsiyemi tsianje tsilasinjilanga,
ne ndalakhola kosi aka enzenya;
11oulanga inditsu okhurula ebukwe,
omundu oukhola aketsiyemi tsianje, okhurula mushialo shiehale;
toto, ndaboolile, khandi ndalakoosia;
ndarakhwo omwoyo, khandi ndalakhola.
12Murechele amarwi, inywe abamakosi amoomu,
abali ehale nende obuhuli;
13esitia ahambi obuhuli bwanje, shibuli ehale,
kata obuhonia bwanje shibulashinda ta;
ndalahaana obuhonia muSayuni,
ing'oono yanje muIsiraeli.
Currently Selected:
Isaya 46: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
