Isaya 36
36
Senakheribu yeenjila mushialo namaani
(2 Abaru. 18.13-37; 2 Akets. 32.1-19)
1Mumuyika kwelikhumi nakhane kwomuruchi Hezekia, Senakheribu, omuruchi waAshuru, yatikulushila amataala kosi kaYuda aketsingoba okhukaseera, nakanuula. 2Omuruchi waAshuru yaruma omurabushake undi okhurula eLakhishi okhuula eYerusalemu, khumuruchi Hezekia, nende lihe likhongo liabasikari. Ne yasinjila ahambi nende omuferechi kwelitiba liemukulu, khumuhanda kweshianyi shiomwosi wetsingubo. 3Mana Eliakimu waHilikia yarula namwitsila, owali narukanga itookho, nende Shebina omuhandiichi, nende Yoa waAsafu, omuhandiichi omulindi wamakhuwa.
4Mana omurabushake oyo nabasunjila ari Bulaano mumuboolele Hezekia mbu Omuruchi omukhongo, omuruchi waAshuru, aboola mbu Nobwisiichi shiina buno obwa wisiikanga? 5Okaala mbu amakhuwa namakhuwa kahela amachesi namaani mwihe, noho? Bulaano owa wisiikanga niwina, ouchila niukholela induli? 6Lola, wisiikanga omutiichilo okwo kwolusi olufwoneeshe, mbu Misiri, okwa omundu naba niyeeleetakhwo, kuleenjila mumukhonokwe nikumufumira; nolwa Farao omuruchi waMisiri ali khubeenabo bosi abamwisiikanga. 7Nebutswa noba niumboolela mbu Khumwisiikanga OMWAMI Nyasaye weefwe; kho shiali ye owa Hezekia yarusiyeho habunduwe hachinguukhu hosi nende ebimalilobie biemisango, naoiila abaYuda nende abaYerusalemu ari Muleenamilanga imbeli weshimalilo shino, nohomba? 8Kho bulaano, chama omusinjile omwami wanje omuruchi waAshuru omusingo; ndalakhuheelesia tsifarasi ebikhumila bibili, iwe noba nonyala khululwo okhuniiniakhwo abandu abakhatsichendelakhwo. 9Iwe wakhanyala orie okhukaya kata omwimilisi mulala, kata oushila obutuutu mubasumba bomwami wanje, olwa wisiikanga Misiri okhunyoolelayo amakaari nende abachendela tsifarasi? 10Nasi bulaano endikuluushe okhuseera eshialo shino nokhushimulula, aharali OMWAMI, noho? OMWAMI niye owambiila mbu Tikulukha oseere eshialo shino, noshimulula.
11Mana Eliakimu nende Shebina nende Yoa basunjila omurabushake oyo, bari Chama oboolele abasumbabo muluAshuru; okhuba khuluhulilanga, ne orakhuboolela mululimi lwabaYahudi, abandu abali khulukoba nibahulila, ta. 12Ne omurabushake naboola ari Omwami wanje yaruma khumwami weenywe, khandi khwinywe, okhusunga amakhuwa kano, noho? Shiyayaruma khubandu abeekhaale khulukoba, mbu balie khubibii biabwe abeene, nibanywa khumenyali kabwe abeene, halala nineenywe?
13Mana omurabushake oyo nasinjila, nachinga omwoyo mululimi lwabaYahudi, nasunga mbu Hulile amakhuwa komuruchi omukhongo, omuruchi waAshuru. 14Omuruchi aboola mbu Murafuchiilila Hezekia amukaatie, okhuba shinanyale okhumuhonia ta; 15kata murafuchiilila Hezekia amutinyisie muMWAMI ta, ari OMWAMI shialachweya okhukhuhonia tawe; litookho lino shiliitsa okhuhaanwa mumukhono kwomuruchi waAshuru ta. 16Murarechelesia akaHezekia tawe; okhuba kano niko aka omuruchi waAshuru aboola; mbu Mwisaasanie ninasi, murule munzitsile; mana mulaliitsanga buli mundu khumutsabibukwe, khandi buli mundu khumukhuyukwe, nimunyweetsanga buli mundu khumatsi akomwiyabo lilie omwene; 17okhuula olwa ndaleetsa nimuyila mushialo eshifwanana nende eshialo shieenywe abeene, eshialo shieimele nende idivai eshialo shiebiokhulia nende emikunda chiemitsabibu. 18Mwirecheshe, mbu Hezekia aleshe okhumunichilisia, ari OMWAMI alakhuhonia. Aliho omunyasaye yesi welihanga liosi wahoniye eshibalashie mumukhono kwomuruchi waAshuru noho? 19Bali heena abanyasaye baHamatsi nende Arapadi? Bali heena abanyasaye baSefarawaimu? Ne bahoniye Samaria mumukhono kwanje noho? 20Mubanyasaye bosi bebibala bino, bali heena abahoniye eshibala shiabwe mumukhono kwanje, mbu OMWAMI yakhahonia Yerusalemu mukhono kwanje?
21Ne baholeela tsi, nibaramukalusia likhuwa ta; okhuba lilako liomuruchi liali mbu Muramukalusia likhuwa tawe. 22Mana Eliakimu waHilikia, owali narukanga itookho, nende Shebina omuhandiichi, nende Yoa omwana waAsafu omuhandiichi omulindi wamakhuwa, nibamutsiila Hezekia nibali nibaranduule tsingubo tsiabwe, nibamuboolela amakhuwa komurabushake oyo.
Currently Selected:
Isaya 36: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
