Isaya 39
39
Hezekia yeenjisia abarume abarula eBabeli
(2 Abaru. 20.12-19; 2 Akets. 32.27-31)
1Mundaalo tsienetsio Merodakhi-baladani waBaladani, omuruchi waBabeli, yaruma tsibarwa nende eshihaanwa ewaHezekia; shichila yahulila mbu yali nalwalile, ne bulaano wahonile. 2Ne Hezekia yabasangaalila, nabamanyia inzu yebindubie biobuyinda, mbu ifeetsa, nende itsahaabu, nende indesi yeshiuya eshilayi, nende amafura akashila obulayi, nende inzu yosi eyalimwo ebimanulwabie, nende biosi ebianyoolekha mumabiishiloke; shiabulaho eshindu shiosi, kata munzuye, kata mubwamibwe bwosi, eshia Hezekia arabamanyia ta. 3Mana Isaya omunabii yamwitsiila omuruchi Hezekia, namureeba ari Abandu bano baboola barie? Khandi barula heena nibakhwitsila? Hezekia namukalusia mbu Banzitsiile nibarula mushialo shiehale, eshiaBabeli. 4Mana namureeba ari Ne baluutsi shiina munzuyo? Hezekia namukalusia mbu Baluutsi ebindu biosi ebili munzu yanje; shibulaho eshindu shiosi mumabiishilo kanje kosi eshia ndarabamanyiye ta.
5Mana Isaya namuboolela Hezekia ari Hulila amakhuwa kOMWAMI omwene mahe. 6Lola, tsindaalo tsiitsanga olwa biosi ebili munzuyo, nende bienebio ebia abakuukawo bakhubiishila okhuula bulaano, bilachingwa nibiyilwa eBabeli; shishilabaho eshindu eshilatong'a tawe; nolwa OMWAMI aboola. 7Ne balabukula abandi khubaanabo abasiani aba oleebula, abalakhurulakhwo; nabo balaba abakhalabani abalate mwitookho liomuruchi waBabeli. 8Mana Hezekia namusunjila Isaya ari Nelilayi, likhuwa liOMWAMI, elia oboolile. Khandi nasunga mbu Okhuba omulembe nende obwatoto bilabeetsangaho mundaalo tsianje.
Currently Selected:
Isaya 39: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
